法國之旅造人成功 楊愛瑾 宣布再懷孕
2018年10月24日14:41

33歲藝人楊愛瑾 (Miki)與永安太子爺郭永淳2016年婚後,去年誕下囝囝Luken。生咗BB後,Miki專心相夫教子,做一個全職媽媽,偶爾才出席公開活動。昨日Miki喺社交網宣布再懷孕 ,三年抱兩真係恭喜晒!

編輯:東方新地 |原文:Sunday Kiss| 圖片:楊愛瑾 @IG

延伸閱讀:

梅根關上車門成引網民討論 盤點7件你未必知道的英國皇室秘密

捱足15年終吐氣揚眉 李施嬅擊敗過百演員獲加拿大新劇女主角

楊愛瑾 三年抱兩

前女子組合Cookies成員楊愛瑾,自婚後甚少出席公開活動,專心照顧小朋友。今日,喺社交網分享兩張家庭照,並用英文留言:「We are truly blessed with everything we have. Life is full of hope and surprises…… a NEW family member is ON THE WAY!!! May our faith continue to grow and guide us through the ups and downs in days to come!(我們擁有的一切很幸運,人生真是充滿希望與驚喜,一個新成員正在來臨,願我們的信念在未來的日子裏繼續成長,引導我們度過生命中高低)」。

生B過程順利 冇想像中咁痛

回顧返楊愛瑾生第一胎,喺上年3月30日誕下囝囝Luken,B仔比預產期早2星期出世,出世未夠六磅,佢當時話:「生B過程非常順利,冇我想像中咁痛。」佢仲話生完嗰刻同老公可以即刻生多一個啊!今年就同老公進行造人大計。

今年7月,Miki在ig晒法國旅行相,當時Miki更激罕貼粉紅色泳衣相,已為人母嘅佢身材弗爆!

原來Miki孖老公撇甩囝囝,到浪漫之都享受二人世界,現相距3個月即宣佈再大肚,估計BB是在法國製造,恭喜恭喜!

其實Miki自從生咗BB後,已經甚少出席公開活動,專心湊B,偶然才會在IG貼吓同囝囝、老公嘅合照,放閃一番。之前萬聖節佢把囝囝打扮成龍蝦造型,咁可愛,係咪好想一啖食咗佢呢?

之前囝囝Luken嘅半歲生日,Miki喺社交網站分享咗幾張家庭照同埋Luken嘅寫真,囝囝眼大大十分精靈,Miki指一路走來的六個月的確有血有淚,但回頭看就發覺一切都是快樂的,他們感謝囝囝為他們帶來的一切,亦承諾會繼續好好照顧Luken,讓他一直都快快樂樂。

囝囝才半歲大,但樣子已經長得十分標緻。

Miki 為愛子搞百日宴

Luken出世一百日嘅時候,Miki幫愛子搞咗個百日宴派對,而Miki嘅好友譚凱琪(Zoie)都有出席,Zoie同樣讚Luken眼大大好得意。當日百日宴party以藍色做主題,周圍佈滿汽球,布置好清新,而Luken亦着住件藍色衫仔,萌爆!

楊愛瑾 首次帶兒子旅行

Miki在IG分享咗同囝囝、老公去布吉嘅旅行相,她留言說:「第一次帶Baby Luken去旅行,出發前預早做了好多功課,亦都請教了好多媽媽需要准(準)備甚麼,寶寶去到要食甚麼,我預早了一星期開始執拾行李(我非常緊張)。終於到達了目的地,這幾天一切尚算順利,而且我們一家都覺得十分開心,很享受一起去渡假的日子,一切出發前的擔憂都沒有了。感謝各位媽媽的意見和幫忙。令到寶寶的等一次旅遊經歷很順利」。

Luken眼大似媽咪

相中見到佢哋一家三喺沙灘到同陽光玩遊戲,九個月大嘅Luken擁有大眼睛,肥肥白白好好肉地,着住泳褲仔同帽仔坐喺沙灘,真係好可愛,不少網民也大讚Luken得意。

Miki好纖瘦

除了和老公、囝囝的合照,Miki又貼咗張水著照,雖然只得背面,見佢跳落水高舉V字手勢,真係睇得出佢好開心,而且Miki又大晒23吋小蠻腰及纖瘦身形,生完BB後成功修身!

同黃心穎飛澳洲送三家姐出嫁!馬國明居然咁回應婚期…

胞弟車禍後11年終站起來 黎姿感動:他的堅毅令我進步

陳奕迅宣布周六演唱會免費直播 必知四大收看方法!

總有一部你看過!盤點大台10套經典醫療劇

《鬼怪》、《繼承者們》都不是第一?!節目公布最佳韓國電視劇前五名

延伸閱讀:

楊怡大爆當年與老公撻著經過 羅仲謙靠一樣嘢成功奪芳心!

關注我們Facebook專頁
    相關新聞
      更多瀏覽