本周六嫁陳展鵬!單文柔 獲港姐好友送上婚前驚喜派對
2018年10月09日16:25

41歲視帝陳展鵬上月宣布將於今個月13日迎娶28歲前港姐女友單文柔(Phoebe),有指會喺四季酒店舉行婚禮。距離大日子仲有6日,Phoebe嘅兩位同屆港姐好友劉穎鏇同魏韵芝就為準人妻開婚前派對,房中掛滿粉紅色汽球、仲有浪漫嘅花瓣,同寫上Bride to be的橫額,而佢哋又為準新娘戴上小后冠和彩帶,兼送上小蛋糕﹑花和香吻,逗得單文柔驚喜又開心!

撰文:東方新地 |圖片:單文柔IG劉穎鏇IG魏韵芝IG

延伸閱讀:

劇透王變形俠醫又出招 爆完戲名又即場重組劇情!羅素兄弟呢次真係忍無可忍…

騙徒開假專頁專呃基仔粉絲錢 古巨基發文澄清呼籲小心

單文柔 獲港姐好友送上婚前驚喜派對

有指陳展鵬和單文柔將於本周六(13日)假四季酒店舉行婚禮,與單文柔同屆的港姐亞軍劉穎鏇及落選嘅魏韵芝,為準新娘送上驚喜,原來兩預先訂房替準新娘舉行婚前派對,房內放滿粉橙色嘅汽球,仲有「bride to be」嘅橫額,Phoebe一入到房就好驚喜咁話﹕「嘩,好靚呀!」

單文柔昨日在社交網留言,感謝好姊妹的驚喜派對,她說:「Super big thanks to my love❤️! 原諒我來匆匆去匆匆,前一晚我仲想取消見面,因為我時間真系(係)唔夠用,你地(哋)話一個鐘都好,結果送了一個super big surprise 俾(畀)我,我有想過搞一個bridal shower,但因為有太多要處理,所以打消了念頭。Bigbigthanks!!!!! #soulmates #bridetobe #心有靈犀 #surprise #肚入面條蟲 #女人的浪漫」

兩位姊妹送上小蛋糕同白色玫瑰花,仲為Phoebe戴上小皇冠、頭紗同綵帶,十足當選香港小姐一樣。

兩位好姊妹仲甜蜜向佢獻吻,派對現場又以粉紅色為主色,擺滿粉紅色氣球及花瓣,真係好Sweet!劉穎鏇留言祝Phoebe永遠幸福愉快:「SURPRISEEE!its our Bride To Be @smyphoebe hehe so incredibly happy and excited for you!!!wishing you forever love and happiness(驚喜!我們的新娘子Phoebe,嘿嘿 非常替你高興和興奮,祝你永遠幸福快樂。)」

魏韵芝就留言話:「Congrats my Soulmate,Hope you liked the surprise(恭喜晒我們的心靈伴侶,希望你鍾意呢個驚喜。)」 又話﹕「女人的浪漫,誰說玫瑰只可以男人送?」佢講笑話Phoebe係幸運女神,反問點解唔係自己!

Phoebe拿著心型氣球,由兩位好姊妹拋紙碎慶祝,預祝佢成為幸福人妻。

單文柔舉行婚前派對,房中掛滿汽球和寫上Bride to be的橫額,而她們還為準新娘戴上小后冠和彩帶,兼送上小蛋糕﹑花和香吻,逗得單文柔驚喜又開心。

41歲陳展鵬 宣布迎娶28歲單文柔

41歲視帝陳展鵬、與28歲落選港姐單文柔去年三月爆出戀情,其後一直都將戀情低調處理,不過早前煎Pang宣布拉埋天窗,恭喜晒!

碰杯都拖手仔,閃到呢!

求兩次婚 抱得美人歸

Phoebe接受傳媒訪問,大爆展鵬求過兩次婚,第一次在香港趁佢瞓覺時,用一隻自己摺嘅心形紙戒指戴喺佢手,我醒咗先發現,雖然好冧但單文柔都say no,佢記得我鍾意手工藝,或者花心思嘅嘢,之後第二次喺英國,佢搵咗條街好多人又有巴士嘅大街再跪低求婚,佢最期待嘅畫面終於出現,咁感動當然點頭say yes啦!

陳展鵬
陳展鵬
婚照除咗有歐陸式建築物及街景外,最特別係喺一架寫住「520 Next Station Marry Me」前,陳展鵬跪低送花向單文柔送花!

展鵬着上簡單西裝配對波鞋,非常隨意!

10月簽字結婚

二人將於10月簽字結婚,又會同兩邊屋企人食晚飯慶祝,佢哋都希望有個低調、屬於自己嘅美好回憶嘅婚禮,好多細節仍在安排中,問到係咪雙喜臨門有bb?單文柔否認,仲話冇諗過自己咁早結婚,但最終被男友真誠打動。

陳展鵬致各傳媒友好:「各位親愛的傳媒朋友、各位好友,多謝大家一直對我的支持和包容。今日,好高興同大家宣布,我要結婚啦!一路以來,我都全情投入工作,直至Phoebe的出現,讓我們感受到幸福和信任。對於感情方面比較傳統的我,是時候用我最大的努力去建立一個美滿的家。多謝大家的關心,希望得到你們的祝福。」

分兩日舉行婚宴

公開婚訊後,煎Pang本來想去外國酒莊搞婚禮,但因為鵬母不便搭飛機,所以改在香港結婚。為了補償未能在外國搞婚禮,煎Pang為氹單文柔特意飛去英國及法國影婚紗照。日前二人已在香港申請擬結婚通知書,而報住的地址則是西貢大網仔路同一地址,煎Pang拒絕公布婚禮詳情和日子,更表示為了保護親友不被曝光,決定分兩日舉行婚宴,並已開始派喜帖,他說:「一日係招待親友、一日係請藝人同事。」

單文柔則表示因屋企老人家多,擔心他們會累,所以婚禮會簡單化,但傳統儀式如接新娘都會做齊。

急撲婚禮場地

煎Pang與單文柔近月四圍奔波,因為結婚結得急,大部分酒店場地都早已被預訂,二人最急切就是決定場地。日前煎Pang代母去深水埗一間舊式金舖打金器,當日他與單文柔中午離開西貢寓所,先去金舖再去紅磡的嘉里酒店睇場,之後過海到中環四季酒店,連睇兩個場地花光腳骨力,

知道兒子成婚後,鵬母除了有件「家傳之寶」要轉贈準新抱單文柔外,更託煎Pang去深水埗一間老金舖打金器,打算在煎Pang結婚當日送給單文柔。
日前煎Pang代母去老舖打金,單文柔就 一直坐在車內等候。
煎Pang表示結婚唔會大搞,但會分兩日擺酒。這日見他與單文柔一日連睇兩個場地,一間九龍、一間港島,好大機會就係呢兩間酒店喎!
紅磡嘉里酒店

中環四季酒店

鵬嫂騷身材

自從被認定鵬嫂身份,單文柔成個人脫胎換骨,出街戴黑超突顯星味,落車買外賣都要背心晒身材。
可惜百密一疏,落車時爆褲頭鈕竟然唔知。

之後煎Pang與單文柔再去九龍城的相熟按摩店梳乎三小時,叉足電又去灣仔出席友人飯局,全日遊勻港、九,搞到凌晨12時才返愛巢。

行足半日睇酒店場地,完事後煎Pang與單文柔由中環去九龍城,目的得一個,就係幫襯相熟按摩店梳乎一下。

結婚唔多唔少要搵班兄弟幫吓手,煎Pang按摩完再由九龍城去灣仔,約兄弟食飯都要帶埋未婚妻,期間又拖手又翹實非常癡纏。

二人感情 先苦後甜

煎Pang早前出席活動時春風滿面,原來人逢喜事,有記者問到點睇二人倫敦之行被途人偷拍,他大方承認去了一星期:「佢喺英國讀書,算係舊地重遊,現場有好多華人,我都有同啲小朋友影合照,冇所謂。向來低調處理,她比較辛苦,呢兩年我有好多緋聞同唔太好嘅新聞出現,佢都喺我身邊,陪住我,我好感激佢,我性格唔係好Sweet,行動勝於一切,希望之後先苦後甜。」

他更以行動表示對女友一條心,在半年已將IG內大部分女藝人和女性朋友統統刪除。

擔任港姐星級評判 邂逅單文柔

單文柔在倫敦藝術大學倫敦時尚學院,修讀布料設計學士課程。大學畢業後曾任職布料設計員,2016年參加港姐,在首圈十強出局。同年底入TVB藝訓班,之後主要做兒童節目主持。

而單文柔在選港姐期間,邂逅了擔任港姐星級評判的煎Pang,當時台上司儀問到心水佳麗係邊個,佢話本來想揀10號嘅單文柔,但因為尊重胡定欣所以唔敢揀,但最終佢都係揀咗單文柔做佢老婆,呢啲咪緣份天注定囉!

與單文柔同屆嘅港姐有劉穎鏇、張寶兒、蘇韻姿、馮盈盈!

戀情起初不為fans接受

加入TVB已近十年的陳展鵬憑《城寨英雄》成為視帝,事業走上頂峰,更同胡定欣因《城》成為螢幕情侶,人人認定他們是一對,以為佢哋可以有情人終成眷屬,惟煎Pang被踢爆原來暗撻單文柔。

戀情曝光後,一度令煎Pang人氣急跌,單文柔也被鬧係壞女人,但煎Pang好man,未有袖手旁觀而係處處維護,之後更罕有地大方承認對方女友的身份,讓二人感情突飛猛進,隨住時間久了fans都開始接受戀情,更有網友話佢哋愈來愈合襯,真係守得雲開,苦盡甘來…

總有一部你睇過!盤點大台10套經典醫療劇

揭《大帥哥》變倉底貨死因 張衞健蝕住回巢 淪為炮灰

《鬼怪》、《繼承者們》都不是第一?!節目公布最佳韓國電視劇前五名

女神封盤!江嘉敏認戀電競公司高層 男友大起底

報Hall講策略 靠靚樣無用!鄧卓殷一擊即中 馮盈盈冇間收

延伸閱讀:

【野生捕獲】發哥赴台宣傳照去晨運勁親民 合照驚現《賭神》神秘演員

關注我們Facebook專頁
    相關新聞
      更多瀏覽