王梓軒為新歌舉行迷你個唱 停車場練歌傳出夜半歌聲
2018年10月19日19:03

王梓軒(Johnathan)日前出席由網上平台JOOX x 誠品書店舉辦的《慢活音樂》活動,吸引近百樂迷出席,Johnathan亦把握機會宣傳最新派台歌《寄居太虛》,更率先試唱第二首派台歌《邊緣引力》。

王梓軒就話近日忙於拍攝TVB劇集《機場特警》,連續數天通宵開工而令到聲音沙亞,幸得歌迷體諒並出席支持:「好開心可以做Live Show,因為好簡單咁唱歌又同Fans傾計,因為近來音樂上演出係少左,加上最新派左新歌,可以睇下佢地反應,今次個騷唱咗好多舊歌,好似我一個音樂回顧。」

王梓軒透露來年是入行十周年,亦計劃舉行演唱會:「出年就係我入行十周年,今次當係試下水溫,睇下歌迷有咩歌想聽咁。我真係有段長時間冇唱歌,因為拍劇時間真係好癲,但為左出年我依家都要頂硬上,加強音樂方面的演出。」

Johnathan就話為準備今次「迷你音樂會」困難重重,犧牲宵夜時間綵排:「我近排又拍緊《機場特警》,又要宣傳《是咁的,法官閣下》新劇,梗本冇時間同琴師綵排,我唯有半夜時間喺TVB停車場練歌,希望夜半歌聲冇嚇親同劇手足啦!」

原文連結:

王梓軒為新歌舉行迷你個唱 停車場練歌傳出夜半歌聲

相關文章:

黃建東拍攝奉旨食野

Stars-HK娛網

本站集中報道娛樂新聞,包括在音樂圈、電影圈、電視圈、劇團裡面,歌手和演員的活動和最新動向等。我們採取「只談專業,不談緋聞」的編審方針,希望帶給讀者清新的體驗。無論是中、港、台、日、韓等地的大明星以至新人的消息,娛網都會悉數報道。我們也會重點發掘未來新星,致力推廣。

關注我們Facebook專頁
    相關新聞
      更多瀏覽