68歲李司棋縱橫演藝圈數十年 「拍嗌交戲拍到血壓高!」
2018年11月04日16:00

李司棋,縱橫演藝圈數十年, 今次搵嚟司棋姐大談當初選美原因、拍劇趣事、欣賞的後輩等事!相信大家都估唔到芸芸男演員中,司棋姐竟然只最欣賞呢一位?!

撰文:東方新地|圖片:東方新地、李司棋微博

延伸閱讀:

《周遊東京2》星期一有得睇 周奕瑋預告10大心水行程

女神點只劉穎鏇? 仲有8位歷屆索爆港姐亞軍

李司棋縱橫演藝圈數十年

李司棋於訪問中透露:「做完《 溏心3 》之後,我休息咗一輪,去咗加拿大登台,登台之後去玩,去咗溫哥華,喺多倫多登台嘅時候同個女聚一 聚,幾開心。返嚟之後就好多嘢,打風啦,我大陸間屋又出咗啲問題,跟住我又跌親,跌親之後仲要入醫院,一出院同幾個老友記去咗上海玩。」

李司棋
李司棋

對於拍劇有咩要求,司棋姐表不自己不會縱容NG,笑言不會肯定地說自己一定可以一take過,但一向不會有太多NG。至於工作壓力,她則指:「喺做戲嘅時候的確需要咁,如果唔係大家都鬆散,當NG係好隨便嘅事。」

多年來,司棋姐演出過的劇作逾百部,「 70年無綫開始拍電視劇,由嗰時開始,可以話無停過。」無綫不時會送司棋姐主演過的劇集影碟予她留念,「依家終於有時間慢慢睇番。」

唔會縱容NG

問到會否覺得拍嗌交戲好赲,對此,她竟然直言不感辛苦或太累,說:「反而我會好興奮,因為係戲肉,有個支持力,但做完就會覺得攰。拍《 家好月圓 》我好多戲都係有衝擊,有時又會喊,又唔夠瞓,我時時都好頭痛 !」直至有日李香琴懷疑司棋姐有血壓高,最後司棋姐去睇醫生,才得悉自己原來當時的血壓值高了,但坦言只係一 輪,跟住又降番。

司棋姐更指:「好多演員都有呢個問題,係人嚟㗎嘛,你估做戲嬲嘅時候係假嘅咩?真係因為對白、劇情湧到而嬲,我係做戲啫,但我係真係用個情緒,好多演員都應該小心呢樣嘢。」

作為一個專業的演員,不少人都會十分關心劇集的收視,但司棋姐反而表示自己從來不會理會收視問題。她說:「我由後生開始都係咁,我有啲朋友好叻,好識去計,但我覺得應該理好個戲就算,我真係唔係好 care。我覺得自己對得住自己嘅工作同埋做好咗自己嘅角色,除此以外,唔係我可以控制。」,有時看淡一點,看開一點,不要樣樣事都太著緊,或者亦是人生之道之一。

司棋姐是愛狗之人,曾帶同愛犬出席活動,說起愛犬即笑不攏嘴,「佢到依家仲好鍾意食嘢,佢好可愛,今朝仲喺我房係咁跑,好似返番佢BB嗰時, 但我睇佢就幾乎彈唔起咁滯。」

當初選美原因

李司棋入行多年,問到為何當初會去選美,她笑言:「因為覺得自己都幾靚!咁當時係嘅,總之一句說話講晒,係貪玩!」,有時貪玩亦未嘗對一個人的人生來說是件壞事。對於現在的選美有何看法,她則說:「好耐無去睇呢啲節目,唔知呢?淨係有一輪知道佢哋啲游水衣個叉幾乎開到去腰,其他都唔係好留意。」。

18歲參選1968年度香港小姐競選,並在「香港公 主」組別獲得冠軍,繼而晉身娛樂圈。

司棋姐入行後不久便當紅,問到當年有否感到迷失,她坦言:「我覺得我有樣好,就係我無將自己全心全身去投入喺呢個圈,同埋我亦都好早結婚,頭家可以話分咗我大半個心,工作完,我都好少出嚟有太多嘅聯絡。」

司棋姐曾出出入入TVB多次,眼見不少演員已經離巢,她反而開懷地說:「時代變遷咯, 十年人事幾番新, 呢句說話絕對係啱, 1970至80年可能轉變唔多,但依家同前十年真係好大變動,好多人唔做,寧願出去出面闖其他嘅世界,無咩感慨嘅,我自己都離開過。」

拍劇首要有得瞓

她更透露現在與TVB無簽合約,原因非常簡單,就是不希望無教瞓:「因為我覺得我實在係唔能夠再因為一套劇,而有兩、三個月每日都瞓好少,我覺得係時候要選擇一下我要做啲咩,個工作唔好太過heavy。但係我做㗎,如果有好好嘅角色!」,她更笑言自己不是要瞓好多,不過:「我瞓六個鐘頭,係咪都應該呀?每個人都應該有睡眠,第日先至做到嘢!」

2010年獲無綫頒「萬千星輝演藝人大獎」。
16年出席毛記電視的 「萬千呃 Like賀台慶」出場時問台下觀眾覺不覺得肚餓、要不要「 煮碗麵」給大家吃,令台下爆笑。

欣賞邊幾個後輩?

至於司棋姐有冇欣賞的後輩,她表示:「我 一 路都好鍾意黃翠如、 香香(岑麗香)、陳敏之,好多個都好好,龔嘉欣都好好!」至於男後輩,司棋姐則獨提陳展鵬,說:「展鵬好小心做人㗎,同埋佢幾攰都好,工作擺喺佢面前,佢就向前行,我覺得佢好唔話得,真係好攰㗎,佢又要拍打戲、又唔夠瞓。」

與陳展鵬分別在《心路 GPS》、《巨輪》和《叛逃》三劇,飾演母子角色 。

李司棋 人生如坐過山車

李司棋的人生經歷如像坐過山車,佢在娛樂圈紅足幾十年,卻遇上兩次婚姻失敗,後來患上子宮頸癌,接受電療期間更出現骨枯,一度要用柺杖代步。但佢並沒有放棄自己,病癒後司棋姐重新出發,07年憑《溏心風暴》成為首位同獲「視后」、「我最喜愛的電視女角色」及「萬千光輝演藝人大獎」的女演員,攀上事業頂峰!

《溏心3》演霸氣「火姐」

台慶劇《溏心風暴3》正在熱播中,司棋姐同一眾原班人馬三度合作,今輯飾演的女強人「火姐」霸氣外露,一旦激嬲佢就會扯火鬧人,中氣十足!

拍劇後要長休

在07年至14年效力無綫期間,李司棋每年最少拍一至兩部劇集,但拍劇往往要長時間工作,亦因為患癌後身體大不如前,每次完成一部劇她都需要很長時間休養。早年司棋姐曾向傳媒呻爆:「要記幾頁紙的對白,行來行去好攰!」不過今年被監製劉家豪力邀出山,於是佢又再接拍無綫台慶劇《溏心風暴3》,劇集在內地更大受歡迎,短短一周在視頻播放量已超越2.5億次。

半島歎個靚早餐

李司棋近期專注為《溏心3》做宣傳,其餘時間不用工作,當然要讓身體好好充電。早前司棋姐獨自駕車到尖沙嘴半島酒店,相約兩位好姊妹一同歎早餐,眾人邊食邊傾,不時講到眉飛色舞,過了一個開心悠閒的早上。呢日司棋姐身穿韓國潮牌棒球外套,頭上戴上一個細夾,可愛得來增添幾分少女味道。

呢日司棋姐所穿的棒球外套非常sharp醒,原來是韓國深受後生女歡迎的潮牌Bluepops,在網上買要3千元,67歲司棋姐原來都識網購,好潮啊!

養生回春

其實司棋姐近年打扮亦突然變得青春,不時潮牌上身,今年9月時仲開始玩IG,密密上載自拍照,仲有少女味甚重的食嘢相,Kawaii呢!

拍《溏心3》時左耳已退化四成

事實上,司棋姐棋身體隱憂甚多,多年來一直受耳鳴困擾,早年開始經常頭痛,要不停食止痛藥,耳邊不時聽到很多蟬叫聲,今年情況愈趨嚴重,還多了蟲聲、風聲及洗衣機的轟轟聲。年初正在拍《溏心3》時,佢左耳已退化四成,完全聽不到任何聲音,經過醫生檢驗後,屬神經系統性退化,至今仍找不出原因,亦沒有辦法根治,現在佢在左耳戴上儀器去訓練聽覺,用音頻刺激左耳。

李司棋 患中級突發性耳聾

司棋姐早前接受本刊訪問,表示自己的情況係「中級突發性耳聾」,喺好嘈地方就會聽唔到嘢,聽唔到人講嘢時自己又會煩躁。不過依家配戴耳機後,情況大大改善,唔再怕做訪問時聽唔到對方問咩!但司棋姐表示耳朵的情況係冇藥食的,冇得醫,冇得好番!

「爭取時間休息!」

另外司棋姐又稱健康現時最為重要,自己會爭取時間休息多啲!尤其佢唔係一個好急進的人,唔會逼自己咩都要爭第一之類,唔想又太多嘢做。司棋姐受耳患困擾仍敬業樂業拍劇,希望佢好好保重身體,將來演出更多好作品啦!

延伸閱讀:

精選47歲黎姿年輕𡃁妹相 無敵愛美神上身!

關注我們Facebook專頁
    相關新聞
      更多瀏覽