【自助餐我要】金鐘85折蟹主題酒店自助餐 任食花蟹+片皮鴨 +鮑魚花膠
2018年10月18日19:51

金鐘這間酒店最近推出以蟹做主題的自助餐,凍海鮮有鱈場蟹腳、花蟹、加菲蟹等任食,自助餐少見!熱盤還有片皮鴨、皇帝蟹腳天婦羅、花膠和鮑魚等任吃,記住食埋即焗芝士撻和抹茶車輪餅,指定信用卡有85折優惠,即睇詳情!

記者:Joan 攝影:Day

延伸閱讀:

灣仔愛心炸魚薯條!西貢口碑店擴充 創意炸OREO

元朗最新美食合集2018!巨型炸雞髀+濃湯牛肉麵+花膠雞湯翅

金鐘JW萬豪酒店 85折蟹主題自助餐

秋天是吃蟹的季節,作為一個蟹迷當然會想食勻多款蟹,金鐘這間酒店最近亦推出秋蟹自助餐,現場供應多款凍海鮮,有矜貴的鱈場蟹腳、花蟹、加菲蟹,熱盤又有多款以蟹入饌的菜式。Buffet供應至10月尾,蟹迷要衝啊!

凍海鮮共有6款,有4款都是蟹!
鱈場皇帝蟹腳
皇帝蟹腳拆殻後非常粗身!蟹肉鮮甜,啖啖肉口感非常滿足!
自助餐少見有花蟹任食!
肉質結實細嫩,蟹肉味道清甜。
另一少見的任食海鮮 – 加菲蟹!
肉質飽滿鮮甜。
另外也有麵包蟹,每隻蟹膏甚多!
味道甘香綿密,小心食不了口!
同場也有波士頓龍蝦。
龍蝦有手掌大,蝦肉和膏量都頗有份量!
凍蝦肉質也結實彈牙。
總括來說,作為一個蟹迷,淨食凍海鮮都絕對滿足到,而且更有自助餐罕見的花蟹、加菲蟹等,每隻的份量、味道都大份富鮮味,回本必吃!

日式刺身帶子+馬刀貝

日式刺身選擇也甚多,足足有8款,包括三文魚、油甘魚、吞拿魚、八爪魚和甜蝦等,更有少見的帶子和馬刀貝! 刺身即點即切,鮮味十足,值得排一排隊!

刺身即點即切。
刺身有8款選擇,大路的三文魚、油甘魚、吞拿魚都有。
連自助餐少見的帶子、馬刀貝都有供應。

日本皇帝蟹腳天婦羅

除了刺身外,日式天婦羅也是必吃!天婦羅有炸日本皇帝蟹腳,師傅在區內高溫油炸粗身蟹腳,熱辣香口,咬下便是啖啖鮮甜的蟹肉,記住要多吃幾條!

天婦羅有炸日本皇帝蟹腳。
蟹腳肉厚鮮甜,炸起後更是熱辣香口。
同場也有天婦羅軟殻蟹和各款蔬菜。

燒牛肉+羊架+龍躉

雖說是蟹主題,別以為食肉獸來到就會失望!切肉區也有3款選擇,包括燒肉眼扒、香草羊架和龍躉!每款也是即切,記者推介燒龍躉,雖然賣相麻麻,但龍躉外皮帶焦香,咬下肉質Juicy滑嫩,要吃!

切肉區有大嚿肉眼扒。
肉眼扒牛味濃郁,帶有少少脂肪,配上黑椒汁和薯菜,小心別吃太飽!
香草羊架
羊架脂肪較多,肉味不羶帶嚼勁。
別看燒龍躉樣子麻麻,但食落焦香Juicy!

中式燒味:片皮鴨+乳鴿

海鮮和肉類各有花臣,但中式燒味都有驚喜!有片皮鴨、乳鴿和海南雞!片皮鴨隻隻烤得金黃,熱辣出爐,師傅即切,行過都聞到鴨香!

片皮鴨烤得金黃。
外皮香脆,即叫即切。
有師傅代勞包起鴨肉、青瓜、大葱和甜麵醬。
也有其他燒味,竟然有乳鴿!
其他有蜜汁叉燒、海南雞。

更多熱盤:大粒蟹肉雲吞+矜貴鮑魚+花膠

蟹肉雲吞自家包製,非常大粒!
餡料以蟹肉混入原隻蝦肉,非常鮮甜,即叫即煮,都要耐心等等,但真的建議拿一份試試!
避風塘炒蟹
蟹鉗好大隻,蒜蓉香口惹味,這款菜式好受大家歡迎!
焗釀蟹蓋
金銀蒜蒸奄仔蟹
飯底沾上蟹膏,好邪惡!
皇帝蟹肉燴伊麵
伊麵伴着一絲絲蟹肉和蟹膏。
也少不了多款矜貴菜式,燴鮑魚、燴海參隻隻飽滿!
燴花膠
花膠夾起超大片,入味煙韌!
蒸龍躉片
另外也有少量西式熱盤,有香煎鴨胸。
烤貴妃豬
印度區有多款惹味咖喱。
每日會有兩款湯品,記者當日去時有猴頭菇燉豬𦟌湯和冬瓜燉豬𦟌湯。

冷盤+沙律區

冷盤區自成一角,有多款火腿、芝士,靠牆的一邊還有一個沙律櫃,各款新鮮蔬菜可自行配搭。

有意大利火腿、煙燻黑森林火腿、沙樂美腸和意式肉腸。
芝士也有布里、車打等選擇。
靠牆的一邊還有一個沙律櫃,有多款蔬菜,食得㗎!別以為是裝飾!
當然也有預拌好的沙律。

甜品:即製抹茶紅豆車輪餅+芝士撻

熱盤如此豐富,但是也不要吃太撐!因為甜品也同樣精彩!除了有賣相精緻的蛋糕和甜點外,要試試密密出爐的抹茶紅豆車輪餅,甘香抹茶車餡餅包着紅豆粒,微甜飽肚,食一個夠啦!另外也有分三輪出爐的芝士撻,香脆曲奇撻皮配上濃郁熱辣的芝士餡,難抵誘惑!

甜品區也有多款糕餅!
抹茶紅豆車輪餅,師傅在旁密密製作,趁熱食!
抹茶車餡餅包着粒粒紅豆餡,甘香微甜。
芝士撻分三輪出爐,包保熱辣香口!不過小心辣咀!
當然少不雪糕!雪糕櫃內整齊排列各款Häagen-Daz雪糕,別錯過啊!
有4款Häagen-Dazs雪糕,包括雲呢嗱、朱古力、士多啤梨和曲奇。
士多啤梨忌廉蛋糕
朱古力ganache蛋糕
紅桑子玫瑰蛋糕
格子朱古力蛋糕
糖漬菠蘿
還有多款一口甜點,罪惡感較低呢~
切件水果整齊排在雪糕櫃旁,可解解膩。
環境清靜舒適。
JW咖啡室

JW咖啡室

地址:金鐘道88號太古廣場香港JW萬豪酒店5樓(顯示地圖

電話:2810 8366

JW咖啡室10月秋蟹盛宴自助晚餐

供應時間:即日起至10月31日 每晚6pm-10pm

價錢:星期一至四:成人$758、小童$568;

星期五、六、日及假期:成人$818、小童$608

備註:

1)另收加一。

2)以指定恆生信用卡惠顧晚市自助餐,2至5位可享85折優惠、6至10位可享8折優惠。

(優惠只適用於特選恒生信用卡客戶。特選恒生信用卡包括恒生Visa Infinite卡、優越理財World Mastercard®、World Mastercard、香港賽馬會會員卡(萬事達卡白金卡及金卡)、競駿會會員卡、白金卡、人民幣白金卡、聯營白金卡、聯營白金消費卡、商務卡、銀聯人民幣鑽石商務卡及公司卡,其他詳情按此。)

3)以指定匯豐、DBS、中銀信用卡惠顧晚市自助餐,2至5位可享9折優惠、6至10位可享85折優惠

(匯豐信用卡:卓越理財信用卡及白金卡或以上)

(DBS信用卡:白金卡、黑卡、Eminent Card、COMPASS VISA)

(中銀信用卡:BOC Visa Infinite, Diamond Card, Visa Signature, World MasterCard, Platinum and Commercial Card)

【邊間最好食】TOP7 酸菜魚!本地名店勝美版太二廚十三 川菜館大比拼|記者試食|

口臭成因解構!中醫師推介8款解決口氣食物|食是食非

延伸閱讀:

張敬軒仙后餐廳推皇后首飾盒下午茶!絕美首飾盒珠鍊|灣仔法國菜JUNON

關注我們Facebook專頁
    相關新聞
      更多瀏覽