江美儀現身解話 離婚因為緣份已盡
2018年10月08日23:00

因為「分手變離婚」事件,令江美儀成為傳媒近期追訪的焦點!日前被問是否已婚一事,仍然未有正面回答,不今今日美儀接受大台訪問時,就終於正面為事件解話。

撰文:Joanne 圖片:江美儀微博+ig

延伸閱讀:

【親子好去處】灣仔周末手作市集 必玩免費廢料變精品工作坊

左腳踢右腳常跌到 慎防兒童關節炎問題

之前話係「飲大咗」

連日被傳媒追問是否已婚時,江美儀還是左閃右避,更笑說當時是「飲大咗」。今日(8/10)現身大台節目,終於肯正經解話。美儀首先對着鏡頭道歉:「我要同咁多人講唔好意思,對唔住,冇諗過大家咁緊張我。」

繼而話自己只是小演員,結婚是個人唯一可控制的事,所以當時與Vincent(吳君祥)協定將婚事保秘。「我個人好隨心、冇咩計劃,大家都知我有情緒病,如果一分手肯定處理唔到,而家過咗兩年,家人接受到,我又可以平靜講,有人問就講。」

與Vincent再見亦是朋友,與冬叔關係仍然親近。美儀表示沒有怪冬叔,而且亦沒有要求冬叔保密及封嘴,只係怕煩到老人家,「講咗就講咗。」沒有必要生氣。

美儀最後坦承,與Vincent分開,是因為二人步伐不一致。「我相信緣份盡咗,大家都係好人,但關係好淡好淡好淡好淡,似朋友多過伴侶,傾過後就分開啦,而家都係好朋友,每日有傾電話。」

分手仍祝福Vincent

江美儀與吳君祥分手消息通晒天,10月6日美儀在個人ig吐露心聲:「未來的日子,抱歉,不能繼續和你手牽手一起走下去了,但我相信在各自的路上有著我們互相的關心和鼓勵,將來必定會走更高更遠。謝謝也祝福你,Vincent! 」相信二人再見亦是朋友。

冬叔口快快爆二人已婚

分手消息傳出,不少傳媒都向冬叔查問,點知冬叔竟然爆出二人於06年已經喺西雅圖結咗婚。但係事後美儀同Vincent都話係冬叔記錯。冬叔今日再接受訪問,就話當時Vincent識咗美儀,於是叫佢快啲結婚,Vincent就開玩笑話好,仲話「而家就去西雅圖結。」所以冬叔一直以為二人已經註咗冊!

同好多天王天后喺美國結婚一樣,都好容易可以喺政府嘅公共搜尋網搵出紀錄!美儀同Vincent嘅結婚證明,就被傳媒輕易摷咗出嚟!

就此再向美儀查詢,美儀就話事隔十幾年,已經唔係好記得喇,可能係當時飲大咗做錯事啦~

延伸閱讀:

8個月大BB常被捏面 引皮膚紅腫發炎變濕疹

關注我們Facebook專頁
    相關新聞
      更多瀏覽