【識生又識教!】學霸星二代檢閱 佢哋啲仔女都係叻叻豬!
2018年10月20日23:10

近年唔少星二代都決心向娛樂圈發展,因為佢哋唔多唔少,都遺傳咗父母嘅靚人基因同埋演藝才華。不過星二代好多都唔係得個樣,讀書叻嘅亦都大有人在,本身係學霸級數嘅,亦都唔少!一齊睇吓有邊幾個!

撰文:Sunday Kiss 圖片:新傳媒資料室、梁芷珊Facebook 專頁、湯君慈、湯君耀IG、TVB、龔慈恩微博

林愷鈴IG、何猷君、何超盈IG,網上圖片

延伸閱讀:

【親子餐廳】 扮特務做任務 大玩實景角色任務遊戲

荃灣體育館下月11日啟用 全港18區免費室內兒童遊戲室一覽

羅樂桐生日送厚禮畀媽咪

8月30 號係梁芷珊囡囡羅樂桐Eily16歲嘅生日,但係媽咪未同個女慶祝,囡囡就先送上厚禮!皆因Eily今年考IGCSE(即係類似香港當年嘅會考),考獲11A嘅佳績!梁芷珊為囡囡感到高興之餘,亦都覺得好安慰!

梁芷珊
梁芷珊

即刻同羅生報喜

知道成績後,梁芷珊都有即刻同羅生報喜,恭喜佢「我哋再一次不勞而穫!」有呢個講法,係因為佢哋從來冇Push過個女去做任何嘢。梁芷珊話,「值得開心既係,我終於可以用事實來證明,小朋友讀書學習係唔駛迫既,開心快樂成長最緊要,絕對唔駛報十間幼稚園,唔駛補習,唔駛學芭蕾舞,唔需要學七國語言。」

青梅竹馬好友係IB狀元

同日,Eily同一個由細玩到大嘅男仔朋友一齊慶祝,因為呢個朋友仔,今年考IB考到45分滿分,係今年嘅IB狀元!

湯鎮業三個仔女都係UCLA高材生

阿Bruce同阿Chris,仲有家姐湯愛嘉,都係湯鎮業第一任妻子姜坤所生,三個都遺傳咗父母嘅靚人基因,而且讀書都好叻,三個都係讀美國著名大學加州大學洛杉磯分校(University of California, Los Angeles, UCLA),阿Bruce同阿Chris仲一齊主修社會經濟學,副修電影。

湯鎮業孖仔
湯鎮業孖仔

湯鎮業對三人能考上名校感到驕傲,「我好注重佢哋學業,你知啦,花咁多錢捱到佢哋咁大,都係希望佢哋讀到好學校,我成日問大女,兩個細佬考成點?但個女覺得我好煩,做老竇就係咁喇,好緊張學業。」

View this post on Instagram

HAPPY MOTHER’S DAY❤️

A post shared by Chris Tong湯君耀 (@christongg) on May 13, 2018 at 1:04am PDT

孖仔大學係讀世界著名學府,中學時代,喺香港一樣係讀名校㗎!兩個都喺位於赤柱嘅百年傳統名校-聖士提反書院畢業!

View this post on Instagram

SSC class of 2013

A post shared by Bruce Tong 湯君慈 (@bruce_tong) on Feb 8, 2013 at 5:41am PST

林愷鈴差4分做IB狀元

龔慈恩囡囡林愷鈴 (Ashley)就讀中西區直資名校聖保羅男女中學,校內既有本地DSE課程,亦有通行全球嘅IBDP(國際預科文憑),而Ashley就係選讀IB課程嘅。

今年香港學生嘅IB成績好好!全球IB考生有163,511人,平均分為29.78分,合格率為有7成7,而全球考獲滿分45分嘅狀元就有186人,而香港佔其中兩成,共有38名IB狀元!

View this post on Instagram

The OGs.

A post shared by 林愷鈴 Ashley Lam (@kaening) on Aug 8, 2018 at 12:08am PDT

Ashley雖然唔喺狀元之列,但係亦都考到41分,相當高分數呀!

嚟緊9月,Ashley就會入讀香港大學建築系,呢個係佢嘅首選學科嚟㗎!

之前Ashley都有諗過去外國讀書,不過又想入行發展,而且又入到港大,所以就打消咗呢個念頭!

Ashley仲話,媽咪一向對佢學業冇咩要求,完全放手, 甚至喺佢考試嗰陣,仲成日拉佢出去玩添!

View this post on Instagram

到此一遊。

A post shared by 林愷鈴 Ashley Lam (@kaening) on Aug 13, 2018 at 12:22am PDT

入大學,大個女喇!仙氣滲出嚟~

葉玉卿大女考到6個獎學金

一代性感女神葉玉卿息影嫁人後,過住超豪少奶奶生活,老公胡兆明係美國超市大王,婚後先後生咗大女胡芷欣、次子胡可聰及幼子胡以聰,一直專心相夫教子嘅葉玉卿,年過50都Keep得好好,而且三個仔女讀書都超叻,大女胡芷欣除咗盡得媽咪好身材而受注目外,其實讀書都好叻!

葉玉卿
葉玉卿

舊年高中畢業之後,就攞到6個獎學金,升讀名牌大學Union College(美國聯合學院)。

媽咪當年係性感女神,芷欣一樣都從不吝嗇喺ig 上晒身材。

三點式泳衣極常見。

芷欣高中嗰陣喺紐約讀私立貴族學校,連校園活動都好華麗。

二仔胡可聰今年16歲,講到讀書成績就比家姐更叻,更勤力!而家已經有晒全盤計劃,要考入長春藤大學,即係好似哈佛、耶魯、普林斯頓呢個級數嘅頂級名校!

至於細仔14歲嘅胡以聰,葉玉卿就話過佢係三個仔女中,最聰明嘅一個,讀咗咁耐書,只係試過兩次考試低於80分,相信佢將來絕對可以叻過家姐同哥哥!

賭王千金何超欣係數學天才

賭王何鴻燊有四房太太,十六個仔女,有傳佢最愛錫嘅,就係78歲時,同四太梁安琪所生孻女何超欣,可能係因為孻女拉心肝啦!賭王不止一次讚呢個女「靚到不得了」!時光飛逝,超欣而家都19歲喇,婷婷玉立,生性文靜低調,不過講到讀書就唔係人咁品喇!超欣同哥哥何猷君一樣,都係學霸一名,難怪深得父母寵愛!

何超欣
何超欣

四太梁安琪講過過,希望超欣喺冇傳媒壓力下成長,所以超欣自細就好低調,就算同屋企人出席活動,都有媽媽、家姐阿哥睇到實。自細一向品學兼優嘅超欣,小學就讀灣仔區傳統名校瑪利曼小學,除咗讀書叻,亦都好有運動細胞,小學已經喺學界田徑場上盡顯鋒芒,小三被選為「最有潛質運動員」。

四房全家福,(左一)為二哥猷亨,(中)三哥猷君,(右)為大家姐超盈。

超欣12歲就去咗英國讀寄宿學校, 所以自細就好獨立,識得自己照顧自己。

喺英國讀咗6年書,早前考GCSE考到9個A*,數學更加攞滿分。

本來劍橋已經收咗佢喇,不過超欣就想轉換吓環境,於是就跟阿哥去美國繼續升學。

而家超欣已經入讀美國麻省理工大學(MIT),仲做埋中國留學生會會長,認真叻叻豬!

最近超欣仲代表MIT去參加同哈佛(Harvard)、耶魯(Yale)、普林斯頓(Princeton)同史丹福(Stanford)共5間名牌大學搞嘅五校同舟會學生組織,仲成為呢個組織嘅主席。

媽咪以前係跳舞老師,跳舞對超欣嚟講,又點會有難度!

譚曉風21歲碩士畢業

譚詠麟囝囝譚曉風啱啱係牛津大學Engineering Science(工程科學)碩士畢業,譚詠麟罕有地喺微博post出囝囝嘅背影,而且笑得非常開心!現年只有21歲嘅譚曉風年紀輕輕已經碩士畢業,果然係優質星二代 !

最年輕入MIT讀金融碩士

賭王何鴻燊與四太梁安琪兒子何猷君喺麻省理工大學(MIT)畢業,自細係數學天才嘅何猷君只係用咗三年時間就讀完四年嘅課程。上年只有21歲嘅何猷君仲成為咗史上最年輕進入MIT攻讀金融碩士嘅學生添!

黃愷傑北京電影學院碩士

趙雅芝細仔黃愷傑擁有美國南加州大學經濟系同北京電影學院碩士畢業嘅學歷!從小已經對演藝事業很有興趣嘅黃愷傑而家已經進入咗娛樂圈,專心拍戲。

{“IPTC-DATA”:”NMG”,”data”:{“photoID”:2155776}}

延伸閱讀:

【親子好去處】即釣即食 全港唯一 觀塘台式室內釣蝦場

關注我們Facebook專頁
    相關新聞
      更多瀏覽