陳瀅女神也有反叛期 激到婆婆揸菜刀追佢!
2018年11月02日19:53

無綫台慶劇《跳躍生命線》中,飾演「滿月」的陳瀅和飾演「愛姐」的羅蘭姐之間的嫲孫情備受關注,而現實中陳瀅與婆婆的感情相當要好,但年少時總有反叛期,試過激到婆婆揸菜刀追住佢!咩事咁大鑊?

撰文:東方新地|圖片:新傳媒、Instagram、劇集截圖

延伸閱讀:

農夫大爆Do姐辱罵過好多人! 鄭裕玲漏風聲:「我無鬧過XXX啊!」

【跳躍生命線】兩嫲孫攬住爆喊!陳瀅 多謝羅蘭姐帶入戲⋯

《跳躍生命線》陳瀅 羅蘭嫲孫情感人

無綫劇《跳躍生命線》口碑相當不錯,除了以救護員為題材頗有新意,劇中多線的主角和配角都有不俗發揮,其中飾演「滿月」的陳瀅和飾演「愛姐」的羅蘭姐之間的嫲孫情都備受關注。

與婆婆感情要好

陳瀅近日接受傳媒訪問時,表示與由細湊大佢的婆婆感情要好,但正正喺拍攝《跳躍生命線》那一年,佢得知婆婆患有腎病,希望婆婆接受治療,但對方卻有不同想法。因為年輕人總是希望長輩在身邊,留得幾耐得幾耐。

陳瀅
陳瀅

陳瀅
陳瀅
劇中陳瀅與羅蘭姐相依為命,羅蘭姐亦身懷重病,令佢不禁想起與婆婆的點滴。

女神陳瀅也有反叛期 激到婆婆揸菜刀追佢!

陳瀅坦言以前都曾經歷反叛期,令婆婆非常擔心,最記得有一次在中學時期,大家都知女孩子大個咗就成日想出去玩,陳瀅就試過放學冇返屋企同朋友出去玩到夜晚,期間婆婆不停打電話俾佢,隔幾分鐘就打一次。最後陳瀅都係冇聽電話,一來佢心裏好驚,另外又覺得出去玩冇問題,自己生活重要啲。

陳瀅
陳瀅

結果返到屋企,陳瀅發現婆婆坐咗喺廳度,手上仲揸住把菜刀!婆婆又見到佢就大鬧死女包,鬧佢點解唔聽電話,一邊鬧一邊追住佢,小編聽到都覺得驚驚!

陳瀅
陳瀅

得閒FaceTime

陳瀅又表示婆婆非常疼愛和關心自己,擔心佢一個人住冇咩湯水飲、擔心佢喺娛樂圈呢個大染缸俾人呃、喺報紙雜誌睇到啲新聞又會好擔心等等。陳瀅就話因為婆婆的關係,令佢發現好多人都係報道寫就信到足,所以自己要更檢點;另外陳瀅又教識婆婆用FaceTime,一有時間就可以傾偈!

兩嫲孫攬住爆喊!陳瀅多謝羅蘭姐帶入戲⋯

羅蘭在劇中飾演愛姐,為人和藹慈祥,早年喪子的她同滿月(陳瀅 飾)相依為命,可惜好景不常愛姐患上中期肺癌,她自知年事已高,做手術要捱一刀,即使手術成功又要再做化療,為減少晚年受苦,也為了不想孫女擔心,她拒絕做手術及化療,同時決定向孫女隱暪病情。而知情的羅天宇為了尊重愛姐的意願,也向滿月隱暪。惟滿月意外目暏嫲嫲服藥,才得知她患癌!

正當家俊(羅天宇飾)想向滿月示愛時,卻遭對方怒摑他一巴,指責他對她的隱暪,直言以後斷絕往來!

於是陳瀅找好友劉佩玥哭訴,自幼喪父的她說明知嫲嫲年紀大,做手術好危險,但唔博就冇機會,唔希望嫲嫲放棄治療,心情相當矛盾,喊到好淒涼!

在可祈、滿月託昊然幫忙,找到名醫替愛姐開刀,愛姐在滿月懇求下終答允接受手術。

全靠羅蘭姐帶入戲

陳瀅之前接受訪問就講到同影后羅蘭姐拍連場喊戲,拍攝期間未感到有壓力,因為現實中她也為人孫女,加上全靠羅蘭姐帶入戲,仲試過喊到Cut機仍淚流不止,直言喊到心都裂埋!

陳瀅今日就貼上同羅蘭姐嘅劇照,話愈親密嘅人愈難開口,所以要多關心愛錫你嘅人。唔少網民都留言話睇佢哋噚晚場戲睇到喊,好感人咁話!

延伸閱讀:

網民:填詞嗰個係咪詞窮啊? TVB洗腦式主題曲必定有呢4個字

關注我們Facebook專頁
    相關新聞
      更多瀏覽