發歌星夢靠黐 黃心穎挾馬明陪應酬
2018年10月10日18:32

44歲的馬國明與29歲的黃心穎拍拖兩年,早前在無綫重頭劇《宮心計2深宮計》攞正牌談情,愈戀愈升溫。天然呆宅男馬明近朱者赤,拍拖行徑變高調,最近二人放大假去蘇梅島享受五日四夜陽光與海灘,黃心穎狂晒由馬明操刀的水著相,春心盪漾有樣睇。

黃心穎入行六年,被指機心重做事有計謀,經一番努力成功箝實無綫筍盤馬明後,仲發夢都想做歌星。自以為歌喉唔錯的黃心穎,近年花時間學唱歌,但一直未被唱片公司垂青,惟有周圍黐搵機會,除了是演唱會之星外,仲會向歌手埋手,早前與車婉婉拍劇結緣,處心積慮打入對方朋友圈。日前黃心穎約車婉婉與趙學而飯局,馬明充當司機陪同出席,只見全晚黃心穎非常積極娛賓融入環境,難為不擅交際的馬明全晚陪笑陪坐。女友係自己揀嘅,心穎發歌星夢,馬明硬食都要啦!

撰文:東方新地|圖片:新傳媒圖片、黃心穎IG

延伸閱讀:

【真係有喜事?】趙麗穎發佈經理人合照指結束合作關係 經理人:「祝福穎寶邁入人生新階段」

【嫁到這世界邊端2】韓國新抱患重病 全靠呢位大哥級藝人承擔醫藥費!

黃心穎 演唱會常客

由選港姐開始出道至今,黃心穎只花了六年時間便捱出頭來,比起同期藝人算是幸運的一個,去年開拍的《丫鬟大聯盟》及今年拍的《牛下女高音》都擔正女一,再加上冧到筍盤馬國明做男友,黃心穎是愛情事業兩得意,不過她並未滿足,識時務的她甚為懂得把握時機、用盡一切方法爭取機會上位,為圓歌星夢,這幾年來其實花了不少心機與時間鋪路。

黃心穎
黃心穎
9月5日晚上7時左右,黃心穎上完唱歌堂返回油塘屋企,馬國明揸車接她出外,去到天后隨街泊車,二人落車都周圍望,好有默契。

黃心穎
黃心穎

拍拖去飯局

知情者透露:「成個無綫都知心穎好想做歌星,一有機會佢就想表演唱歌,又曾經向高層示意想唱劇集主題曲,不過有演出機會公司都畀晒『星夢』啲歌手啦!幾時輪到心穎?所以佢咪喺出面搵機會囉!呢幾年佢都係演唱會常客,乜騷都去睇,次次都搵人帶入後台,除咗滿足佢黐星集郵鋪癮之外,仲可以識多啲人。心穎主動又唔怕醜,為咗入樂壇佢真係𢱑爛塊面,第一步梗係要向歌星入手啦!早前佢同車婉婉一齊拍劇,混熟咗又識埋趙學而,之前學而開騷佢都走入後台黐黐貢,最近仲成日約飲酒食飯,心穎目標好明確,想睇吓有冇機會黐到其他更加紅嘅歌手,係人都知婉婉學而同Eason嗰班都熟。」靠歌星朋友越級黐上黐,黃心穎真是機關算盡。

黃心穎
黃心穎
行去食飯時前後腳,黃心穎一支箭咁標走,馬明尾隨做跟得男友,最後去到天后一間上樓食店。

黃心穎
黃心穎

陪坐極冇癮

黃心穎與車婉婉因合作拍《牛下女高音》而成為好友,日前相約到天后飯敍,馬明負責做司機,到心穎位於油塘的寓所接她。二人到達天后先把座駕隨街泊,然後前後腳保持距離行去餐廳,這次飯局除了有車婉婉及趙學而,還有有份拍《牛下》的張振朗及三位圈外朋友。

黃心穎
黃心穎
當晚黃心穎約了車婉婉、趙學而及張振朗等友人食飯,馬明好明顯係陪應酬,全枱人有傾有講,馬明全晚都好靜,仲不時露出佢獨特的天然呆表情。
黃心穎
黃心穎
黃心穎就表情多多好風騷,難為馬明擔當陪笑角色。

開籠雀杯杯清

現場所見,黃心穎與對住坐的車婉婉及趙學而言談甚歡,三個女人一個墟講個不停,又不時碰杯暢飲,而馬明與眾人並不熟絡,大部分時間都是陪坐、陪笑又發揮其天然呆本能,好明顯是被女友挾去陪應酬,兩杯落肚的黃心穎愈傾愈興奮,完全冷落身邊男友。邊食邊傾邊隊酒四小時,散場時眾人在餐廳門口道別,黃心穎狂捽車婉婉飲到紅晒的面頰,之後仲放相上IG留言「物以類聚」,話晒婉婉是前輩,黃心穎即被網友狂轟不分尊卑,用詞不當。

黃心穎
黃心穎
含住食物在口中似足倉鼠的黃心穎,只顧自己與友人打交道,成晚好似開籠雀咁。
黃心穎
黃心穎
眾人邊食邊隊紅酒,黃心穎不停與車婉婉及趙學而碰杯而且杯杯清,負責做司機的馬明有得睇冇得飲。
黃心穎
黃心穎
食飽傾飽離場時,黃心穎見車婉婉飲到面都紅晒,竟上前狂捽婉婉塊面,其實係咪真係咁熟?

黃心穎
黃心穎

黃心穎
黃心穎
飯局後黃心穎在IG放了當晚與車婉婉、趙學而及女友人一起影的合照,並以「物以類聚」來形容,即惹來網民狂插,指她扮friend高攀及不分尊卑。

黃心穎
黃心穎

雖然人望高處好正常,但黃心穎未到三十歲已被指過度消費,去年換了價值120萬的波子跑車代步,又以850萬元購入啟德天寰一個兩房單位,可見她心頭甚高對各方面都有要求,馬明亦被指受到女友感染,多年來慳家一朝喪,除肯花錢買名牌換形象扮young來迎合黃心穎,早前更花20萬買潮牌情侶戒指。出名孝順的馬明,曾講過婚後都會同爸爸媽媽一齊住,但自從同心穎拍拖後,在女友不停洗腦之下,亦開始打消這個念頭,要努力儲錢再築愛巢,因而令馬明母親有微言。

黃心穎
黃心穎
黃心穎飯前與馬明保持距離,飯後飲咗酒就變得熱情黐身,走在街上愈行愈埋懶理途人目光。

諗定夢想婚禮

最近娛樂圈喜事多,先有鄭嘉穎與陳凱琳,再有陳展鵬與單文柔,對於結婚,馬明話黃心穎事業剛起步未有計劃,但早前黃心穎出席活動對5卡鑽戒愛不釋手,仲自爆對將來的婚禮充滿幻想,而結婚形式、地點已經有計劃。她謂:「結婚一世人一次,我希望可以自己去計劃,揀自己最鍾意嘅,但亦會擔心超出預算。我最想去啲與世隔絕嘅地方搞一個簡單嘅婚禮,藍天白雲,喺海邊附近搭個帳篷,仲一定要有現場樂隊,邀請最好嘅朋友同親戚一齊食飯跳舞,呢個就係我夢寐以求嘅婚禮!」黃心穎不是一個容易滿足的人,對於其人生渴求甚多,絕非有情飲水飽類型,做佢男友或老公少啲彈藥都唔得,難怪馬明話短期內都未有婚期,睇嚟要滿足黃心穎,都要捱多幾年騾仔先。

黃心穎
黃心穎
冇飲酒的馬明頭耷耷怕畀人望,反而黃心穎做主動,想翹實馬明手臂行。
黃心穎
黃心穎
之後黃心穎仲笑住對馬明發放心心眼,含春索吻得咗!
黃心穎
黃心穎
飲飽食醉後,馬明竟然送黃心穎返回女方油塘寓所,各自歸家幾咁掃興。

越級攀Eason堆

黃心穎頭腦清晰做事有計劃,凡有機會埋到Eason身都唔會放過,車婉婉同趙學而都係Eason多年老友,有指她早已鎖定目標,碼實唔放。

Eason與趙學而都是90年代的歌手,多年老友見面即攬頭攬頸,今年年初學而開騷,Eason都有捧場。

逢人認偶像

Big Four都有殺錯冇放過,當中黃心穎最冧許志安與梁漢文,唔止捧場睇騷,一有機會見到面就小粉絲上身。

黃心穎
黃心穎

黃心穎
黃心穎

天王鐵粉

80後黃心穎話自己係黎明鐵粉,細細個就好迷對方,同時亦好欣賞郭富城歌精舞勁。

黃心穎
黃心穎

黃心穎
黃心穎

勤練歌

恨做歌手恨到發燒的黃心穎,一有時間就去尖沙咀上唱歌堂,這日身穿黑T黑膠褲,個look甚娘。

黃心穎
黃心穎

名師指導

原來當年黃心穎因聽到已故歌手陳僖儀的歌聲,專登跟隨其唱歌老師Miss Lam學唱歌,早前她更在陳僖儀的生忌,唱了對方的名曲拍片放IG。

黃心穎
黃心穎

黃心穎
黃心穎

搶fo出位

去年黃心穎與蔡思貝、馮盈盈、邵珮詩及張寶兒扮女團又跳又唱〈到此一遊〉拍MV,黃心穎每次演出都霸正中間位置搶fo。

黃心穎
黃心穎

偶像無分國界

黃心穎迷偶像係無分國界同級別,每次台灣天團五月天開演唱會,她都一定撲飛求朋友帶入後台,見到韓國男神崔始源,亦唔會放過。

黃心穎
黃心穎

黃心穎
黃心穎

自信漏奶

黃心穎雖然經常被彈擁五短身形,但她對自己身材好自豪,早前在IG分享三點式相,仲自爆是與馬國明同行,在蘇梅島共度5日4夜,自信漏南半球的她更大讚對方為她影相有耐性:「佢嘅攝影技術有進步,好努力幫我影相,佢好好,可能之前拍戲扮攝影師有練習過,我都有少少喜出望外。」

黃心穎 Jacqueline B. Wong(@jacquelinebwong)分享的貼文 於 PDT 2018 年 9月 月 8 日 上午 5:42 張貼

黃心穎 Jacqueline B. Wong(@jacquelinebwong)分享的貼文 於 PDT 2018 年 9月 月 7 日 下午 11:18 張貼

黃心穎 Jacqueline B. Wong(@jacquelinebwong)分享的貼文 於 PDT 2018 年 9月 月 9 日 上午 12:56 張貼

黃心穎 Jacqueline B. Wong(@jacquelinebwong)分享的貼文 於 PDT 2018 年 9月 月 9 日 上午 5:52 張貼

黃心穎 Jacqueline B. Wong(@jacquelinebwong)分享的貼文 於 PDT 2018 年 9月 月 10 日 上午 5:00 張貼

黃心穎 Jacqueline B. Wong(@jacquelinebwong)分享的貼文 於 PDT 2018 年 9月 月 11 日 上午 2:00 張貼

延伸閱讀:

《大帥哥》台慶劇變炮灰!男一張衞健 暗示或缺席宣傳

關注我們Facebook專頁
    相關新聞
      更多瀏覽