黎明用簡單兩字震撼5億觀眾 洗腦對白成網絡熱搜!
2018年11月08日22:30

黎明之前就客串內地網劇《將夜》,今次佢就非常威,除咗喺劇中飾演唐王李仲易,而且仲因為佢喺劇中有一句超洗腦嘅對白,仲要只係短短兩個字就成功震撼5億觀眾!究竟係邊兩個字咁震撼人心呢?

撰文:東方新地|圖片:影片截圖、將夜微博

延伸閱讀:

事隔30年再晒同杜德偉合照!張繼聰:佢完全冇變過

原班人馬歸位!鄭中基宣布明年開拍《龍咁威3》

黎明用簡單兩字震撼5億觀眾

改編自內地作家同名小說嘅網劇《將夜》上月底開播,雖然主角起用咗新人陳飛宇、宋伊人,但都有黎明、安志杰、胡軍、鄭少秋等份量級演員,加上全實景拍攝,據知點擊率短短幾日加埋就已經有5億之多!

黎明
黎明
黎明
黎明

今次唔係同大家講呢套網劇係講咩或者有啲咩要讚、要彈,反而係想同大家分享一下近年少有拍劇嘅黎明!黎明今次喺劇入面就好威威,皆因佢喺劇中一句說話,成功令劇集好快上咗微博熱搜!

洗腦對白成網絡熱搜!

話說黎明喺劇中飾演一個風度翩翩,淡漠寡言嘅李仲易,而最突出嘅係佢喺劇中最鐘意就用「廢祡」鬧人!

最爆嗰次就係喺第7集,黎明於朝庭上以一句「但是你們全都是廢祡」,鬧爆一眾大臣,然而聽到「陞下息怒」之後,佢依然再繼續「廢祡」,結果令廢祡一詞成為微博熱搜!

有網民就指出原著小說中,只出現過「廢物」一詞,但依家喺劇中聽到國語版號「廢祡」感覺非常新奇!睇嚟今次黎天王又成功製造出話題之餘,仲成功令廣東話嘅「廢祡」一詞發揚光大啦!

黎明:平凡是她的運氣

黎明四月榮升老竇,女助手阿Wing為天王誕下女兒,眨眼天王女四個多月大,雖然之前黎明從未讓女兒容貌曝光,但日前他突然在社交平台罕有上載B女正面照,黎明說:『我的女兒…🤩好胖呵呵,…平凡是她的運氣🤩分享!一直和我一起成長的家族朋友』

天王女容貌正式曝光,B女單眼皮兼小嘴仔,肥嘟嘟,網友紛紛大讚BB女好可愛,有如「迷你版黎明」!搵番黎天王童年照,樣子和神情的確同囡囡好似!

我來自北京嘅黎明…

邊個係天王,唔使多講啩!

少年時期嘅黎天王!

發福嘅黎天王同肥嘟嘟嘅B女,真係好似!

黎明十級戒備保護B女 陳慧琳勸調整心態:你保護得佢幾多呢?

Kelly好友黎明做爸爸,她表示仍未見過B女:「我唔八卦嘅,不過我都想睇,但係我就唔會特登問佢拎嚟睇,撞到先問佢。咁BB一定係可愛㗎喇。」(傾吓育兒心得?)就係將會有好多人會影佢囉,好似醫院嗰件事件,我好明白佢嘅心情,我當時都有呢個感覺,所有傳媒喺Lobby等好似畀人包圍咗間醫院,抖唔到氣咁,因為係第一次吖嘛。但我自己慢慢適應,因為諗吓個小朋友遲早要返學,你保護得佢幾多呢?所以自己要去調適自己嘅心理,一日一日Leon就會接受到!返咗學即使冇記者都有家長影你,放落啲社交平台嗰到傳媒又會拎嚟登,所以自己一定要調適,唔好唔開心。」我依家就調適咗自己,你影啦!

黎明
黎明
Kelly指現時出門最重要是打扮整齊,就不怕被影到。

事實上,育有兩子劉昇及劉琛的Kelly,的確在兩子年幼時任傳媒影相而未有阻止!

而長子劉昇對記者「接放學」早已習以為常,面對鏡頭駕輕就熟,更試過主動走近本刊記者前單眼擺甫士,笑住話:「我係Spider-Man﹗」非常可愛﹗Kelly前年在紅館開演唱會,更加首度安排兩子上台和觀眾打招呼,場面相當溫馨!

黎明 拒再現身醫院

真的假不了,由貼身助手到大住肚入住黎明上水古洞豪宅、出入自駕天王名下靚車,3月本刊獨家踢爆由助手升呢Amusic前營業部經理成功打動失婚黎明,獲得寵幸仲陀住六個月天王B,話口未完,B女周一(4月23日)已經提前近一個月駕到。處理私生活感情事一向低調、撻著前助手亦都盡量收埋,雖然Wing陀B再早產走漏風聲,51歲老來得女的黎天王仍然希望盡可能封鎖消息,為兩母女營造不受傳媒和粉絲騷擾的正常生活。

黎明
黎明
Leon 3月中被本刊爆出新歡阿Wing懷胎六個月,向來甚少談私事的Leon其後在社交網發文,承認將為人父,並揚言會保護家人免曝光!
黎明
黎明
黎明為聯合國兒童基金會親善大使,平時在活動上遇見小朋友都父愛氾濫,睇Leon抱B熟練的手勢,一定係個廿四孝爸爸。
黎明
黎明
B女提早出世,大批傳媒到傳聞明嫂在該處生B的浸會醫院守候,每個出入口都有警衞嚴密看守,保安明顯加強。

明嫂 產前獨來獨往

為了密冚懷有天王B,阿Wing已經甚少返工,免大肚消息通天,就算陀住巨肚都係獨來獨往睇車入貨上倉添置BB用品,雖然Leon冇辦法時刻陪伴身邊、手拖手出入,但對BB嘅所有狀況佢都一直掌握得好清楚,據知今次早產入院,講過會保護家人的黎明相當緊張,對外十級戒備,以防母女受騷擾,知情者透露:「Leon都有心理準備亦都即刻停工陪安胎。其實工作以外,黎明都少出街更加少social,阿Wing誕女後與外界隔絕,依家提早做老竇消息傳出,Leon將保護行動升級,拒絕人來探B,除此之外,由醫院醫護,到屋企工人同看更,連另一半阿Wing,黎明都個個交代晒唔好對外洩露任何風聲!」

黎明
黎明
阿Wing陀B後不但甚少返工,買BB用品、揀家品、醫肚等都獨來獨往,避免跟黎明孖住出入。

黎明
黎明

發火護女

傳出誕B後,連日大批傳媒趕至浸會醫院,醫院亦明顯加強保安,Leon為了保護母女,在FB發火:「我不會再出現醫院,寧願選擇在有私人空間的場合享受與家人在一起。最後我也無奈回頭一想當年讀書時期所學到的歷史日本侵華中的(漢奸)為什麼會出現,原來有些人真是有這種漢奸基因,喜歡爆料⋯⋯」黎明咁嬲,無非都係想保護屋企人!

黎明
黎明

Leon在FB發文,指為免再次出現醫院會令醫院及其他病人增添壓力,所以不會再現身醫院。然後又句句有火鬧爆爆料者,指爆料者將別人的問題變成八卦去告知媒體,不滿自己升呢做人父,卻成為花生友的對象,黎明發火非同小可。

黎明
黎明
Leon今年 3月19日以影視娛樂大使身份出席電影節啟動儀式,活動後匆匆回家陪大肚新歡,為了照顧BB女,更停工陪伴。

舊相好齊送祝福

黎明
黎明
黎明在社交網承認將為人父,前妻樂基兒叫前夫快啲生多啲BB,爆出黎明B女提早出世,樂基兒大方送上祝福:「Congratulations and happy for him.」
黎明
黎明
黎明新歡Wing當日曾任李治廷助手,愈行愈埋變拖友,李治廷當得知舊愛及舊老闆喜獲BB,亦送上祝賀:「Congratulations to Leon and Wing! 恭喜小公主的來臨!」

黎明女助手新寵曝光

一個多月前,外界都一直以為黎明未走出情傷,但其實他去年已有著落,與其唱片公司AMusic的女助手阿Wing過從甚密!獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic任營業部經理,可以話係打晒骰。成為天王新寵不特止,阿Wing更狗年報喜將榮升人母,現時陀B六個月!

黎明
黎明
黎明新寵Wing Chan
黎明
黎明
黎明新寵Wing Chan
黎明
黎明
黎明新寵Wing Chan

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

黎明
黎明
早前阿Wing由黎明寓所出發去shopping,見到佢腹大便便、剪了頭短髮,掃家品、睇BB床,連車都睇埋!

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。

黎明
黎明
阿Wing試坐後同經紀密密斟。
黎明
黎明
阿Wing對呢部價值約35萬的七人車甚有興趣,仲拎手機出來影低部車。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。

黎明
黎明
阿Wing逛完家品店又狂掃籐器,自己一手一腳搬上床。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。

黎明
黎明
當日阿Wing喺呢間日本嬰兒家具品牌店行咗好耐。
黎明
黎明
阿Wing對呢張可延伸的BB床特別有興趣,BB床連同日本製被具及其他床具等,共值約7千元。

延伸閱讀:

徐熙媛親爆細妹小S曾「腋下開洞」 佘詩曼聽完嚇到o哂咀!

關注我們Facebook專頁
    相關新聞
      更多瀏覽