超貼心生日禮物變空頭支票 陸永嫂激到要陸永自己湊女
2018年11月07日18:50

早前陸永嫂Reina生日,陸永就送上一份「超貼心」的生日禮物-學車同學影相,當時Reina冧爆咁話:「從來未收過咁sweet 嘅生日禮物!」。事隔一個月,Reina竟然delete咗當日大讚陸永嘅post,更upload咗一張只有文字嘅相片,嬲爆咁話「嘥錢學車做乜都唔係為咗pass係為咗畀張收據我睇」,仲話決定代陸永送生日禮物俾自己!

撰文:Kamen | 圖片:missussix@ig、陸永Reinainstagram

延伸閱讀:

【親子好去處】即釣即食 全港唯一 觀塘台式室內釣蝦場

【BB濕疹】濕疹告急!4個牛油果對皮膚的好處

超貼心生日禮物變空頭支票

早前陸永嫂Reina生日,陸永就送上一份「超貼心」的生日禮物,成功令Reina冧爆大讚老公貼心,仲留言話:「從來未收過咁sweet 嘅生日禮物!」。事隔一個月,當初大讚陸永嘅post竟然消失,取而代之係一張只有文字嘅相片,嬲爆咁話「嘥錢學車做乜都唔係為咗pass係為咗畀張收據我睇」,仲話決定代陸永送生日禮物俾自己-西藏之旅,仲留言話:「陸生湊女啦~」

Reina仲一連落4個hasttag「#嘥錢學車做乜都唔係為咗pass係為咗畀張收據我睇 #以後大時大節咪再送禮物#簡單啲直接啲好#我識得自己安排」,睇來Reina真係好嬲!老婆咁嬲,陸永就只留言話:「暫時不作回應,等我考到個車牌再拎住部相機自拍一張俾你」

陸永今次激嬲老婆,唔知點收科呢

雖然火藥味濃,但係相信Reina已經嬲完,仲上載兩公婆參加生日會嘅合照!希望陸永可以真係履行承諾啦!

View this post on Instagram

參加生日會… rehearsal

A post shared by MISSUS 6 (@missussix) on Nov 3, 2018 at 11:19pm PDT

陸永送超貼心生日禮物 太太被封「最幸福人妻」

10月初係陸永太太Reina個生日,佢就喺Instagram晒出老公送的生日禮物,並冧爆咁話:「從來未收過咁sweet 嘅生日禮物!」隨即一眾網友大直呼:「好甜!」、「甜到漏!」,仲被一眾網友封為「最幸福人妻」。

究竟「愛妻號」陸永送咗咩貼心禮物令老婆咁感動?之前見陸永成日有老婆接送,原來陸永一直唔識揸車唯有依賴老婆。今次老婆生日陸永就鼓起勇氣送驚喜:「日日見你咁頻撲,好攰好眼瞓,想幫輕下你又無能為力,所以鼓起勇氣去學揸車!」

除咗去揸車,陸永買咗部相機幫屋企三位「少女」留下美好回憶,「老婆,你講得啱,我係應該幫你同兩個女影多啲見得人嘅相,所以我買咗部相機報埋個攝影班!」真係Sweet到爆呀!

(原Post已被刪)

陸永 5 歲細女做捧場王 網民:「老竇跟阿女學嘢啦!」

陸永日前在 IG 上載一條細女 Simsim 聞歌起舞的短片,片中 年僅5歲的Simsim 聽住爸爸的新歌,好有節奏咁興奮熱舞,不少網民大讚她非常有天份,紛紛留言:「SIM真係表演能力極強」、「點解個 groove 可以咁襯」、「老竇學嘢啦!」

話說我老婆loop緊農夫首新歌,竟發現有人以粵劇打扮排緊舞!@missussix #究竟佢喺邊度摷件咁嘢出黎 #又點解會覺得襯隻歌呢

其實Simsim平時已經非常有表演欲,鐘意跳舞之餘,仲好鍾意自己琢磨演技,甚至指導父母配合。看來SimSim真的遺傳晒爸爸的藝術細胞!

下一頁:【激到嘔血】智鬥5歲細女完敗 陸永嫂:「我應該點畀反應」

延伸閱讀:

影后林嘉欣笑談湊女經:正向管教 放手讓小朋友自由探索!

關注我們Facebook專頁
    相關新聞
      更多瀏覽