陳小春爭輸伊健 鄭中基 巡唱香港站落空
2018年10月19日17:46

延續22年兄弟情,鄭伊健、陳小春、謝天華、錢嘉樂及林曉峰五個古惑佬,演唱會、電影、綜藝節目長做長有,開工搵銀拍住上。不過伊健前周四(4日) 51歲牛一,漏口風會再開騷,落實在明年二月農曆年間再登紅館舞台,相隔六年終於撇甩班兄弟開個人演唱會。其實單拖開騷唔止伊健仲有小春,亦都一樣晨早入紙吼實農曆年紅館檔期,不過小春入紙三次都申請失敗,惟有內地巡唱獨欠香港站,拖住先!

撰文:東方新地|圖片:東方新地、節目截圖

延伸閱讀:

《跳躍生命線》羅天宇目擊吞槍被噴到成面血 原來係因為馬德鐘講咗禁語?

減肥都可以食得健康?28歲單文柔3大婚前瘦身秘訣公開

【陳小春爭輸伊健 鄭中基 巡唱香港站落空】

近日五位古惑佬有四個都忙住同監製曾志偉四圍謝票,為新戲《黃金兄弟》宣傳,唯獨陳小春連場缺席。原來個人巡迴演唱會下月10日就於成都站揭開序幕,剩番一個月時間練歌練舞排rundown,難怪小春都話時間緊迫。

周二(9日)陳小春在北京舉行演唱會記招,宣布除了落實的成都、佛山和南京三站演唱會外,上海、武漢、北京、昆明、廣州、珠海、深圳等各大城市陸續有來。

陳小春
陳小春

陳小春
陳小春

香港主題冇香港站?

為咗演唱會又拍新歌〈Don’t Angry〉MV、又拍大批宣傳照,內容都係以首本名曲製作成港式廣告燈牌,奇就奇在演唱會主題同香港息息相關,不過至今都未落實香港站。據知陳小春上一次舉行個人紅館演唱會已經係04年,佢最想就係一個人重踏紅館舞台:「香港同內地都超過十年冇開個人演唱會,小春人氣急升都係因為舊年帶埋Jasper錄影《爸爸去哪兒5》,節目播咗一半已經有老闆同佢傾開巡唱,第一時間已經入埋紙申請紅館場,因為紅館檔要一年前入紙申請,佢一心想攞今年聖誕或者出年新年檔期。」

「可惜小春入咗三次紙都唔批,最後最想要嗰個期仲畀鄭中基同好兄弟伊健攞埋。依家演唱會照開,但係人人問點解冇香港站,佢都唔知點答好!」 小春香港出身,不過就冇香港站,又真係美中不足!

兩兄弟一齊拍戲一齊為新戲《黃金兄弟》宣傳,原來更齊齊爭紅館檔期,結果伊健呢個回合宣告勝利。
鄭伊健有唔少大家耳熟能詳的深情經典,每次開騷都座無虛席,上次個人演唱會已經係六年前。
伊健已落實在明年緊接鄭中基2月農曆年檔開騷。

父憑子貴

去年一個《爸爸去哪兒5》,小春人氣突然靠萌爆Jasper反彈,亦是去年已經被老闆招手籌備開個人演唱會,今年再加碼拍《爸爸6》。

紅館檔期爭崩頭

紅館檔期年頭至年尾都咁渴市,當中亦都以聖誕、跨年同農曆新年呢啲大時大節最受天王天后歡迎,最為搶手。不過,唔係想爭就有,仲要過政府一關,唔少歌手申請紅館檔慘過細路考入名校。由於演唱會賣座總收入 四分一要被紅館抽作場租及雜費,有賣座保證的歌手 如容祖兒、劉德華、鄭秀文、左麟右李,就幾乎逢入紙就批,是黃金檔常客。

一直吼實聖誕跨年檔期的千嬅年年入紙,年年都爭輸,舊年時來運到,全靠劉德華意外墮馬叫停跨年演唱會,才成功攝位,入行23年首次攝得入跨年黃金檔。

家燕姐前年開始入紙紅館申請開演唱會,可惜申請多次都未能如願,今年Captain Nancy終於發力成功,不過都係成功爭取到12月頭兩場咁多。

溫拿五子有號召力,B哥哥一個開騷一樣Fans無數,不過又係因為紅館期難攞,申請十年終獲批。

小春冧爆:老婆喺我心目中係皇后!

最近一集妻子團一齊到奧地利旅行著名景點「茜茜公主」的世界,唔使問,各位妻子們緊係開始扮起公主啦!呢個時候主持人陶晶塋就問各位老公嘅意見,個個都表示老婆係佢地心目中嘅公主。只有陳小春表示應采兒係佢心目中嘅皇后,嘩!冧死人咩山雞哥!身邊啲人聽到都嚇咗嚇,估唔到應采兒喺屋企嘅地位係如此有權有勢。

小春
小春

小春
小春

應采兒更爆料話好多嘅夫妻都唔鐘意父母自由出入自己嘅屋企,但係陳小春卻完全唔介意。正正就係因為咁,小春嘅態度就融化咗岳父岳母嘅心,大受佢哋嘅愛戴。應采兒更表示:「我老公這麼的憤世嫉俗,臉這麼臭,但是他對我爸媽很尊敬的。你知道我爸媽來我們家是自由開門的,其實很多老公是很介意這一點的,我媽媽說沒有。我有一次就展轉問我老公,他覺得沒關係,他是覺得這種事情是OK的,但有些人不行的。」果然小春哥就係零捨唔同,連網民都誇讚佢係新一代好男人代表!

陳小春初次見家長嗌Uncle被叫停

最近一集《妻子的浪漫旅行》,一眾老婆大人就坐喺車入面傾計,而應采兒就被問及做過最瘋狂嘅事係啲咩,點知一向直腸直肚嘅應采兒就大爆當年陳小春初次去其家中拜訪嘅瘀事!

應采兒提起當年,陳小春去到應采兒屋企一見到佢老竇丁漢時,就開口叫其父:「Uncle!」

應采兒老竇竟然話……

結果,立即就被應采兒老竇打住兼話:「別叫我Uncle,我只比你大六歲。」

講完呢句,應采兒自己講完都忍唔住大笑,但車上其他人妻都表現有啲尷尬。

之後,應采兒就繼續講:「我爸之後跟我說:『丁丁,其實呢,你以後甚麼男朋友啦,如果不是很太認真就不要介紹給我了。』」

應采兒老竇更同個女講:「我剛人家相熟,你就跟人家分手,我很尷尬!」由此可見,當時二人的感情並不被應采兒爸爸睇好!

之後,當應采兒決定與陳小春結婚時,佢仲話老竇同咗陳小春講咗句:「保重!」明顯覺得女婿敢娶未定性嘅應采兒係件唔容易嘅事,認真搞笑。

延伸閱讀:

公眾泳池每日有成XX公升尿!菲比斯竟然咁講

關注我們Facebook專頁
    相關新聞
      更多瀏覽