網民:所有回憶返晒嚟!盤點8齣一定有睇過的TVB經典節目
2018年10月09日14:34

TVB經典婦女節目《都市閒情》近日已經告一段落,改為全新節目《流行都市》,有好多網民都大呼唔捨得。除咗《都市》外,唔知大家仲記唔記得以下呢啲經典節目呢?相信每一套都帶過好多歡樂畀觀眾!

撰文:東方新地 |圖片:節目截圖、Instagram

延伸閱讀:

【嫁到這世界邊端2】癡情韓國Oppa娶重病港女 上演「韓式生死戀」

吳雨霏甜蜜抱囝囝 晒泳衣照拒絕P圖

盤點8齣一定有睇過的TVB經典節目

1.歡樂今宵

歡樂今宵(EYT)係無綫嘅長壽綜藝節目,自1967年到就播足27年,最勁嗰陣一星期有成5晚都係現場直播,更加被列入世界紀錄,成為全世界最長壽嘅綜藝節目!

經典節目
經典節目

經典節目
經典節目

日頭猛做,到依家輕鬆下,食過晚飯,要休息返一陣,大家暢聚,無綫有好節目,歡歡樂樂,笑笑談談,我地齊齊陪伴你!相信大家一聽到呢首兩就會即刻捉實部電視唔放,60-70年代有啲屋企無電視嘅人更加可能會去士多或者鄰居屋企睇《歡樂今宵》添!EYT亦製作過好多趣劇同遊戲,最出名嘅相信一定係《蝦仔爹哋》、《上海婆》、《我係Maria》等等。

《上海婆》
《我係Maria》

經典組合《四朵金花》都係喺EYT出嚟㗎!金花~四朵金花~ 相信有唔少人都仲記得!

2. 獎門人系列

獎門人系列喺1995年就開始播出,總共有十輯。最初係由「獎門人」曾志偉同兩位「獎老」林曉峰同陳小春做主持,之後錢嘉樂代替陳小春位置。到好後期更加加入阮兆祥、王祖藍、金剛、江欣燕等做「獎老」。

獎門人系列一直以嚟製造過極多遊戲畀嘉賓玩,每次觀眾都會笑到一仆一碌。最經典嘅遊戲相信一定係「辣辣壽司邊個食」、「超級無敵估歌仔」、「超級無敵馬拉松」等等。

超級無敵估歌仔
辣辣壽司邊個食
超級無敵馬拉松

獎門人喺2014年就播完,而曾志偉亦都表明唔會再做「獎門人」,相信大家點都唔會忘記「獎門人」帶過畀我哋嘅歡樂喇!

3. K100

K100自1977年開始播到2005年,係TVB嘅娛樂資訊節目,節目入面有藝人同名人訪問、TVB介紹、節目預告等。而第一代主持係何守信同韓馬利。

相信各位比較年輕嘅觀眾就記得K-100最後一代主持崔健邦、劉綽琪同埋唐詩詠喇!而唐詩詠同崔建邦亦都係因為拍攝K-100而認識。

4. 體育世界

體育世界喺1980年啟播,係當時報導體育消息最詳細嘅節目之一,最初係TVB黃金時段節目嚟㗎!

不過TVB投放喺體育節目上嘅資源不斷縮減,所以自2016起,節目長度就由最初2小時減到30分鐘。最可惜嘅係,2018年7月更加話要解散體育組,連《體育世界》都要停播喇!各位觀眾同主持都話唔捨得。

5. 文化廣場

文化廣場自1995年開播至今,主要係透過專題訪問同即場表演等方式培養觀眾對文學藝術嘅認識同興趣。好多時候都會請表演者上嚟唱歌、演樂器,或者係請導師返嚟教人整手工藝。

節目由資深前輩朱維德(朱翁)夥拍章志文同張美妮組成主持。

6. 文化新領域

就咁聽個名,好似覺得同《文化廣場》好似喎!雖然兩者都係講文化藝術,但係《文化廣場》就比較啱長者同大人睇,《文化新領域》就主要推介適個年青人同小朋友參與嘅文化藝術活動。

而家嘅主持分別有焦浩軒、莊思明同彭慧中,感覺都較年輕啲。

7. 至NET小人類

相信無邊幾個人係會未睇過或者聽過《至NET小人類》,其實呢類型嘅先童節目真係數之不盡,而《至NET》就喺2000年取代《閃電傳真機》,不過2004年時被《放學ICU》取代。呢類型兒童節目真係陪住一代又一代嘅小朋友長大,而且節目係就返小朋友放學時間,有好多學生哥放學時都會衝返屋企睇㗎!

《至NET》逢星期一至五播出,而每日都會有唔同環節,例如星期一譚玉瑛會教小朋友整簡單食物、星期二會請教練教運動、星期五會就有李紫昕 (Purple姐姐)教人音樂同文化,節目真係多姿多彩。每日喺時段內都會播放22分鐘嘅動畫,好似經典卡通《反斗小王子》、《多啦A夢》、《小司機Noddy》、《外星BB撞地球》等,都有喺《至NET》播過㗎!

8.勁歌金曲

《勁歌金曲》係香港史上非常長壽嘅音樂節目,由1981年播出第一集,最初係以現場直播方式請歌手表演,去到90年中期就轉為訪問歌星同錄影節目。最早期嘅主持就係蔡楓華,而家則由一大班星夢幫同超級巨星出身嘅歌手做主持。

不過近年《勁歌金曲》收視麻麻,有指係因為網民已經對小圈子節目同頒獎禮覺得無吸引力。

要超級粉絲先睇得!范冰冰微博貼文被指為復出鋪路

恭喜喬寶寶娶新抱做老爺!反印度傳統豪使300萬幫大仔搞婚禮

小春冧爆:老婆喺我心目中係皇后!應采兒大爆老公最叻氹岳父岳母

延伸閱讀:

卓林孖女友公開半裸甜蜜照 網民:造型有啲難接受…

關注我們Facebook專頁
    相關新聞
      更多瀏覽