【激到嘔血】智鬥5歲細女完敗 陸永嫂:「我應該點畀反應」
2018年10月12日20:43

陸永與太太Reina的一對寶貝女陸一穎(Hannah)和陸一心(Simsim)個性活潑可愛,深受網民喜愛。細女SimSim不時大爆金句,Reina少啲耐力都會被佢激到「嘔血」。昨日,Reina在社交網台上載了一張照片,相中Simsim喺露台「披頭散髮」咬住蘋果,期間Reina勸囡囡「你可唔可以去夾返好啲頭髮呀?」,Simsim一句神回覆「應到行」,Reina無奈留言:「real到你嬲」。

撰文:C | 圖片:missussixIG

延伸閱讀:

8個月大BB常被捏面 引皮膚紅腫發炎變濕疹

荃灣體育館下月11日啟用 全港18區免費室內兒童遊戲室一覽

【激到嘔血】智鬥5歲細女完敗 陸永嫂:「我應該點畀反應」

Reina在社交網台上載了一張照片,相中Simsim喺露台「披頭散髮」咬住蘋果,期間Reina勸囡囡「你可唔可以去夾返好啲頭髮呀?」,Simsim一句神回覆「應到媽媽行」,佢話:「我依家唔係做正經嘢,唔想扮正經囉⋯⋯」Reina無奈留言:「real到你嬲」。

網民笑言Simsim係「人生哲學家」

對著小小金句王Simsim,網民隨即紛紛留言:「好正 美貌與智慧並重」、「佢又好似有啲道理」,更有網民封佢為「人生哲學家」,追問「Sim sim幾時出書呀」

View this post on Instagram

無限表情放送…

A post shared by MISSUS 6 (@missussix) on May 2, 2018 at 9:10am PDT

陸永嫂勸女食蘋果 網民:完美演繹「死妹丁」

隨後,Reina又上載了一段短片,片中細女Simsim認真做勞作,Reina期間叫她「快啲食個蘋果啦」,一心做勞作的Simsim當場拒絕:「唔想呀」。Reina繼續耐心勸囡囡,試用「唔食就畀蟻蟻食」,Simsim竟回覆:「蟻蟻你食吖食吖食吖…」,更作勢擺蘋果落地。

Reina:“陸一SIM呀!”

Simsim:“吓?”

Reina:“你快D食個蘋果啦…”

Simsim:“唔想呀…”

Reina:“蟻蟻食㗎喇咁樣…”

Simsim:“AIYA…蟻蟻你食丫食丫食丫…擺落地下…”

#我應該點畀反應

#佢唔問返我佢係咪好有愛心我做咩要投降

網民又在紛紛留言大讚Simsim:「好可愛」、「搞笑」、「真係遺傳晒陸生」。

天賦異能?靠運攞劍撃比賽第二名

「幾日前學校問ah Sim有冇興趣參加劍撃比賽…「吓?佢冇學過㗎喎…」就咁佢就喺學校學咗幾日,話佢靠運攞咗個第二名都唔過份丫。#你好嘢 #學幾日攞到第二名他日必成大器 #冠軍真係有姿勢有實際㗎」

【甜到漏】 陸永送超貼心生日禮物 太太被封「最幸福人妻」

昨日係陸永太太Reina個生日,佢就喺Instagram晒出老公送的生日禮物,並冧爆咁話:「從來未收過咁sweet 嘅生日禮物!」隨即一眾網友大直呼:「好甜!」、「甜到漏!」,仲被一眾網友封為「最幸福人妻」。

究竟「愛妻號」陸永送咗咩貼心禮物令老婆咁感動?之前見陸永成日有老婆接送,原來陸永一直唔識揸車唯有依賴老婆。今次老婆生日陸永就鼓起勇氣送驚喜:「日日見你咁頻撲,好攰好眼瞓,想幫輕下你又無能為力,所以鼓起勇氣去學揸車!」

除咗去揸車,陸永買咗部相機幫屋企三位「少女」留下美好回憶,「老婆,你講得啱,我係應該幫你同兩個女影多啲見得人嘅相,所以我買咗部相機報埋個攝影班!」真係Sweet到爆呀!

從來未收過咁sweet 嘅生日禮物!「老婆,你講得啱,我係應該幫你同兩個女影多啲見得人嘅相,所以我買咗部相機報埋個攝影班!」「日日見你咁頻撲,好攰好眼瞓,想幫輕下你又無能為力,所以鼓起勇氣去學揸車!」好貼心嘅生日禮物,多謝陸生!

陸永 5 歲細女做捧場王 網民:「老竇跟阿女學嘢啦!」

陸永日前在 IG 上載一條細女 Simsim 聞歌起舞的短片,片中 年僅5歲的Simsim 聽住爸爸的新歌,好有節奏咁興奮熱舞,不少網民大讚她非常有天份,紛紛留言:「SIM真係表演能力極強」、「點解個 groove 可以咁襯」、「老竇學嘢啦!」

話說我老婆loop緊農夫首新歌,竟發現有人以粵劇打扮排緊舞!@missussix #究竟佢喺邊度摷件咁嘢出黎 #又點解會覺得襯隻歌呢

其實Simsim平時已經非常有表演欲,鐘意跳舞之餘,仲好鍾意自己琢磨演技,甚至指導父母配合。看來SimSim真的遺傳晒爸爸的藝術細胞!

颱風留家 陸永:「在家嘅好好珍惜一家人嘅時光」

適逢颱風襲港全港學校停課,陸永難得可以一整日留家陪兩個寶貝女,究竟佢哋喺屋企有咩搞作呢。日前,陸永嫂Reina喺社交網分享咗一段短片,片中可見陸永同囡囡留家避風好熱鬧。陸永嫂留言話:「一個攬住個speaker 聽歌,一個開住個speaker 睇新說唱,一個帶住個headphone 大大聲講嘢,好熱鬧。」

眼見老婆有怨氣,陸永都好識做咁即可Po出4餸1湯相,大讚忙碌一整日嘅老婆大人。「終於都改掛八號喇。在外工作為家拼搏嘅祝你哋平平安安,在家嘅好好珍惜一家人嘅時光。陸太 負責由早餐到晚餐一手包辦,時刻更新風暴消息,清理露台雜物雜草。而我同兩個女也不忘分工合作:煲劇,跳舞,玩棋,食零食,hea攤hea訓,都算忙。@missussix 唔該晒!」

陸永笠湯煲出去掃露台

其實,陸永都唔係無幫手嘅,早前Reina都有發文讚老公「好勇」咁出露台啪電制、清樹葉。

行出露台清去水位樹葉,頭先停電陸生好勇行出屋外啪電制。邊到搵個頭盔畀佢,外母畀個湯煲佢笠住行出去。

原來係畀老婆大整蠱,陸永即時留言護外母,呢個女婿唔得頂呀。

好憎打風冇學返 陸永囡囡:「喺屋企玩到冇嘢好玩」

打風停課,唔少小朋友都覺得「唔駛返學」好高興。不過,陸永細女SimSim就有好似有啲不滿。陸永嫂Reina昨日又分享囡囡趣事:「兩姊妹話個「山竹」好衰,好憎打風,搞到佢哋冇得返學,又冇得出街玩」而且囡囡最唔開心嘅係因為「喺屋企已經玩到冇嘢好玩」

有網民就留意話:「居然想翻学,我都想停课!」

延伸閱讀:

【親子餐廳】 扮特務做任務 大玩實景角色任務遊戲

關注我們Facebook專頁
    相關新聞
      更多瀏覽