冷戰半年釀婚變!郭晉安馴服虎媽歐倩怡
2018年10月15日18:36

三屆無綫視帝郭晉安,同老婆歐倩怡結婚12年堪稱圈中模 範夫妻,加上育有一對乖巧寶貝仔女, 53歲的安仔可謂人生勝利 組;但原來風光背後,郭晉安婚姻不是無風無浪,曾因拍劇而抑鬱的他,同老婆試過冷戰半年險離婚,加上兩公婆為仔女升學問 題意見分歧,虎媽慈父經常嘈交,幸好,最終歐倩怡被老公隨遇 而安性格馴服,唔再堅持催谷仔女做資優生,為減輕仔女功課壓 力,今年更幫兒子令山轉校,同細女以雅一齊升讀國際學校。夫 妻同心衝破困難,12年婚姻亦更堅固!

撰文:東方新地 圖片:新傳媒圖片

延伸閱讀:

狂迷:賤人!唔好扮無辜!周渝民瘋狂粉絲無間斷留言攻擊太太

網民:萬聖節提早咗咩?「千年一遇美女」橋本環奈發福走晒樣

冷戰半年釀婚變!郭晉安 馴服虎媽歐倩怡

38歲歐倩怡06年嫁郭晉安做全職家庭主婦相夫教子,即使淡出娛樂圈,但多年來仍好 學不倦,婚後開始修讀營養學的她,一讀12年,現在已經是營養學學士,除考埋市場管理 文憑,又考獲船牌,在香港亦已經完成航空理論課程,有計劃到澳洲學揸小型飛機,目標 是做有機師牌的營養師。

日前,郭晉安夫婦撇下一對仔女外出拍拖,兩公婆買完嘢,行去攞車期間有說有笑,全程表現恩愛。

歐倩怡企在一旁,等老公先放好嘢入車尾箱,然後一齊上車回家,非常有默契。

望子成龍

個人進修無止境,歐倩怡連教育下一代亦非常進取,為谷個仔入名校變資優兒 童,兒子令山未上小學,已經狂谷個仔上「雞精班」補習,英文、畫畫、拼音課堂多不勝 數,兒子日日埋頭做功課已冇多餘時間玩樂。據知情者透露:「Cindy想感染仔女同樣咁好 學,個仔升小一佢好緊張,報咗多間學校大包圍,又怕輸喺起跑線,狂谷個仔上『雞精 班』,好彩令山亦不負所望,成功考到佢心目中嘅理想名校(保良局蔡繼有小學),不過呢 間學校功課好多,佢又驚個仔跟唔上,安排好多補習班,變咗大人細路壓力都大!」

出名愛錫仔女的郭晉安,日前就親自駕車送仔女返學,當日 單拖做湊仔公的他,還細心幫七歲女兒孭好書包,而十歲兒 子令山則好獨立,完全不用爸爸操心。

分辨是非黑白

虎媽歐倩怡亦因此同拒做嚴父的安仔,經常為教仔女意見分歧。據知情者透露:「安 仔中五畢業就入娛樂圈,佢覺得成績唔代表一切,因為自己都經歷過為咗讀書搞到壓力好 大,佢唔想個仔讀死書,同Cindy嘈過好多次,見到個仔功課愈嚟愈多好辛苦,Cindy亦放 低唔再執著,上年兩公婆更決定幫令山轉校,轉咗去同細女一齊升讀國際學校,見到仔女 啲功課輕鬆咗!有番小朋友應有嘅生活,安仔終於放心!」

唔想兒子應付繁重功課壓力, 郭晉安夫婦今年幫兒子令山轉校,棄讀 名校保良局蔡繼有小學,轉到現時就讀的宣道國際學校,兄妹讀埋同 一間學校可以互相照應,功課亦冇以前咁繁多。

要仔女讀死書,安仔教導仔女亦有他的正面見解。據知情者透露:「安仔同一對仔 女乜都會傾,唔會衰嘢就避咗唔講,反而會教仔女分辨黑白是非,甚至會不避嫌教個仔認 知中英文粗口,但講明呢啲粗口係冇禮貌唔可以講,佢又會訓練個仔獨立,試過要個仔自 己搭巴士返學,自己就匿喺後面跟實個仔監察,佢好用心教導仔女,絕對係個廿四孝爸爸。」

可能仲係開學初期,七歲女兒未完全習慣環境,入 學校前仲要嗲一下爸爸,郭晉安亦表現得好唔捨 得,摸著女兒下巴又烏低身錫錫囡囡安撫!

長期匿喺房

婚後零緋聞愛家庭的郭晉安,原來都有過婚姻危機。16年安仔拍攝劇集《致命復 活》,演失蹤被困深山十年的野人,為復仇走火入魔的悲劇角色,郭晉安就一度陷入抑鬱 局面。知情者謂:「嗰時佢拍劇要長期令自己處於悲傷孤獨嘅狀態,搞到成個人變得好沉鬱,返到屋企就匿喺房裡面,同老婆仔女完全冇傾偈,Cindy知佢為演呢個 角色好大壓力,亦唔敢打擾佢,慢慢大家就變咗冇話題冇溝通,冷戰期長達 半年,瀕臨離婚!好彩後尾安仔努力同老婆修補關係,依家佢同Cindy會傾 工作同仔女嘢無所不談,感情愈嚟愈好!」

郭晉安
郭晉安
拍《致命復活》演被朋友出賣,失蹤 十 年被困 深山的野人,令郭晉安陷入長期情緒抑 鬱,同老婆冷戰半年幾乎導致離婚,幸好及 時醒覺挽救婚姻!現在已經雨過天晴,夫妻 感情亦更穩固!
郭晉安
郭晉安
上年,郭晉安同老婆歐倩怡,拍拖去捧子華與法拉舞台劇場。

手揸過億物業

婚姻度過難關,事業亦有新方向,郭晉安今年初離開無綫外闖,入行 三十三年手揸過億物業,養妻活兒下半世無憂。知情人謂:「安仔喺呢行有 過低潮,佢明白要積穀防饑,所以一有錢就會買磚頭保值,咁多年佢買落唔 少物業,除咗住緊嘅匡湖居,又有唔少商廈單位喺手,物業市值已過億,雖 然啲物業將來都係會留畀仔女,為仔女一早鋪好晒路,但佢唔想個仔太倚 賴,成日會同令山講,自己係基督徒,將來乜嘢都要畀番天父,要個仔努力 讀書,自己嘅將來靠自己創造,難得令山好生性,好明白爸爸嘅意思。」

郭晉安
郭晉安
郭晉安成功馴服虎媽歐倩怡,兩公婆對仔女教育睇法終於一致!

只要不用開工,郭晉安都會幫手湊仔,日前他就親自揸車送仔女返 學,當日單拖做湊仔公的他,去到學校門口即細心幫七歲女兒孭好書包,十 歲大仔令山就非常獨立,自己攞書包唔使爸爸幫手,女兒入學校前仲狂嗲爸爸,郭晉安就摸住個女下巴氹她,又冧爆烏低身錫錫女兒,見女兒同同學仔 拖手入學校,郭晉安才安心揸車離開!

郭晉安
郭晉安
慈父郭晉安教育下一代採取開放態度,拍劇再忙都會爭取時間陪仔女,日前就見他一個人帶住仔女外出買雞蛋仔,認真廿四孝!

郭晉安企喺街忙講電話,七歲的以雅性格活潑不 時手舞足蹈,同內斂的令山性格啱啱相反!

讀營養學的歐倩怡,平日甚少畀仔女吃零食,呢日郭晉安陪仔女買小食,都揀健康的雞蛋仔!

郭晉安
郭晉安

同仔女鬥讀書

即使升呢做咗人妻人母,歐倩怡仍好學不倦,06年開始修讀營養學的她,已經是中大營養學 學士,又考獲市場管理文憑、航空理論課程及船 牌,一有時間又學打鼓跳舞,更計劃到澳洲學揸小 型飛機,擁有驚人奮鬥心!

歐倩怡認真博學,學術範疇更非常廣泛,除咗修讀營養學計劃做營 養師,14年更高分考獲船牌。她透露老公郭晉安亦曾試過考船牌, 不過考試肥佬,難怪歐倩怡坦言學揸船是圓了老公的心願。

歐倩怡仲好有藝術修養,曾經日日去學打鼓及學跳舞,睇嚟如果小 丸子復出再唱歌,應該會係實力派歌手!

三屆視帝

效力無綫三十年拍過唔少大熱劇集的郭晉安,03年憑 《戇夫成龍》爆紅更先後做咗無綫三屆視帝成績超 然,直至上年離巢過檔王祖藍邵氏兄弟旗下。

忠奸都好戲

紅足三十年的郭晉 安,忠奸都咁好 戲,在《再創世紀》 演奸到入心的賀天 生後,早前拍《白色強人》又做回善 良好醫生。

吳嘉龍被女家嫌冇車冇樓?吳耀漢 寸爆親家拜金

揭《大帥哥》變倉底貨死因 張衞健蝕住回巢 淪為炮灰

網傳兩粒鐘豪使10萬?12歲李嫣帶閨蜜名店掃貨 王菲埋單

分手變離婚!江美儀、吳君祥 驚爆06年美國秘婚

愛妻號啟航 陳奕迅陪徐濠縈潮玩水

《鬼怪》、《繼承者們》都不是第一?!節目公布最佳韓國電視劇前五名

女神封盤!江嘉敏認戀電競公司高層 男友大起底

狠飛羅鈞滿找到Mr. Right!張文采嫁消防員 前主播送出嫁

【延禧攻略】原班人馬開新劇!《皓鑭傳》邊個冇得留低?

延伸閱讀:

【跳躍生命線】長腿女神張曦雯 呢7位男藝人先襯到佢?

關注我們Facebook專頁
    相關新聞
      更多瀏覽