城城請食飯慶票房破11億
2018年10月25日03:00
城城為電影票房報捷而興奮。

【星島日報報道】郭富城、周嘉怡、孫佳君、張建聲與張松枝,前晚為電影《無雙》到戲院出席謝票活動。雖然城城忙於排練演唱會,仍抽空現身。他表示好開心,一眾電影拍檔都齊齊出來答謝觀眾的支持,亦見到觀眾睇得好開心又投入。城城又指該片內地票房暫時有11.3億元,香港則邁向3,000萬元,很值得慶祝。他謂:「我哋都係求餐食啫!好簡單咋!食一餐可以開心吓、聚一聚。」他表示已經答應在場的演員,待他完成演唱會後會請大家食飯,引來眾人拍掌歡呼。

此外,談到導演莊文強於內地宣傳時表示,該片獲好成績有三分之一應歸功周潤發,城城謂:「梗係啦!我覺得電影裹面每一位演員都有出力,發哥係前輩,一定會尊重前輩,發哥的演技毋庸置疑,大家一直公認。近年發哥少遇到真正畀佢發揮的劇本,如果唔係發哥演呢個角色,曾幾何時係我要演呢個角色,發哥去演時,我就演到『李問』呢個角色,我覺得這個組合係最完美的。希望呢套片的票房再高啲,好戲有好報,未睇嘅朋友快啲去睇。」

關注我們Facebook專頁
    相關新聞
      更多瀏覽