深圳6間必住酒店!最低每人港幣$300享受海景無邊泳池
2018年10月11日14:29

去深圳現在愈來愈方便,不過有時一日往返又會覺得有啲浪費時間,咁不如住一晚,好好過一個悠閒週末!編輯部精選6間深圳必住酒店,有絕美無邊泳池、超寬敞公寓,bookmark定,有機會可以試試!

撰文:kc | 圖片來源:相關酒店官方、小紅書

延伸閱讀:

香港插畫師設計作品現日本電影!有村架純同款tote bag|價錢超親民!

台北「櫻桃小丸子的夢想世界」主題展年底開鑼 | 必睇6大主題+神秘展區!預購門票限時優惠!

01 | 山與海之間的無邊泳池

這間公寓最出名是那個無邊泳池!雖然外國就有好多,但原來在深圳只有幾間,而呢間質素是當中比較好的!在公寓頂層的露天無邊泳池可望到無敵海景加山景,是過一個悠閒週末的好地方!不過附近就比較安靜,可以在酒店餐廳食飯,或者對美食好挑剔的朋友,可以坐的士出去食完再返來享受!

0
0
圖片來源:小紅書@一匹野馬
圖片來源:小紅書@一匹野馬
圖片來源:小紅書@Amber_元宝
圖片來源:小紅書@Amber_元宝
仲有海景健身房!
不過附近比較安靜,可以在酒店餐廳食飯,或者對美食好挑剔的朋友,可以坐的士出去食完先再返來享受!

【按此即睇更多酒店詳情和照片】

深圳凱貝麗君臨海域服務公寓(Capri by Fraser Shenzhen)

地址:深圳南山東濱路4078號

房價:一間房大概HK$600起。注意:價錢隨淡旺季改變。

02 | 超寬敞公寓 適合家庭出行

深圳G公寓距離世界之窗同深圳大學區域不遠,要去都好方便!最重要是空間很大,如果是家庭旅行會比較合適,因為酒店仲有兒童玩樂區、休閒區和富有情調的餐廳,房間內更可以自己煮嘢食!

住在深圳G公寓,要到深圳著名的世界之窗同深圳大學區域都好方便。
房內空間很大。
休閒區
兒童中心
餐廳
房內廚房
公寓客廳
仲可以去露台食早餐!

【按此即睇更多酒店詳情和照片】

深圳G公寓(Residence G Shenzhen)

地址:深圳鹽田區海景二路 1015 號

房價:一間房大概HK$900起。注意:價錢隨淡旺季改變。

03 | 私人別墅 環境清幽

這間度假酒店靠近歡樂海岸,房型都是私人湖畔別墅,屋內的mini bar都可以免費使用,空間亦很大,非常舒適,一班朋友去住都唔會覺得逼。環境亦十分安靜,有小泳池,個feel都幾似馬爾代夫嘅沙屋!不過需要注意嘅就係酒店禁止舉辦party。

這間度假酒店靠近歡樂海岸,房型都是私人別墅。
環境非常幽靜
有小泳池,個feel都幾似馬爾代夫嘅沙屋!(圖片來源:小紅書@yafee)
不過需要注意嘅就係酒店禁止舉辦party!(圖片來源:小紅書@yafee)
屋內寬敞明亮
裝修也很有度假風情

【按此即睇更多酒店詳情和照片】

深圳蓝楹湾度假酒店(Bay Breeze Resort All Villas)

地址:深圳南山歡樂海岸近濱海大道400米

房價:一間房大概HK$2,100起。注意:價錢隨淡旺季改變。

04 | 地點方便!市中心高級休閒酒店

酒店位於深圳福田區,地理位置優越,靠近深圳會展中心、Coco Park等休閒娛樂的好去處,搵嘢食都好方便!而且服務也是出名的貼心,有網民表示,如果入住行政套房,酒店還會為客人準備訂製的甜點。不過就算是住普通客房,同樣可享受到很好的服務!酒店還有露天泳池,可在高樓大廈中間暢泳!

酒店位於深圳福田區,地理位置優越。
靠近深圳會展中心、Coco Park等休閒娛樂的好去處。
酒店還有露天泳池,可在高樓大廈中間暢泳!(圖片來源:小紅書@Tina_7)
還可以享受下Spa!
房間也有觀景浴缸。(圖片來源:小紅書@Tina_7)
浴室也夠大!

【按此即睇更多酒店詳情和照片】

深圳星河麗思卡爾頓酒店(The Ritz-Carlton Shenzhen)

地址:深圳福田福華三路116號

房價:一間房大概HK$1,900起。注意:價錢隨淡旺季改變。

05 | 日式木製風 無印產品任用

近排愈來愈多香港人會趁周末返深圳飲喜茶、食海底撈,深業上城呢個新場絕對是不能錯過的好去處,同時是全球第一間無印酒店的所在地。MUJI 酒店強調環保理念,所以酒店好多地方都是採用舊木、廢物再利用,令無印酒店有特色之餘,亦可以符合環保概念!

深圳 無印酒店
深圳 無印酒店
職員全部都著上MUJI黑白色服裝
深圳 無印酒店
深圳 無印酒店
MUJI Hotel的4至6樓共有79間客房,分別有5種房型,全部都是雙人房,基本配備相近,最大的分別在於每間客房的大小。
深圳 無印酒店
深圳 無印酒店
最平的人民幣950/晚,價錢已包早餐,兩個人每人500蚊就住到無印酒店,仲要食到MUJI Diner的食物,相當划算!
深圳 無印酒店
深圳 無印酒店
最大的房型E 要成RMB2,500,但有51-61m2,大大塊落地玻璃對住公園景,景觀都算不錯,加上有衣帽間、MUJI 桌椅梳化慢慢嘆,有能力豪嘆不妨一試!
每間客房都配備各種無印出品嘅日用品,儘管你屋企本身已經用齊呢批日用品,但咁樣夾埋無印酒店,感覺爭好遠!
深圳 無印酒店
深圳 無印酒店
掛耳式咖啡包、茶葉,以及2支水可以免費飲用
深圳 無印酒店
深圳 無印酒店
香港雖然未有MUJI Diner,但Cafe & Meal 普通一個4餸飯都要過百,深圳MUJI 3餸都只係RMB58,2熱盤加1凍盤,仲有湯加飯,而4品都係RMB68,5品RMB78。
深圳 無印酒店
深圳 無印酒店
走三合一路線的無印酒店,集商店、餐廳、住宿於一身,本來以為深圳無印良品旗艦店會同香港嘅一模一樣,但原來都有驚喜!唔單止賣嘅嘢有少少唔同,仲有工作坊!

【按此即睇更多酒店詳情和照片】

無印良品酒店(MUJI HOTEL)

地址:深圳福田區皇崗路5001號深業上城

房價:一間房大概HK$1,100左右起。

06 | 奢華典雅 城中度假風

深圳朗廷酒店裝修帶有中式的裝修,同時有英倫的優雅,主打低調奢華風!雖然位於城市中,但設有巨大的泳池和露台,頓時有度假的感覺,住客還可於露台上享受陽光浴或者到酒吧小酌一杯!如果想飲下午茶,朗廷酒店的下午茶也很不錯,有不少人專程去吃!

深圳朗廷酒店裝修帶有中式的內裝,也有英倫的優雅,走低調奢華路線!
雖然位於城市中,但設有巨大的泳池和露台。
餐廳也充滿浪漫氣息。
住客可於露台上享受陽光浴或者到酒吧小酌一杯!
可以看出設計十分講究!
房內亦有私人按摩浴缸

【按此即睇更多酒店詳情和照片】

深圳朗廷酒店(The Langham Shenzhen)

地址:深圳福田深南大道7888號

房價:一間房大概HK$1,200起,注意房價或會隨季節和節日等因素變化。

下一頁:深圳cafe | 10間靚景下午茶好店 | 每人$30起!閨密聚會必去

0
0

延伸閱讀:

【首爾紅葉銀杏】秋日散步路5大推介 | 市內漫步賞紅葉、銀杏、獨特秋景!

關注我們Facebook專頁
    相關新聞
      更多瀏覽