又係因為羅天宇?湯洛雯發憂鬱相:「愛累了,就放手。」
2018年10月15日17:18

藝人湯洛雯(靚湯)之前同羅天宇拍拖四年,不過喺2017年年尾分手,雖然講到再見亦是朋友,但係靚湯似乎仲未放低喎!近日就喺Instagram post咗張憂鬱相兼寫咗幾個字,唔通同羅天宇發生咗啲咩事?

撰文:東方新地 |圖片:Instagram、新傳媒圖片庫

延伸閱讀:

究竟馬神演過幾多次警察?盤點10個馬德鐘經典專業人士角色

李蘊:「我都係唔會放棄餵人奶!」 自揭胸有硬塊兼發低燒

湯洛雯發憂鬱相:「愛累了,就放手。」

靚湯之前出席羅天宇生日派對,近日就Post咗張相,相入面嘅佢眼神帶點憂鬱,仲寫:「愛累了,就放手,人累了,就休息,心累了,就淡然。」令到唔少網民都擔心佢,問佢咩事啊!仲有人即刻留言:馬子仁sad(馬子仁係羅天宇喺《愛回家》嘅角色名)。

羅天宇生日 湯洛雯居然企呢度…

仲記得上年靚湯同羅天宇仍打得火熱,而佢當時喺男友生日會上送上Birthday Kiss,不過羅天宇今年生日會上,二人已經分咗手!話雖如此,佢哋話當日係因了解而分開,再見亦是朋友,所以喺羅天宇生日派對上,ex湯洛雯都有大方出現,而且大合照仲企喺羅天宇身後!

羅天宇
羅天宇
除咗羅天宇同前度湯洛雯呢一pair,緋聞情侶劉佩玥同男友周志文亦有出席!

而溫家偉亦有甫出錫錫Joey塊面嘅相,並留言:「Love u brother!happy birthday!(生日快樂,愛你兄弟!)」網民都話靚湯都有現身,係咁問佢哋係咪有機會復合,仲搞笑話今年雖然冇靚湯送吻,但有好兄弟送吻都好過冇啦~

湯洛雯與羅天宇分手

原來表面上一直好sweet的湯洛雯同羅天宇分手,羅天宇接受傳媒訪問時表示兩人係和平分手,分開後仍然有繼續聯絡同關心對方,希望大家俾啲空間佢哋。

傳羅天宇火速撻著陳瀅

雖然有指湯洛雯同羅天宇半年內無數次合合分分,經常嗌交,所以最終決定分開。不過事情似乎唔係咁簡單,因為據知有樣(ok啦)有家底的羅天宇,畀鍾意同有錢人做朋友的陳瀅睇中,兩個人行得好埋,成日見面,唔知係咩關係啦!

陳瀅之前喺大排檔拍「挑戰發呆1分鐘」影片時,據知唔少人都見到羅天宇亦在場,新歡舊愛都係粉絲萬千的靚爆女神,羅天宇真係唔簡單呀!羅天宇亦有對此回應,稱其實當日係一班人食飯,仲話唔好意思累咗陳瀅喎…

講返陳瀅,唔少人覺得佢靚女得嚟又唔係一般大眾臉,反而有一種奸奸哋、姣姣哋嘅感覺,更令人欲罷不能;另外身材好得嚟又唔係四肢勁纖細,而係較圓潤、有肉地,正呀!

羅天宇被指與陳瀅暗撻半年

羅天宇被爆出已火速撻著另一大台小花陳瀅,之後再有周刊爆指他與陳瀅已經暗撻半年,計落就與他分手再撻著陳瀅的時間幾吻合!

View this post on Instagram

Happybirthday to @irish.toffee

A post shared by Joey Law 羅天宇 (@lawjoey) on Aug 22, 2018 at 4:19am PDT

羅天宇與陳瀅有份拍攝新劇《跳躍生命線》,日對夜對地拍劇,難道真的對出真感情?不過,二人就算一齊合照,都搵個中間人何廣沛隔住,會否無私顯見私呢?

睇落三人非常老友,不時合照留念,大家笑得幾開心!

前後腳入場睇戲

又有周刊除指羅天宇與陳瀅已暗撻半年外,更指日前二人相約周志文同劉佩玥一共四個人,個個前後腳入場睇戲,陳瀅更提早半個鐘離場!

View this post on Instagram

🧞‍♂️

A post shared by Jeannie ♚ 陳瀅 (@missjni) on Aug 18, 2018 at 3:06am PDT

男方親身咁回應

為求事實的真相,今日就有傳媒親身向羅天宇求証傳聞與陳瀅拍拖一事,而他回應表示不是與女方拍拖,但強調自己目前單身!

內地綜藝實施「限薪令」 舒淇、趙薇被勒令退回共8000萬

網民:求編劇幫佢加多啲戲份!《跳躍生命線》最受歡迎女角色原來係…

《衝上雲霄》又翻拍?傳呢幾位內地明星擔正 香港代表得返吳鎮宇坐鎮

NM

延伸閱讀:

周潤發豪捐14億身家做善事 遭網民質疑純為逃稅

關注我們Facebook專頁
    相關新聞
      更多瀏覽