森美被指P圖過度?6位女星P圖失手實錄
2018年11月07日19:58

森美最近趕拍新劇《過街英雄》,昨晚佢就喺中環拍外景,仲拎住盒牛腩飯自拍,留言話:「有咁嘅背景真係食景都值回票價!」不過網友錯重點,冇留意景色,反而紛紛留言問話佢P圖過度,就連「豹嫂」胡蓓蔚都有留言,卒之搞到森美忍唔住留言反擊⋯⋯

愛美係女人嘅天性,唔少女星在社交網上post相之前都會P一P圖,將自己全身都執到靚一靚先畀張相出街,但這些女星總會犯上同樣嘅錯誤,就係P圖P得太重手,輕易被「摩擦力」強勁嘅網民搵出「錯處」,變靚不成,反變恥笑位!

撰文:東方新地| 圖片:森美IG、hannah_quinlivan@IG、微博

延伸閱讀:

索爆女藝人大爆入行潛規則 巴打:實係睇中佢大波!

台灣前組合成員爆hehe情 被指一年連環劈腿三男

44歲森美被指過度P圖?

趕拍新劇嘅森美昨晚喺中環拍外景時拎住盒牛腩飯自拍,仲話淨係個景都價回票價!之不過,網友們錯重點,唔單止冇留意景色,大家都將重點放咗喺佢臉上,事關年屆44歲嘅佢皮光肉滑皺紋都唔多條,難怪有網友仲留話「多咗啦」、「請問用咩美肌軟件」、「P圖過度喎」⋯⋯

估唔到連「豹嫂」胡蓓蔚都留言問佢:「請問用咩護膚品?」有網友回應話護膚品係「美圖秀秀」!

森美 神回反擊

見網友洗版話佢P圖,森美忍唔住留言回應:「你睇咗啲牛腩咁多紋都知我冇p圖啦!」反擊P圖之說,而森美今朝喺電台開咪話連豹嫂都咁講,搞到佢驚一驚,立即睇吓啲牛腩有冇紋喎!唔知大家覺得森美有冇P圖呢?

1. 周董老婆IG曬腿相 P圖失手

P圖是每個女生post相前的指定動作,就連女神都唔例外!不過P圖都算是一個高深學問,不少女星經常被捉到P圖的證據,好似周董老婆昆凌咁,婚後的她為周董誕下一子一女,透過適量的運動和飲食,瘦下來不少,看上去每張照片的身型都好均勻,絕不像生過小孩的媽媽,而且照片的色調亦沒有過份鮮豔,完全看不出P圖的痕跡!

周董老婆
周董老婆

這次出事的照片就是以下這一張,她在照片旁的貼文提到:「好的攝影師會讓你有6呎高」,第一眼看上去,注意力會集中看到一雙又長又白的美腿,但細心再看會發現:後面的西瓜沙灘波由圓變方、右側的泳池邊向下凹陷和樹旁的竹竿都有輕微變形。因此引起P圖疑雲,有不少網民亦質疑腿真的P得太幼了!

不過就算面對一眾網民的質疑,亦無阻昆凌的好心情,一於懶理這些負評,而且繼續照post美腿相益大家!

其實回帶看昆凌的照片,就會發覺她的腿不算粗,所以這次的失手可能真是貪念太大,只可以說女生不管多瘦都不會有滿足的一天!

2.花姨 P到欄杆變形

係女人都怕老,不過歌都有得唱「經過那些年……」無人敵得過歲月,好似汪明荃今年67歲,老得自然又優雅, 從無人工添加, 連自拍照都甚少後期製作扮young,細阿姐一年嘅宮雪花,迷戀美圖秀秀令她回春,執到面目全非,對眼大過羅茲威爾外星人!

呢張仲搞笑,P到連欄杆都變形!

呢張出事!
呢張正常!

3. 舒淇 變白滑肌

舒淇趁著好天氣去郊遊,大晒多張靚靚大頭Selfie,不過唔知佢錯手將P圖前後嘅相全一齊貼晒出嚟!原圖中可見舒淇臉上有雀斑,而P圖後臉變得又白又滑,連頂帽嘅字樣圖案都冇埋。

之不過舒淇之前都曾多次影自己嘅索顏照,白頭髮同雀斑都出晒嚟,相信佢一時錯手無心之失亦唔會介意,而網民亦都讚多於彈,大讚女神有瑕疵才夠自然!

4. 安以軒 P走鼻哥窿

台灣女星安以軒喺微博上載一系列自拍照,可惜女神修圖一時重手咗,其中一張相P圖過度,左邊鼻孔神奇消失,變靚不成反變驚嚇!

5. 吳亞馨 P圖P到海岸線變形

曾是狄易達女友嘅台灣女星吳亞馨,本身是模特兒出身,身材不俗,但只有C cup上圍嘅佢在一輯三點式泳衣照中,展現出「暴乳」級嘅葫蘆身形,睇真啲,就發現喺佢腰線位好明顯有P圖痕跡,因為實在P得太重手,P到連海岸線都離奇變形!

P圖
P圖
吳亞馨條蛇腰點嚟?你睇吓條海岸線變形就知啦!
P圖
P圖
吳亞馨原本擁有C cup上圍,谷一谷都好有睇頭。

6.女神倪晨曦P圖 搞到路人扁咗

60萬IG粉絲是如何煉成的?倪晨曦(Elva)嘅心得就係每日都要扮靚出post絕對唔懶得!

倪晨曦身型Fit到爆,自然咩類型衣著都係咁好睇~

Elva出晒名靚女又身材正,但最近佢喺Facebook上傳一張旅行街拍,就被眼利嘅網民發現佢P圖P到張相都扭曲哂!Elva隨後都有喺IG度承認網民嘅說法,仲公開咗原圖並解釋,究竟係咩事啊?

大家又睇唔睇得出張相有咩端倪呢?

倪晨曦大方回應

經常同網民互動嘅倪晨曦都好快發現咗網民嘅留言,亦大方喺自己Instagram嘅限時動態張貼咗網民嘅討論,竟然仲讚番網民好眼神?!

倪晨曦P圖
倪晨曦P圖
唔少粉絲都留言笑Elva執完相搞到路人變哂形,空間扭曲哂!

網民:女神識扭曲空間有乜出奇?

高手在民間!網民嘅留言往往都好精彩,甚至有人用「消失點」嚟分析呢張相!好似好Pro咁,拋窒小編啦⋯⋯

為咗整扁自己而P相?!

倪晨曦公開答案,原來係想將長方形嘅相變做正方形方便喺Instagram上傳,女神嘅思維果然與眾不同!

倪晨曦P圖
倪晨曦P圖
大家睇唔睇得出分別啊?

睇唔出嘅唔緊要,因為P扁咗嘅倪晨曦都一樣咁修長,小編一開始都發現唔到,所以為大家整咗張對比圖⋯⋯

倪晨曦P圖
倪晨曦P圖
拼埋左邊Before右邊After睇睇,可以發現背景右邊嘅地磚歪哂,路人都有嚴重變形,但倪晨曦P圖後都仲係好修長囉⋯⋯

18個歷代最有氣質真女神 個個無P圖都好靚女!

【2019無綫節目巡禮】13套重點劇集大晒冷

翻煲幾多次都唔悶!8套最想深夜重播的高質神劇

開拍《降魔的》續集!馬明最開心係原班人馬…

【2019無綫節目巡禮】15套綜藝節目一覽

《鬼怪》《繼承者們》都不是第一!節目公布最佳韓國電視劇前五名

女神封盤!江嘉敏認戀電競公司高層 男友大起底

揭《大帥哥》變倉底貨死因 張衞健蝕住回巢 淪為炮灰

女大18變!《爸爸2》12歲多多 變長腿美少女

網傳兩粒鐘豪使10萬?12歲李嫣帶閨蜜名店掃貨 王菲埋單

分手變離婚!江美儀、吳君祥 驚爆06年美國秘婚

愛妻號啟航 陳奕迅陪徐濠縈潮玩水

延伸閱讀:

3大證據瘋傳全部係替身!搖滾天后Avril Lavigne爆已死15年 真相終於大白…

關注我們Facebook專頁
    相關新聞
      更多瀏覽