野蠻港媽踩場鬧爆糖果店老細 網民:「依家生仔真係要考牌」
2018年10月12日16:05

小朋友喜歡吃糖果大概是無一例外。家長為了孩子健康著想,都會讓孩子「適量食糖」避免攝取過量糖份。不過,有糖果店老闆近日向Facebook專頁「西客之道」投稿,指遇到一名怪獸家長的無理投訴,該家長斥店內糖果「冇蔬果味」,並質疑「我個仔點可以吸收到營養啊?你知唔知佢會食壞肚架!」。帖文引發熱論,有網民更留言「食糖仲要講營養?糖唔營養係常識吧!」

撰文:C | 圖片:Thinkstock

延伸閱讀:

8個月大BB常被捏面 引皮膚紅腫發炎變濕疹

【中秋親子好去處】穿梭3D月光隧道 必玩3大打卡位

野蠻港媽踩場鬧爆糖果店老細 網民:「依家生仔真係要考牌」

有糖果店老闆近日投稿至Facebook專頁「西客之道」,指早前遇到一位媽媽火爆闖入糖果店踩長。一甫入店即大呼「叫你老細出嚟」,並向店員投訴「上次我個仔幫襯你哋,夾咗袋糖,但全部都係糖,綠色嗰啲又無蔬果味,我個仔點可以吸收到營養啊?你知唔知佢會食壞肚架!」

圖片由西客之道HIspitality Secret授權轉載

嘗試解釋:「其實糖果唔係蔬果」

面對「無理」投訴,樓主唯有無奈地嘗試解釋,「綠色糖其實有好多款,但主要都係糖果而唔係蔬果,不如試下俾多啲菜同生果小朋友食?」聞言,港媽突然發難,拍枱大罵「你咩態度啊?我點湊仔唔使你教,你叫你老細畀個交代嚟!」

圖片由西客之道HIspitality Secret授權轉載

樓主見狀只好致電另一名同事,並在店內用擴音通話,對方得悉事件後,亦忍不住大罵該怪獸家長,「喂你老x呀!你估我好得閒啊,你個仔唔食菜關我X事……你點做人老母啊你,寧願畀糖自己個仔食都唔買菜,知唔知個醜字點寫啊?」對方更乾淨利落地收線,絲毫不留面子給這種「無理」客人。

措手不及的港媽自知無理,但拒不認輸,繼續死撐怒斥「cut我線?你老細係咪開門做生意啊?咁都唔識應對」

一句話擊退怪獸家長

惟樓主一句「我老細係就係開門做生意,但明顯係唔做你生意囉」終令港媽「面子」不保,最後在一眾客人的目光下「歡送」離場。

圖片由西客之道HIspitality Secret授權轉載

店遇「無理」客人絕非偶然

樓主更指,店內常有小客人「玩糖」(即係夾完唔買),更指上述港媽的小孩亦曾到店內「玩糖」。儘管家長在場,亦不自覺阻攔、制止小孩這些「無素質」行為。為了防止此類情況樓主唯有在糖果櫃貼上 告示牌:「糖果櫃內糖果,一經夾出,視為購買」

圖片由西客之道HIspitality Secret授權轉載

網民斥:「依家生仔真係要考牌」

這則帖文隨即引起網民熱議,有人揶揄「長知識鳥,食糖吸收營養」、「依家先知夾夾下糖都可以夾到蔬果」、「蔬菜味糖就真係用蔬菜做嘅咩…豬豬」。

另有網民留言「食糖仲要講營養?咁不如唔好食啦!另外,真心覺得個老細罵得好!」、「真係好痴線!想食菜就買菜啦!買乜X嘢糖呀!」、「去夾糖店想夾菜呀」。

有網民批評,「香港生仔真係要考牌,佢都痴(黐)線嘅。食綠色嘅糖點會有蔬菜味啊?」

延伸閱讀:

荃灣體育館下月11日啟用 全港18區免費室內兒童遊戲室一覽

關注我們Facebook專頁
    相關新聞
      更多瀏覽