【飛甩男友】鬼妹仔阮兒返鄉下越南日日游
2018年10月22日15:46

大台「鬼妹仔」阮兒在荷蘭長大,同時也擁有越南血統,算是半個「越南妹」;早前趁有假期,阮兒就撇甩熱戀中的男朋友衛志豪,與一位女性朋友到越南旅遊兼探親,在當地逗留五日四夜。

已有十年沒有返家鄉,阮兒表示當地變化很大,她說:「而家越南變得好新潮,好多靚地方,又開咗好多ROOF TOP酒吧,就連今次我住間酒店,都係ROOF TOP泳池,酒店天台有個好靚又大泳池,我同朋友日日晨早起身游完水至出去玩,咁靚泳池,唔好o徙嘛,我地忍唔住影好多相,同個朋友互相做大家攝影師。」

阮兒今次回越車探親之餘,她的兩位姑姐及堂家姐就充當導遊,帶他們四圍遊覽及品嚐當地美食,又到當地大型珠寶店見識。她又「力sell」說:「越南好多美食,中餐、西餐、越南菜,仲有好多新鮮水果,都好有好好味,價錢又不貴,我地日日食同玩。」有冇增磅回來?她笑:「只係肥咗少少啦,可能我地每朝都有游水做運動,而且越南美食好健康,以蔬菜及水果為主,去旅行唔理咁多體重,回來再減。」

關注我們Facebook專頁
    相關新聞
      更多瀏覽