被爆曾出軌 育有20歲私生子!黃秋生:做得最啱係「冇離婚」
2018年10月22日15:54

黃秋生同老婆吳惠貞結婚26年,生咗兩個仔,但夫妻長期處於分居狀態。今年6月,秋生被爆有一私生子,而且已經20歲,事後不單直接承認,更透露太太一早知情!日前秋生接受車淑梅訪問,指自己其實一早就簽咗離婚證書,不過得太太包容,婚姻才得以維繫至今。

原文:SundayKiss 圖片:新傳媒圖片、BBC、Facebook-黃秋生

延伸閱讀:

馮德倫罕有發布閃光彈 舒淇甜蜜發相回禮 粉絲:「等了好多年啦!」

45歲李若彤揭凍齡背後秘訣 廿幾年堅持做運動同埋…

黃秋生出軌 因為同太太多衝突

喺訪問中,黃秋生承認當年出軌,係因為嗰幾年成日同老婆常嗌交,自己又「病到七彩」(患上甲狀線疾病),咁身邊啱出現「一個非常非常好的女人」,所以就令佢行歪咗。

黃秋生
黃秋生

與外遇誕下私生子

點知期後同外遇「搞出人命」,生咗私生子William。有一日,外遇忽然抱埋個仔出現,話要畀番個仔佢,點知相隔一陣又話要抱番個仔走,仲打爆秋生副眼鏡。因為呢件事,秋生知道冇辦法瞞落去,於是便一手一抱住細仔,一手抱住私生子,返屋企同老婆吳惠貞攤牌。

簽好離婚協議書

其實當時太太已經忍咗好多年,一度想要分開,秋生當時甚至連離婚協議書都簽好咗,不過因為太太見幾個小朋友當時仲好細,所以最終都選擇再次包容,而嗰份離婚協議書,而家仲鎖喺秋生個夾萬入面。

夫妻最重要有偈傾!

隨住當年做嘅錯事曝光,秋生諗留轉頭,覺得自己當年做得最啱嘅事,就係「冇離婚」,但係太太成日嚇佢,話:「你簽咗名,我哋離咗婚!」雖然兩夫妻依然分開居住,但係夫妻間感情仍然好好,秋生話而家同太太已經昇華成另一種感情:「大家感情好似朋友咁,咩都可以傾,夫妻一齊,最重要係有偈傾!」

其實喺今年6月秋生被傳媒驚爆指他原來有一名20歲的私生子William,並與母親Joyce一同現居於英國。而Joyce係藝人岑建勳嘅外甥女,秋生當時大方回應傳媒對於私生子一事,並直言事件屬實,只要有人問及均會承認自己有個私生子,因不希望私生子一事影響到William的成長。

黃秋生
黃秋生

秋生與太太吳惠貞結婚26年,二人亦育有兩名兒子,當被問及太太是否知情,秋生則指太太早已知William的存在,又表示自己早已帶同William見其嫲嫲,秋生還大讚William好乖。

黃秋生
黃秋生

父子二人不時相約團聚

據知,秋生與William一直都有保持聯絡,父子二人雖相隔兩地,但William亦會抽空來港跟父親見面,至於秋生亦有每月畀錢供書教學給正讀大學的William。

由於事件與秋生的成長非常相似,為免重蹈生父故事,他斷言指自己更加需要認回William,免得自己的故事再次發生於兒子身上。

當秋生被問及有沒有後悔過當年所做一切,他則回應傳媒表示冇後悔!

黃秋生父親 拋妻棄子

黃秋生原名叫Anthony Perry,曾表示其父親是英殖時代香港高級公務員Frederick William Perry,在港認識自己母親,但因父親在英國早有家室,在秋生4歲時,父親拋妻棄子,離開了家庭,秋生隨母姓,所以叫黃秋生。

黃秋生童年生活淒苦

秋生曾表示自己是個私生子,童年時十分淒苦,生活顛沛流離,母親當女傭,含辛茹苦養大自己。秋生雖對父親有怨,但隨人長大後,始終都渴望尋回失聯多年的生父。

黃秋生搵番父異母兄弟

皇天不負有心人,BBC指已經幫秋生搵到同父異母的兄弟John及David。現年74歲的John稱,當時知道呢個新聞時,佢同David都喺遊輪上,剛巧睇到BBC呢個報道,因認得出相中人就係佢哋爸爸,才知秋生的存在!

事隔多年後,兄弟們皆已各組家庭,難得哥哥到港,當然要合照留念。

親生兄弟多年後團聚

據了解,John及David現時喺澳洲定居,可惜爸爸於1988年離世,爸爸一直未有透露自己有另一個家庭,所以兩兄弟對秋生的存在一無所知。但點都好,而家可以見得番自己親生兄弟,實在係難能可貴!太感人喇!

對於呢次與兩位哥哥團聚,黃秋生直言係「Amazing(神奇)、Impossible(不可能)、奇蹟(Miracle)」,之後秋生送兩位哥哥搭飛機離開香港,臨別依依,始終要揮手送別,但相信係不久的將來,大家一定會有團聚再會時!

資深藝人岳華加國病逝 傳近年患病致體形消瘦

女神封盤!江嘉敏認戀電競公司高層 男友大起底

仔女睇得又讀得!盤點13位學霸星二代

《鬼怪》、《繼承者們》都不是第一?!節目公布最佳韓國電視劇前五名

女星中式婚嫁look逐個睇!裙褂、旗袍、潮褂都咁靚

生日願望漏風聲 鄭伊健 明年2月紅館開騷

鄭伊健
鄭伊健

愛妻號啟航 陳奕迅陪徐濠縈潮玩水

女大18變!《爸爸2》12歲多多 變長腿美少女

吳嘉龍被女家嫌冇車冇樓?吳耀漢 寸爆親家拜金

揭《大帥哥》變倉底貨死因 張衞健蝕住回巢 淪為炮灰

網傳兩粒鐘豪使10萬?12歲李嫣帶閨蜜名店掃貨 王菲埋單

延伸閱讀:

那些年曾當彭順小三 如今升呢做人妻!陀B李悅彤 開估BB性別…

關注我們Facebook專頁
    相關新聞
      更多瀏覽