【女不離身】帶個半月囡囡做Gym即被「報復」 陳柏宇:「怪唔知得咁熱啦!」
2018年11月05日20:50

歌手陳柏宇(Jason)自從升呢做咗爸爸之後,即日日分享愛女Abi相,簡直晒女狂魔上身。平日一收工就黐實囡囡,連老婆符曉薇(Leanne)都冇晒佢符。早幾日,Jason仲變本加厲,出去做gym都要抱埋Abigail一齊去,返屋企就即畀老婆投訴啦。

撰文:Chloe | 圖片:陳柏宇IG

延伸閱讀:

【BB濕疹】濕疹告急!4個牛油果對皮膚的好處

【親子好去處】即釣即食 全港唯一 觀塘台式室內釣蝦場

痴纏爸爸帶個半月囡囡去做Gym

愛女心切的Jason平日一收工就黐實囡囡Abigail,似乎呢位新手爸爸仲未學識放手,仲變本加厲。自從囡囡出世後,Jason日日返工盼收工湊女。早前開演唱會亦自爆:「依家我肥咗,生咗個女之後,少咗做gym嘅動力,成日都好想求其舉幾下就返屋企」

已經久未見做gym嘅Jason,近日終於肯出門運動。不過,竟然出去gym都要抱埋Abigail一齊去。Leanne喺社交網上載咗一張相,相中只見Jason旁若無人咁抱住囡囡置身健身室,完全忽略身邊做緊gym嘅肌肉男,對住囡囡又抱又錫,簡直在佢「眼中只有女」!

即「瀨屎上身」 陳柏宇:「怪唔知咁熱啦!」

不過之後Leanne再上載一段短片,片中Jason唔再係掛住抱女,而一邊笑一邊不停開口大叫老婆。原來係因為Abigail瀨咗「便便」落佢身上。片中見Jason好驚訝咁話:「唔怪之得咁熱啦」。奶爸上身嘅Jason就不停嗌老婆快啲幫手去攞尿片。有網友表示,睇嚟係囡囡唔鍾意睇「肌肉叔叔」,返屋企即「報復」爸爸。

睇見Abi隻腳仔,就知道釋放完即刻舒服晒啦!

緊張爸爸陳柏宇抱女影相 表情神同步

昨日,Jason同太太符曉薇(Leanne)帶著啱啱滿月嘅囡囡去影證件相。Leanne晒出Jason抱女影相的合照,相中爸爸坐凳仔抱住囡囡,只見Jason「硬晒軚」定格微笑對著鏡頭,而囡囡Abi就仲瞓緊覺。太太無奈留言:「究竟係Abi影相定你影,你笑得咁開心又望著鏡頭做乜?」場面非常搞笑。

隨後,Jason亦留言:「only one of us is actually taking their passport photo(其實只係我哋其中一個影證件相)」

影完相,Jason就開心推著豪華BB車,帶小公主行街街。

小公主Abi都係用Silvercross喔

憤世嫉俗證件相 陳柏宇太太:「Abi要好好面對哩五年」

到咗傍晚,終於夠鐘幫B女攞相啦。不過,當媽媽Leanne將啱啱晒好嘅相拿到手時似乎都嚇咗一跳,仲即刻影低同大家分享,佢留言話:「哩個咁不滿嘅樣要用五年,今日去整passport ,眼都未開就要拍佢醒影張相,點知佢整個憤世嫉俗樣出黎,好好面對哩五年嘅passport 。」

View this post on Instagram

i had a shot today…and i cried with actual tears.

A post shared by abigail chan (@abigail92518) on Oct 30, 2018 at 2:13pm PDT

符曉薇笑指:「佢爸爸勁鍾意」

不少網民睇完Abi呢張「憤世嫉俗」證件相都「笑咗出聲」,紛紛留言:「永久保存」、「呢個樣真心正」、「好搞笑」,另有網民笑指:「佢好可能會憎你一世」、「慘慘豬」。雖然Leanne見到呢張相都「唔知嬲好定笑好」,不過就直言:「佢爸爸(Jason)勁鍾意」。

View this post on Instagram

全家幅。

A post shared by JasonChan (@ckw720) on Oct 31, 2018 at 11:33pm PDT

無頸家庭

【媽媽心聲】坐月被問「最無聊的問題」 陳柏宇太太:「泵奶、餵奶、氹訓覺」

延伸閱讀:

【親子好去處】秋日野餐好去處 12大鬧市靚草地

關注我們Facebook專頁
    相關新聞
      更多瀏覽