鍾欣潼:「都救唔到我!」 爆於酒店出事老公無反應 !
2018年10月29日16:00

日前,鍾欣潼(阿嬌)、淩文龍、余安安等出席電影《失蹤》煞科宴。期間,阿嬌除咗透露最近準備12月喺香港擺酒嘅事外,仲大爆之前喺武漢開演唱會時,喺下榻酒店房曾經出事!

撰文:東方新地|圖片:新傳媒圖片傳、鍾欣潼Instagram

延伸閱讀:

黃心穎話想早啲結婚?馬國明否認 仲爆女友想專注事業⋯

烚蛋早餐減肥法!10日自然瘦2kg?

鍾欣潼於港擺酒準備成點?

鍾欣潼早前宣布將於12月20日於香港擺酒,宴請親朋好友,出席活動時,阿嬌透露依家正準備印喜帖:「已經發咗啲電子喜帖俾朋友,因為怕太遲嘅話,佢哋會抽唔到時間,但都會實體咁補上喜帖。」

賴弘國係個好爸爸?

最近,阿嬌孖住老公賴弘國一齊參加內地節目《爸媽學前班》,當問到佢有冇俾湊BB而嚇親,阿嬌就話:「又唔至於嘅,不過參加呢個節目令我同佢賺到啲一齊相處嘅時間!」期間,阿嬌仲大讚咁話好肯定老公將來可以做到一個好爸爸!

0
0

呻於酒店出事老公無反應

阿嬌之後更自爆早前喺武漢嘅酒店房中,遇上「畀鬼壓」搞到佢好驚,而老公知道後更特登提前趕到當地陪伴!阿嬌話:「佢本身都來睇演唱會,跟住知道後即趕搭高鐵嚟,不過佢喺我隔離都幫唔到,我郁到掂到佢都無反應,都救唔到我!」,但老公即刻趕嚟相信都已經夠哂窩心啦!

疑似鍾欣潼同母異父細妹曝光

鍾欣潼娘家一直有請家傭姐姐,因家傭姐姐已照顧阿嬌近20年,故對方可以話係睇住阿嬌大。日前,家傭姐姐要退休回鄉,阿嬌更特此出post表示自己嘅不捨之情,更po出與家傭姐姐嘅對話。

View this post on Instagram

返到香港啦 馬上要去開工

A post shared by Q_gill (@q_gill) on Sep 17, 2018 at 5:28pm PDT

阿嬌話同工人姐姐12月見。

阿嬌更為家傭姐姐特登晒出與姐姐一齊合照嘅全家福相,見到相中有阿嬌、阿嬌媽咪同家傭姐姐外,見到仲有一位五官標緻嘅靚女,望落仲有同阿嬌有幾分相似!有網友就估該位靚女係阿嬌嘅同母異父嘅妹妹,則現年21歲的鍾芝茵。

View this post on Instagram

Happy birthday to mom🎂😘

A post shared by Q_gill (@q_gill) on Jun 9, 2018 at 9:03am PDT

由於阿嬌向來都好保護妹妹,無咩公開過妹妹個樣,其後阿嬌嘅經理人Mani亦表示相中人其實係阿嬌嘅表姐,才真相大白!不過,相信依家大家都知原來阿嬌個表姐同阿嬌一樣都係個靚女!

鍾欣潼主動發文求關注

日前,鍾欣潼(阿嬌)喺微博公開留言:「孟非老師你好,我是你的死忠粉絲阿嬌,鍾欣潼,能互相關注一下嗎?」由於阿嬌好直接咁喺微博主動發文要求關注,所以令唔少網友都唔敢相信,以為阿嬌俾人偷咗帳號嚟用!

鍾欣潼
鍾欣潼

鍾欣潼
鍾欣潼

否認被盗帳號

有見及此,阿嬌過咗一陣都再次留言,指自己並冇被盗帳號,解釋咁做嘅原因係最快同最容易可以接觸到孟非老師!

阿嬌澄清自己冇畀人偷帳號!

其後,阿嬌仲有啲尷尬咁留言:「老師,不好意思,冒昧的要求把你拉出來了!」仲話已經私訊咗孟非兼等梗對方回覆!阿嬌呢個求關注嘅行為就好似一個小粉絲,認真搞笑!

之後阿嬌尷尬留言俾孟非老師。
孟非老師

孟非是誰?

同大家介紹番阿嬌求關注嘅孟非是何許人啦!其實孟非係內地一位知名主持人,以其標誌性嘅光頭形象深入民心,加上口才了得,佢所主持嘅內地節目《南京零距離》更成為當地收視率最高同埋當時全國廣告價格最高嘅電視新聞節目,非常了得!

左:孟非

延伸閱讀:

蕭正楠拍外景主動請客萬歲 拎咗幾多錢出嚟?

關注我們Facebook專頁
    相關新聞
      更多瀏覽