陳貝兒失婚後變孝順乖女 出街陪媽媽shopping!
2018年10月28日17:00

真係唔知時運低定同電視台八字唔夾,陳貝兒兩次主持《嫁到這世界邊端》都出事,去年第一輯就同老公黃國棟分居搞離婚,今次就因為生膽石入院做手術,好彩陳貝兒已經放下前夫重新上路,而手術後亦都聽晒醫生話多飲水好好照顧自己。

撰文:東方新地|圖片:東方新地

延伸閱讀:

【中環免費騷】康堤賴底阿徐 怕醜閃走!陳奕迅 呼籲霆鋒讓紅館跨年檔

回顧68歲薛家燕年輕罕見相 慶賀今年入行60年!

陳貝兒出街陪媽媽shopping

失婚後好多人關心陳貝兒有冇發展新戀情,佢就話識咗唔少新朋友不過就未有時間了解住……梗係冇時間啦,因為難得見佢出轉街,都係拖住媽媽shopping,頭都唔抬自顧自買嘢,仲邊有時間同機會留畀新朋友呢?

陳貝兒
陳貝兒
失婚後再出發,陳貝兒近日推出第二輯《嫁到這世界邊端》,不過戀情方面就未有新動向,出街都係搵媽媽陪。
陳貝兒
陳貝兒
同媽媽分頭購物,陳貝兒去咗連鎖藥店買日用品。
睇嚟真係好耐冇出過街,陳貝兒一次過揦咗成手女性用品、化妝棉、洗頭水上倉一樣。
買完嘢再攞個巨型大膠袋自己拎去停車場攞車,睇嚟離婚一年,陳貝兒已經習慣一個人生活。

作為佛教徒的陳貝兒,係大學時期已開始食素。她認為食肉時需用更多能量消化,令到身體易累,而食素就可以減少身體負擔,令身體更輕盈、精神。

食素近20年的陳貝兒認為吃素一定要懂得選擇,例如多吃不同顏色的食材,剛開始食素時,要由多菜少肉開始,再戒紅肉,然後戒海鮮,循序漸進,令身體能適應。

View this post on Instagram

多謝法羅群島 🐑❤️ 還原基本步。令我感受到,我哋真正需要嘅嘢,其實唔多。開心其實真係可以好簡單。. . . 「如果唔鍾意依刻嘅天氣、唔緊要。等5分鐘呀、就會有好轉。」變幻原是永恆。或者我哋唔可以控制環境,但係我哋可以轉變自己嘅心情。 . . . // 多謝 Belle,幫我影咗好多靚相。當然仲有好多美好嘅回憶,印左喺心裏面。. . // 多謝校長!Rani 望住你個樣甜笑到好似見到初戀情人咁,係真愛呀! 🇫🇴 @whereisfaroeislands . . 今晚最後三集 #嫁到這世界邊端2 我地一起飛去希臘、又係另一個好正嘅生活態度! 今晚約咗希臘人妻 Stephanie 節目後一齊 live chat 🎈

A post shared by 陳貝兒 j chan (@chanjanis) on Oct 23, 2018 at 10:19pm PDT

陳貝兒亦有開設素食餐廳「Green Common」,對她來說餐廳雖然是一盤生意,但意義不在賺錢,而是希望更多人認識素食的好處。依家餐廳有不少藝人食客捧場,包括王浩信、馮盈盈及姚子羚等。

延伸閱讀:

入住1.3億豪宅 張家輝、關詠荷平養餅印女

關注我們Facebook專頁
    相關新聞
      更多瀏覽