重溫52歲郭富城90年代型仔相 造型走在潮流尖端!
2018年10月14日15:00

最近兩大影帝周潤發、郭富城(城城) 喺犯罪電影《 無雙 》大鬥演技,迸發無比戲味!趁勢搜羅四大天王之一,現年52歲嘅郭富城九十年代圖片,廿零三十歲嘅城城,靚仔有型到無得頂!

撰文:東方新地-卓琦|圖片:東方新地

延伸閱讀:

冷戰半年釀婚變!郭晉安 馴服虎媽歐倩怡

【多功能老婆】中環拍煞科!楊千嬅 周柏豪 終極劇透

92年 雪中感嘆「酷」

90年未滿25歲嘅郭富城喺台灣憑一個廣告迷倒無數台灣少女,同年9月推 出首張國語碟大賣,92年更推出以冬天為主題嘅台版寫真集《相約在冬季 》,呢張相城城頭身鋪晒雪,呢個回眸又酷又迷人眼神,當年不知有幾多少女畀佢迷倒!

郭富城
郭富城

92年 四大天王之一

郭富城92年以歌星身份回流香港,首張粵語碟全城大賣,屢奪音樂獎項下,同張學友、劉德華,黎明被封「四大天 王 」,相中嘅城城合眼自摸胸,加上衣不稱身同怪色牛仔褲,古怪又搞笑。

郭富城
郭富城

93年 溫柔撚雀

郭富城93年登上某偶像雙周刊封 面人物,並影咗輯顏色對比強烈嘅靚相,成個白馬王子嘅城城好似馴獸師咁,兩隻綠色彩鳳全程當佢係主人咁黐到實寸步不離。

94年 歌影雙棲紅人

94年成為某電影雜誌封面人物嘅郭富城,影壇樂壇成績亮麗,相中擺出十指交叉放胸口嘅手勢,畀人一副自信心十足嘅感覺。

94年 控凳仔起勢舞

郭富城跳舞勁係人都知,替無綫影嘅呢輯靚相之中,城城著上福爾摩斯款外套配畫家帽,拎起張古董式木凳好似想同佢共舞咁款。

94年 四眼文青look

郭富城激罕以四眼 look 示人,呢張替某電視周刊影嘅戶外靚相,罕有以四眼仔造型示人,戴上粗黑框眼鏡,充滿溫文爾雅感覺。

94年 紅館個唱扮MJ

94年郭富城粵語碟《 狂野之城 》狂賣十一萬張,從曲風到形象都銳意求變,同年首次喺紅館舉行十六場狂野誘惑演唱會,城城更以偶像Michael Jackson裝束喺台上又唱又跳。

95年 潮戴阿婆頭箍

六四分界一直係郭富城嘅標誌招牌髮型,但驚 fans睇厭睇悶,呢次大玩阿婆頭箍髮型,唔老氣之餘反而覺得好 潮。

95年 大變髮飛機頭

除阿婆頭箍髮型,郭富城放膽嚟個大變髮,呢個髮尾飛起嘅髮型,當年潮流興起,不少女藝人追捧,但城城就係極少的男藝人玩呢款髮型,一樣潮得起。

96年 油光滑蛋撻頭

96年郭富城呢個滑到反光嘅蛋撻頭,gel到實一實八號風球都吹唔散,好在佢笑容燦爛,如果唔係就似人工智能機械人。

97年 至yeah洋蔥頭

郭富城髮型愈玩愈放,97年更梳咗個洋葱頭,頭髮尖豎向頂加副型格黑超,極具cyber feel,一度帶起熱潮。

周潤發、郭富城《寒戰2》後再次合作!

偽鈔畫師李問 (郭富城 飾)在泰國失手被擒,香港警方引渡回港。律政司檢控前,國寶級畫家阮文(張靜初 飾)前來保釋,雙方達成協議。只要李問供出偽鈔集團主腦「畫家」(周潤發 飾)真正身份,便轉為污點證人,李問無奈作證。

《無雙》是一套犯罪電影,講述庸碌潦倒的李問,在人生低潮中遇上伯樂-「畫家」,說服李問加入偽鈔集團,將他的臨摹技術發揮得淋漓盡致,找到自己的舞台,成為主角。

電影由《無間道》《竊聽風雲》黃金班底莊文強及麥兆輝創作,前者擔任編劇及導演,後者則任藝術總監,最具觸目的,是兩大金像影帝周潤發與郭富城(城城)同場飆戲,合演者尚有張靜初、廖啟智、周家怡、張松枝、張建聲、孫佳君、吳嘉龍。

電影橫跨加拿大、泰國及香港拍攝,編劇及導演莊文強再現香港警匪動作片特色,是當下電影題材極少涉及的一次嘗試!

故事由郭富城飾演的偽鈔畫師在泰國失手被擒引渡回港開始,此時由張靜初演的國寶級後現代主義畫家保釋他,警方要城城轉做污點證人,供出由周潤發演的偽鈔集團主腦「畫家」真正身份及行蹤,城城從而娓娓道來如何被周潤發招攬加入的經過,甚至他與張靜初的真正關係。電影中展現了極少見的偽鈔製作過程,如畫稿、製版到印製等等的程式,都一一展現到觀眾眼前。

偽鈔製作過程全公開

影片鉅細無遺地呈現製作偽鈔所遇到的難題、複雜高難度的技術、繁複的印製過程,如繪圖、製電版、無酸紙、變色油墨、浮水印、摩爾紋等,看罷猶如上了一課通識堂。擅長畫複製畫的郭富城,答應發哥的要求加盟偽鈔集團,城城一筆一筆咁畫稿去複製美金的母版。

在1分15秒的電影預告中,大家可以搶先睇吓整個製作偽鈔過程。

鏡頭一轉,之後步驟係做電版,然後造浮水印,最後就是印製!

當中亦介紹了兩個道具,包括變色油墨及無酸紙。

影片除呈現人性的命運與悲劇外,末段導演莊文強更大玩扭橋騙觀眾,絶對出人意表,完全配合影片真與假的主題!而周潤發也在電影中爆金句,一開頭已表明︰「任何事做到極致就是藝術」當完成「有心,假貨都可以做得比真貨好!」

重現《英雄本色》Mark哥銀紙點煙

發哥在《無雙》都有不少型爆動作場口,而呢個太陽眼鏡、長身乾濕外套及戴黑色手套造型,加埋用銀紙點煙,相信唔少人都諗起佢喺86年由吳宇森執導的經典電影《英雄本色》,飾演Mark哥都有用銀紙點煙嘅型爆動作!

86年由吳宇森執導的經典電影《英雄本色》,由發哥飾演的Mark哥,其中一幕用美金點煙都好經典!

導演:莊文強

主演:周潤發、郭富城、張靜初、廖啟智、王耀慶

級別:IIB

上映日期:10月4日

延伸閱讀:

直撃女神慳家大法!劉心悠 貼地改衫

關注我們Facebook專頁
    相關新聞
      更多瀏覽