加入大量愛情戲被質疑唔夠資源 網民:套劇應該要改名做《跳躍感情線》
2018年11月02日17:43

無綫台慶劇《跳躍生命線》下星期五(9/11)大結局,劇集進入尾聲,相信一定會有好多觀眾唔捨得。不過最近就有網民認為劇情由救護個案變成主要講幾個角色嘅愛情線,完全唔再係開頭咁緊張,套劇應該改名做《跳躍感情線》,一齊睇下以下六條《跳躍》驚天地泣鬼神嘅感情線。

撰文:東方新地|圖片:劇照、連登討論區

延伸閱讀:

楊怡傷脊椎難受孕 與羅仲謙延遲生B大計

梁烈唯被爆執二攤演律師 42吋胸肌型男點解唔拍?

網民:套劇應該要改名做《跳躍感情線》

跳躍感情線一:卓家傑、章可祈

話說卓家傑(何廣沛飾)出班後被派到去長沙灣分局,係嗰到認識女鐵騎救護員章可祈(劉佩玥飾),好快就展開追求行動。可惜無論一齊去Camp、約食飯定係上埋人哋屋企揸橙汁,對方都擺明有意但係未有所表示,似係想玩多幾集啵!

追女仔都要由長沙灣跑到去西貢扮偶遇,學嘢啦!

原來係想約食飯,不過女神約咗其他男人,仲要係自己同事添!唔知仲要兜轉幾多集先有機會表白呢?

有咩慘得過女神仲要上埋人哋車,留低你自己一個孤伶伶啊?

跳躍感情線二:譚家俊、向滿月

譚家俊(羅天宇飾)同向滿月(陳瀅飾)係由細到大玩開嘅好朋友,一齊食飯已經係日常活動,家俊入院時滿月都有去探佢!而滿月對家俊產生情愫就係一次兩個人坐喺樓梯食蕃薯嘅時候喇!

不過最新嗰集就講到滿月知道家俊隱瞞嫲嫲(羅蘭飾)有肺癌,所以嬲到打咗佢一把仲話唔想再見佢。

鏡頭一轉,家俊又去咗滿月屋企食飯,不過滿月仲未嬲完,趕咗家俊走,睇嚟又要花一段時間去交代佢哋點和好喇!

跳躍感情線三:麥在田、文暉

麥在田(馬德鐘飾)因為一次愛車壞咗,拎去車房修理時間接認識咗文暉(張曦雯飾),之後文暉又因為某啲原因而寄宿喺在田屋企。兩個人朝夕晚對,自然產生感情。

最新發展就係在田坐爛咗文暉副眼鏡,所以陪佢去配返,兩個人對望時產生觸電感覺,非常尷尬。

文暉忍唔住向在田表白。

文暉表白完又話想維持現狀,因為佢都準備離港。真係神又係佢,鬼又係佢。

跳躍感情線四:呂劍雄、況晴

喺一次同事聚會入面,雄姐(張彥博飾)同況晴(李靖筠飾)一齊彈結他唱歌,發現大家都鍾意音樂,自然有共同話題。

最新劇情發展就係況晴主動約雄姐去睇演唱會,畀咗個機會大家,不過之後雄姐、家傑出勤發生意外……

跳躍感情線五:高行仁、麥愛花

高行仁(韋家雄飾)係麥在田下屬,每次見到愛花(張文慈飾)時總會鬧交,成對歡喜冤家咁。

最新劇情係愛花喺巴士上畀人非禮,行仁出手解圍,所以平時處處針對行仁嘅愛花開始對對方產生好感。

跳躍感情線六:卓裘、游子嵐

卓裘(李成昌飾)同游子嵐(楊卓娜飾)合租小食店,卓裘幾十歲人鍾意咗寡婦子嵐,仔仔家傑經常叫老豆去馬,不過卓裘就認為子嵐需要時間療傷,所以只係學人玩暗戀。

講咗咁耐,都係講緊《跳躍》嘅感情線,好似完全唔關救人事喎!無錯,近日就係有大量網民都喺討論區留言話套劇變咗談情,無晒救人情節,仲問係咪TVB唔夠Budget所以要削減救人個案喎!

有網民直頭提議劇名應該改做《跳躍感情線》,仲有人預計咗下集又係談情。

雖然套劇嘅感情線唔係好膠,不過網民都係想睇多啲救護Case!

同「飯托」Karen撞樣!觀眾昐《愛回家》池美麗重演案情 網民:一定笑到癲!

被鄧麗欣鬧係性工作者 陳凱琳爆粗:「你係咪痴X線㗎?」

果撻霸一個巴士座位險被坐爛 女乘客發文大鬧對方反被公審

延伸閱讀:

坦言值得為愛人生仔 梁洛施罕有分享情史淚曬當場

關注我們Facebook專頁
    相關新聞
      更多瀏覽