網民呻睇唔明茶餐廳手寫餐牌 揭潦草字跡有原因!
2018年10月12日19:55

最近,有巴打喺討論區發貼文指喺筲箕灣工作時,見到一間茶餐廳外嘅手寫餐牌寫得非常潦草,當中仲夾雜繁體、簡體中文字、同音字及甚至混有英文,睇到一頭霧水!不過,原來潦草字跡背後大有原因!

撰文:東方新地|圖片:網上討論區

延伸閱讀:

【有圖慎入】網民:真係唔好同港女去旅行! 巴打大呻家姐搞到個廁所…..

野蠻港媽踩場鬧爆糖果店老細 「老細」一句霸氣擊退對方!

網民呻睇唔明茶餐廳手寫餐牌

最近,有巴打喺討論區以「其實有無人睇得明個餐牌叫飯」為題發貼文,指自己留意咗間餐廳個餐牌好耐,仲特登影咗手寫餐牌上載到討論區同網民一齊玩競猜遊戲!

茶餐廳
茶餐廳

茶餐廳
茶餐廳
芽菜炒三絲寫到變咗「牙才炒三C」!

睇啲字,的確唔俾啲腦力都可能理解唔到係啲咩字…相信唔少食客都要睇一睇、諗一諗!

有網友就耐心同大家拆解每個餐係寫梗啲咩。

有網友就笑稱負責寫餐牌嘅伙記係咪好憎個老細!

揭潦草字跡有原因

雖然唔少人都可能第一眼望個餐牌都未必會睇得明啲字,不過事後該茶餐廳負責人就表示寫餐牌嘅係一位已退休、正領取生果金的熟客伯伯,由於伯伯以前曾做過食肆樓面,故安排佢負責寫餐牌「過吓細藝」,因手震而寫得比較潦草。

教你5個鮮為人知茶餐廳術語!

1. 「攬住夏惠姨」

攬住夏惠姨咁過癮?原來「攬住」即係蛋治,好明顯係因為兩者讀音相近,連聲調都完全一樣,都幾易明啦!

茶餐廳術語
茶餐廳術語
茶餐廳術語
茶餐廳術語

夏惠姨等於西多士?

不過點解「夏惠姨」等於西多士啊?夏惠姨關西多士咩事啊?平時食西多士用緊要就係淋糖膠或者糖漿,不時喺《學是學非》亮相的搞鬼中文阿Sir就解釋,因為夏惠姨曾經同已故藝人林蛟叔有段情,所以「淋膠」(林蛟同音)代表西多士,就等於夏惠姨啦。

茶餐廳術語
茶餐廳術語

2. 「肥妹咪嘔住」

呢個又點解啊?「肥妹」原來即係朱古力,原因係飲得多朱古力就實會變「肥妹」。

「咪嘔住」即係腿牛治,原因係牛治嘅諧音係「嘔住」,哦⋯⋯ 真係學到嘢啦!

茶餐廳術語
茶餐廳術語

3. 數字之謎

另外,茶餐廳講效率,所以伙記落單都要快,所以茶餐廳術語中仲有一大堆數字。究竟「29」、「206」、「306」又係點解呢?

茶餐廳術語
茶餐廳術語

「2」咁簡單相信大家都一定知係熱啦,「9」嘅英文係Nine,咁29即係熱奶啦,206即係熱檸樂,而306即係檸檬可樂加薑。

茶餐廳術語
茶餐廳術語

4.「敗家仔」

茶餐廳術語好多時都係同時代掛鉤,「敗家仔」呢個隱世術語你又估唔估到係咩呢?畀5秒時間你諗!

螢茶餐廳術語
螢茶餐廳術語

好,開估,敗家仔即係阿華田,原因係以前嗰個年代,要有田有地先有資本敗家,所以華田嘅暗號就係敗家仔!

茶餐廳術語
茶餐廳術語

5.「制水」

最後一個「制水」你又估唔估到係咩呢?!原來因為以前香港成日制水,所以當年將其中一道菜改名做「制水」。

茶餐廳術語
茶餐廳術語

呢個打大佬術語「制水」諗唔到啦呱!答案係 乾炒牛河,因為係乾炒,唔使用水都煮到!

茶餐廳術語
茶餐廳術語

學咗以上幾個茶餐廳術語,下次去茶餐廳就可以講暗號啦!

延伸閱讀:

網民:同佢一齊玩真係好羞家! 哈囉喂扮鬼員工呻見盡劣質港人行為

關注我們Facebook專頁
    相關新聞
      更多瀏覽