阿嬌自爆武漢酒店「畀鬼壓」
2018年10月30日03:00
阿嬌講述在武漢酒店遇上靈異事件時仍猶有餘悸。

【星島日報報道】鍾欣潼(阿嬌)、賈曉晨(JJ)、余安安及凌文龍等前晚出席電影《失蹤》煞科宴時,阿嬌表示為該片Ending戲分於37度氣溫下在八仙嶺及烏蛟騰拍攝,雖然沒有遇上靈異事件,但司機將恐怖網上短片讓她睇,幸好自己睇不到。

阿嬌自爆早前於武漢舉行演唱會居住的酒店遇上「鬼壓牀」搞到她好驚,老公賴國弘更趕來找她。她說:「佢本身都來睇演唱會,跟住即趕搭高鐵來,不過在我隔籬都幫唔到,我郁到點到佢都無反應,但我可能太攰!點郁都無用,都救唔到我。」

阿嬌透露剛從墨西哥拍攝水底婚紗相回港,更大呻好辛苦因為十幾度氣溫下落水,不過睇完《侏羅紀公園》後吸引到她想影水底相,更笑謂化妝師搞到她似萬聖節的妝容。她說:「好似變咗泰國人,佢堅持化到好濃,仲話落到水唔同,但出來效果都OK。老公喺隔籬仲笑我,我化黑咗幾度,老公反而化到白咗!我經過塊鏡都嚇親自己。」她又指12月18日註冊結婚,20日舉行簡單婚宴,沒有特別儀式及接新娘環節,只是純粹招呼朋友吃飯,坦言之前有跟老公意見不合,今次籌備香港擺酒沒再爭拗,覺得錄完真人騷對對方信任多了,但未準備生小朋友,兩年後才考慮,澄清最近只是肥了,會開始減。

賈曉晨(JJ)表示戲中扮演CID,當中有動作及開槍戲,為了演繹角色更相約做CID的女性朋友見面,發現她們身上有殺氣同男子氣概,更笑謂自己拍攝畢後要變返女仔,因為要返家湊女。她說:「11個月大的女兒依然只識叫『奶奶』,仲未識叫爸爸、媽媽,一見奶樽就叫奶奶又食好多野,好大隻。」問到可會追生B?她坦言想工作為先,現時主要居住北京,若來港拍戲會帶同女兒來港,又透露自己出門工作時,女兒好像知道就會捉住她,搞到她不捨得會喊好心痛。提到老公樊少皇發生金錢糾紛被追債,她大呻老公好無辜,但經已交由律師及CID處理,老公將幾百萬借給由細識到大的朋友。她說:「佢朋友無還錢,要等單官司完咗先追到,老公金錢、名譽損失,相信佢好傷心。」

關注我們Facebook專頁
    相關新聞
      更多瀏覽