王梓軒邀傷健表演者齊追夢 為截肢歌迷送祝福
2018年10月23日20:48

王梓軒(Jonathan)日前推出全新廣東歌《寄居太虛》,為配合追夢的歌詞內容,Jonathan邀請數位傷健表演者拍攝短片,透過演繹新作鼓勵追尋夢想的勇氣:「佢地真係好勁,有一位係聾人舞者,我地係透過手語去同佢溝通,比佢感受歌曲的節奏感,再編排一段舞步。而另一位係用義肢去拉小提琴,我好幸運有健全身體,都要花幾年先學識拉直個弓,佢用義肢拉出咁好聽音樂,個份恆心真係好堅強。」

短片中各傷健表演者都分享「追夢」的經過,令王梓軒大為感動,而拍攝期間為有更好演出,Jonathan亦化身做收音師,紀錄傷健表演者努力排練的成果:「我有諗過如自己身體有缺陷會點算,可能藝人呢個工種係幾高危,爆破你又驚燒親、騎馬又可能會整親,就算唔好彩都應該唔會影響我工作,因為現今社會都接受傷健人事,所以做唔做到就在乎自己的決心,而唔係懷疑自己的能力。」

王梓軒就話新歌靈感來自一名截肢歌迷,亦希望透過新歌為她打氣:「我在社交網站收到私訊,佢話家姐係我Fans,不過早前有意外要截肢,而屋企仲有個一歲囡囡照顧。我聽完成件事好心痛,但覺得即使幾咁不幸,都要堅強活下去,所以就寫了呢首歌,亦邀請傷健人士表演,為她送上祝福。」

原文連結:

王梓軒邀傷健表演者齊追夢 為截肢歌迷送祝福

相關文章:

《A Wine Lover’s Guide to Hong Kong Restaurants》新書發佈會 帶你搜羅香港美酒佳餚

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽