翠如帶蕭正楠上高山測體能
2018年11月02日03:00
黃翠如希望同蕭正楠去睇北極光。

【星島日報報道】黃翠如和Shine昨日一起出席服裝活動,今天是黃又南35歲生日,品牌特地送上生日蛋糕為他慶生。他表示雖然生日要在工作中度過,但覺得生日有工開是好事,生日願望則是身體健康。好拍檔徐天佑笑言不用特別約食飯,因為大家每年都會一起工作,好像今年自己生日時,跟又南就到了澳洲拍節目,眾人亦為他送上驚喜。又南說:「因為每日都要一早起身拍攝,所以大家都好早瞓,當晚我們就在踏正天佑正日生日時,敲他房門慶祝,我當時仲敷緊面膜,他被我們嘈醒,條片只影我們上半身,因為下半身只穿孖煙囪,之後睇條片大家都口腫面腫,發現條片不能出街,但大家都玩得很開心。」

此外,黃翠如希望出年能跟男友蕭正楠去睇北極光,笑稱行程將由自己一手包辦,她說:「佢係一個好叻的團友,只會畀期。(他負責使費?)大家的經濟分開,不過我都係用佢嘅多,細數我畀,大數就佢畀。我又想再去喜馬拉雅山,早年同Shine在當地拍《喜馬拉亞星》,大家都有高山反應,如果再去會識控制呼吸,聽聞身體強壯的人去到高山反而體能變差,想體驗一下到時佢(蕭正楠)會否弱過我。」

關注我們Facebook專頁
    相關新聞
      更多瀏覽