【入紙註冊】下月與「木偶哥」結婚 歐陽巧瑩情緒「爆煲」
2018年10月27日07:00

30歲「木偶哥」林師傑與26歲歐陽巧瑩(Tammy)拍拖四年,將於11月22日結婚。有傳媒發現一對新人早已入紙排期註冊,更申報同樣地址,似乎已經過住同居生活。

星期五是Tammy生日,她在網上留言說:「噢~原來林先生陪我過第四個生日嚕~時間真係過得快,感恩嘅係……就算世界怎麼變,綿綿千載此心不變#每年一度屋企燭光晚餐。」非常恩愛!

From:微博/娛樂lovelove2017

From:微博/娛樂lovelove2017

From:微博/娛樂lovelove2017

From:微博/娛樂lovelove2017

From:微博/娛樂lovelove2017

From:微博/娛樂lovelove2017

From:微博/娛樂lovelove2017

 

「木偶哥」就註冊一事回覆傳媒表示:「我哋其實畀律師樓入紙,咁啱同阿嬌一齊。」至於歐陽巧瑩則自爆上星期情緒「爆煲」,佢回覆傳媒時表示不是患上婚前恐懼,只是近期少了與家人談心事:「呢段時間有好多東西搞,林師傑強迫我對自己坦白、對他坦白、對屋企人坦白,解決咗都好,解開心結嘛!」

「木偶哥」則說有幸成了他們一家的溝通橋樑:「好似天跌落嚟可以當被冚,兩個人係活緊一條命,搞得掂!」

TVB迷之家:【林師傑求婚成功:歐陽巧瑩入咗我生命!】
星夢歌手「木偶哥」林師傑出席星夢歌手的慶功宴時,被唱片公司老闆何哲圖大爆他已向女友歐陽巧瑩求婚成功!

在慶功宴的短片上,林師傑、谷微、鄭俊弘、何雁詩及胡鴻鈞等邊食邊做直播,林師傑表示:「今年要認真多謝老闆,因為畀咗好多鼓勵我。」在場有人問「幾時結婚呀?」全場人即時起鬨大叫「結婚,結婚」,他表現得相當尷尬,他說:「老闆多謝曬!」之後將咪交畀何哲圖,而何哲圖就話:「結婚呢樣嘢已經同師傑溝通咗啦,我哋。」全場拍掌,何哲圖再話:「我同阿師傑講,如果遇到珍惜嘅女朋友就要珍惜喇,要大膽啲、要勇敢去講畀人聽,拍咗幾年拖要同對方講要定落嚟,咁師傑鼓起勇氣同佢好好嘅女朋友講咗啦。」

而林師傑承認:「依家正式宣布,我已經封咗盤,所以大家啦,盡情去妒忌歐陽巧瑩啦,羡慕佢啦,你哋冇機會,我已經將個人留咗畀佢,哈哈。真係開心,老闆好關心我呢件事,畀咗我好大信心,我冇諗過婚姻,成日以為要搵好曬啲錢,買到樓,搞好曬先去做,係老闆畀咗個好大啟發我,仲幫我擇曬日,係好感動成件事。」何哲圖再說:「我同師傑話男人唔使搵到曬啲錢先去搵老婆,應該講一齊去捱先最開心。」林師傑又說多謝女友:「喺一個唔係咁靚嘅時候,歐陽巧瑩入咗我生命,同我拍拖,三年後準備籌備結婚啦。」他又說因未搞詳情,結婚日子容後公布。 -- TVB迷之家

From:微博/TVB迷之家

From:微博/TVB迷之家

From:微博/TVB迷之家

From:微博/TVB迷之家

From:微博/TVB迷之家

From:微博/TVB迷之家

 

關注我們Facebook專頁
    相關新聞
      更多瀏覽