楊怡大爆當年與老公撻著經過 羅仲謙靠一樣嘢成功奪芳心!
2018年10月24日11:00

楊怡與羅仲謙這對恩愛夫妻不時於個人社交網放閃,大晒甜蜜幸福生活。日前,楊怡接受電台節目訪問期間,除了不時冧爆大讚老公外,還大爆當年與老公羅仲謙撻着過程!原來對老公另眼相看的原因,竟然是因為…

撰文:東方新地|圖片:Instagram、微博、新傳媒圖片庫

延伸閱讀:

胞弟車禍後11年終站起來 黎姿感動:他的堅毅令我進步

公安:歌神要多開演唱會!「逃犯剋星」張學友合肥個唱九名逃犯落網

楊怡大爆當年與老公撻著經過

楊怡早排接受港台電台節目訪問,提到與老公當年拍攝無綫劇集《On Call 36小時II》的撻着過程,她說到:「都唔知點解嗰時會睇中佢,真係好奇怪,因為同佢係風馬牛不相及嘅人,而且大家都覺得我同馬明係最夾。」

楊怡同馬國明合照,令坐在身旁的老公羅仲謙扁哂咀!

楊怡於節目中sweet爆地指每晚拍夜戲時,羅仲謙都會問她想食什麼宵夜,明顯關心備至!不過她笑言自己當時只顧投入工作,所以根本感受不到對旁原來對她有意思!

靠一樣嘢成功奪芳心

她坦言直至劇集差不多完成所有拍攝,「發現呢個男仔有啲嘢,之後大家一齊去Halloween Party。」,楊怡更笑指印像最深刻的是:「我哋生日差兩日,佢知我助手有幫我搞生日會,於是就提議不如一齊搞,最後係買咗隻燒豬一齊切、請晒全廠人食。」,食燒豬慶生成功奪芳心!

楊怡對老公讚不絕口

楊怡更於節目中大讚老公羅仲謙,雖然自己會嫌對方比較懶,事關去旅行不到出門一刻都不願執行李,「但佢會為咗我而拎背囊,因為我將啲水、旅遊書、遮塞晒比佢拎。」,更笑著大讚老公孝順又不會亂花錢!

節目主持人指二人不時在網上放閃,而且大讚羅仲謙為楊怡花了不少心思製造驚喜,但楊怡聽到之後,竟然搞笑問:「請問佢做過咩?生日、結婚周年我問佢有乜表示,佢話『唔使啦,唔好浪費錢,送花畀你又話浪費』,但聽完佢講,又真係覺得啱喎。」

謙謙 楊怡 結婚兩年幾

2016年3月,拍拖五年,楊怡同謙謙係英國古堡舉行Wedding Blessing儀式,同年8月,正式宣佈婚訊,並在同年10月2日在香港完婚,豪擺五十圍,廣邀圈中好友席,結婚兩年幾,甜蜜指數有增無減﹗

羅仲謙
羅仲謙

楊怡 謙謙 晒甜照放閃

早前是二人結婚兩週年紀念,楊怡竟晒出她和老公的背影相,二人作狀似互打大耍花槍,非常甜蜜;而另一張相則是羅仲謙抱著老婆依偎並坐,看著前方的美好風景,溫馨無比。

謙謙啜爆楊怡 甜蜜放閃

今年謙謙嘅34歲生日,而兩日後係楊怡39歲生日,日子咁接近,兩夫婦索性一齊搞生日party慶祝,仲請咗好朋友出席!謙謙在社交網貼相晒愛,啜爆老婆放閃,sweet到爆!

壽星仔謙謙留言:「跟阿怡一起開生日會,難忘的一個晚上,多謝各位朋友的祝福,感激感激,希望大家天天都笑口常開。」

送花牌冧楊怡

婚後二人各有各忙,阿怡近日更去到上海演出舞台劇《我和春天有個約會》。雖然兩公婆分隔兩地,但一樣無阻兩人甜蜜晒恩愛!日前阿怡就在微博上載多張照片,見到謙謙向太太越洋送上大禮,氹到阿怡心花怒放,閃死人啦!

之唔係人冇到禮物到囉!謙謙送上送上有老婆大名嘅花牌,又靚又威威!阿怡都忍唔住開心分享!

另外每個花牌都附有一張阿怡的照片,以及謙謙的甜蜜留言,真係閃死人啦!

結婚周年紀念 楊怡:「Thanks for being in my life!」

原來楊怡和羅仲謙在慶祝結婚一週年時,也曾高調放閃!當時二人到歐洲旅行,相當浪漫,做了羅太一年的阿怡更於紀念日向老公示愛,說「Thanks for being in my life!」一眾網民都留言祝福二人,希望他們繼續甜蜜下去。

楊怡羅仲謙1
楊怡羅仲謙1

楊怡 放輕鬆再衝刺

楊怡16年嫁給細她五年的羅仲謙,同年約滿亦決定離開無綫向外闖,一心結婚生仔退下火線的她,這兩年選擇性地工作,去年只拍了一部無綫劇《再創世紀》,煞科即宣布停工調理身體,作好準備生B,今年不是北上陪老公開工,就是周遊列國好梳乎。每次現身公開場合,楊怡都被追問幾時有好消息宣布,年屆39歲的她口說順其自然,但已是高齡產婦的她怎會不心急,月前謙謙完成手頭上內地所有工作,即急急返港陪老婆。

楊怡 羅仲謙
楊怡 羅仲謙
楊怡與謙謙拍拖六年結婚兩年,婚後感情有增無減,曾揚言想三年抱兩,不過因工作聚少離多未能好好配合。

據知情者透露:「雖然阿怡呢兩年成日飛國內陪謙謙,但始終開緊工會好攰,舟車勞頓再加上有壓力,所以一直都未成功。女人40歲後就更加難成孕,所以阿怡一直有睇中醫調理身體,鍾意飲番兩杯嘅佢依家出嚟食飯仲滴酒不沾,早睡早起又做運動,今年盡量唔接嘢做,想放慢心情同腳步,希望喺冇壓力下成事,而謙謙亦應承阿怡拍完兩部戲就停工,呢幾個月留喺香港,佢哋咁努力,相信好快就有好消息啦!」

楊怡 羅仲謙
楊怡 羅仲謙
去年10月結婚一周年紀念,楊怡因要到布拉格拍《再創世紀》外景,謙謙請定假做跟得人夫,兩人在當地慶祝。

謙謙家庭觀念甚重,當日在婚禮上表示想與楊怡生個女,然後再追多個仔湊個「好」字,他深知生兒育女責任甚大,早已有了全盤計劃,現在與楊怡及岳母租住大埔比華利山的謙謙,現時目標是買樓送楊怡。知情人爆料:「謙謙向來都唔會亂使錢,佢將近年賺嘅錢滾大,一有機會就上車買層樓寫老婆名,佢覺得女人生仔其實犧牲好大,所以佢好錫媽咪同老婆。阿怡同佢拍拖初期,謙謙仲未紅亦未賺到錢,但阿怡都肯同佢一齊捱,所以佢話過搵到錢要畀最好嘅嘢老婆同仔女,仲諗定小朋友第時讀書要搵學校,會主攻九龍城41校網附近嘅樓,即係九龍塘附近,喇沙同瑪利諾都喺嗰區,生女生仔都冇問題喎!」

楊怡
楊怡

幸福漏口風

婚後有謙謙錫到燶的楊怡,上周二(8月28日)出席新劇宣傳被指因為生日及有劇上而「雙喜臨門」,再加上老公謙謙34歲生日兼生B就會是「大四喜」?她聞言笑說:「承你貴言啦!我依家好fit,順其自然啦!」

楊怡
楊怡
上周二 (8月28日) 楊怡出席無綫新劇《再創世紀》記者會,與同年同月同日生的周勵淇一齊獲台前幕後幾十人為她們慶祝生日,而周柏豪就負責唱生日歌助興。

問到謙謙送甚麼生日禮物?她笑說:「我成日叫佢儲錢買層樓寫我個名,佢就會話『唔使送啦,唔需要慶祝一剎那,我哋係細水長流!』買樓可以要嚟投資,我唔會嫌多,我都想有驚喜!」幸福滿瀉的楊怡,看來已急不及待想與大家分享開心事。

楊怡
楊怡
當日是謙謙34歲生日,楊怡出席完記者會即走去買蛋糕,諗住返屋企同謙謙過二人世界慶祝。

楊怡
楊怡

楊怡
楊怡
買完蛋糕遇女 fans要求自拍,右手捧花左手拎蛋糕的楊怡笑住影,點知影完一個惹來一堆街坊fans大包圍,親民的她來者不拒,影夠先離開。

楊怡
楊怡

楊怡
楊怡

補身

去年底楊怡拍畢《再創世紀》,宣布停工調理身體,食得健康養尊處優的她,每日都以滴雞精補身。

楊怡
楊怡

楊怡
楊怡

戒酒

日前楊怡相約一班相識20年的藝訓班同學食飯兼慶生,包括林峯、張美妮、陳少邦、徐榮、楊明、趙永洪、李忠希、傅楚惠等十多人,當日大家包場飲紅酒敍舊,相中見林峯等人飲到面紅紅,但楊怡為生B已戒酒,所以保持清醒靚樣。

Tavia Yeung(@tavia_yeung)分享的貼文於PDT 2018 年 8月 月 30 日 上午 9:57張貼

開工無期

楊怡離開無綫已經兩年,除了代言品牌活動及商場活動,她只接了前年的舞台劇《我和春天有個約會》及去年與郭晉安合作開拍的劇集《再創世紀》,據知短期內她都未有接新工作,成功陀B亦會暫別幕前一段時間專心養胎。

楊怡
楊怡

楊怡
楊怡

悠閒生活

楊怡講到明要停工準備生B,閒時生活除了放狗就是做運動,難怪身形keep得甚弗。

楊怡
楊怡

Tavia Yeung(@tavia_yeung)分享的貼文於PDT 2017 年 5月 月 24 日 上午 12:46張貼

楊怡
楊怡

Tavia Yeung(@tavia_yeung)分享的貼文於PDT 2018 年 5月 月 27 日 上午 7:51張貼

延伸閱讀:

簡直無得輸!《美女廚房》煮嘢食都滿分兼冧暈評判 張曦雯煮得睇得玩得

關注我們Facebook專頁
    相關新聞
      更多瀏覽