王灝兒分享與女神合照秘訣 兩招不被對方搶鏡!
2018年10月30日22:00

最近,王灝兒(JW)咁啱喺友人婚宴度撞見女神倪晨曦(Elva),難得大家同場相遇,JW就即席利用Elva,同大家示範一下點樣同女神同框時唔會被比下去嘅兩大秘訣!

撰文:東方新地|圖片:王灝兒Instagram

延伸閱讀:

【跳躍生命線】郭子豪package靚到冇朋友!大台15位富貴兵團逐個捉

《跳躍生命線》劇照大賣關子 眾人手執白玫瑰浩園哀悼佢?

王灝兒分享與女神合照秘訣

日前,JW喺友人嘅婚宴上遇到「網絡女神」倪晨曦,講到明人哋係女神,自然同框下會擔心被對方擔鏡!不過,JW就同大家分享兩招「如何與女神合照亦唔會顯得太樣衰」嘅方法!

王灝兒
王灝兒

兩招不被對方搶鏡

JW就上載咗兩張同Elva嘅合照,並留言:「圖1)超級三七面 圖2)企到勁遠,顯瘦」,認真搞笑!相信大家今次又學到嘢啦!

王灝兒
王灝兒

王灝兒吳業坤恭喜陳柏宇誕千金

日前,王灝兒(JW)就同吳業坤出席粵港澳大灣區青年節暨孔聖誕日活動,當提到二人好友陳柏宇(Jason)啱啱正式做人老竇,JW就大讚Jason成家都好Sweet,坤哥就話佢哋一家好Warm,並同時恭喜對方。

吳業坤人生清單

另一方面,坤哥講到自己終於有機會唱到劇集主題曲感到開心,指自己人生中嘅夢想清單入面,有好多希望做嘅事都做到,希望之後亦會繼續有更多機會做到想做嘅事。

View this post on Instagram

😌 聽日出新碟,會否太突然?

A post shared by kwangorrrrrr (@kwangorrrrrr) on Sep 20, 2018 at 7:45am PDT

之後,提到坤哥喺拍劇時「受寵」,佢就笑指嗰晚係佢拍最後,而且佢同啲化妝、整頭嘅姐姐都好熟,所以先會令人誤以為有男一嘅待遇。

王灝兒唔願撮合超蓮同坤哥

其後,有傳媒追問起早前JW爆坤哥「前度」係超蓮時,JW即刻對呢件事認錯,指其實佢同坤哥成日都會講啲無聊嘢同亂講嘢,嗰次只係想講EX夢中情人,不過可能大家聽到EX就敏感啲。

至於會唔會支持坤哥追好友超蓮,JW堅決話唔支持,更加冇咁嘅諗法,之後坤哥指係因為時間問題!不過,JW聽到之後就馬上話完全冇時間關係,係大家都唔係大家杯茶,更透露超蓮事後都有問佢發生咩事。

王灝兒爆宅男女神係吳業坤前度

噚日,王灝兒(JW)就喺個人社交網上載一段限時動態片,片中就tag咗吳業坤同好姊妹何超蓮。片中一開首,JW就即刻問坤哥:「你頭先話超蓮係你邊個話?你個Ex(前度)呀?」

聽完呢句,相信大家個心都已經離一離之餘,可能仲會以為自己聽錯!好在,坤哥就馬上嗌唔係,但眼神就好似有啲恍忽。

雖然坤哥否認JW所講嘅嘢,但JW就繼續爆料,話:「你頭先話係你個Ex喎!」不是吧!有冇人會信先?

JW講到真有其事咁,結果令到坤哥都馬上再次澄清:「係Ex夢中情人!」真相大白!如果唔係真係嚇親唔少網友!

吳業坤勁識氹女

其後,JW又點會咁輕易就放過坤哥呀?JW就繼續問對方係咪依家唔鍾意啦?吳業坤就話:「JW正啲!」嘩,咁識氹人開心,難怪令JW笑唔停,果然係個溝女王呀!

延伸閱讀:

死過翻生 重返出事球場!余德丞 公開感謝它救一命⋯

關注我們Facebook專頁
    相關新聞
      更多瀏覽