53歲韋家雄娶「銀行之花」:太太係鍾意我靚!
2018年10月07日00:12

53歲的藝人韋家雄,今日與年輕近廿年的「銀行之花」鄧楚雅(Keynes)舉行婚禮,晚上筵開28席,韋家雄身穿粉藍色西裝、太太則穿上白色低胸婚紗,期間當然唔少得多次咀嘴,Sweet到爆,恭喜兩位!

撰文:東方新地

延伸閱讀:

徐子淇帶三子女探訪柬埔寨 返港同染手足口

點選星爸媽最愛香港名校 邊間小學最多星二代讀?

韋家雄跟前妻因了解而分開曾與陳嘉嘉拍拖

現年53歲的韋家雄早在20歲結過一次婚,與前妻育有一個26歲的兒子韋庭鋒,兒子名字解作「家庭的先鋒」。早年跟前妻離婚後,獨力做單親爹哋,將現年26歲的兒子撫養成人。2012年韋家雄與陳嘉嘉在橫店拍《金枝慾孽貳》擦出愛火,當時男方毫不避嫌在人前人後向陳嘉嘉大獻殷勤,成功奪芳心,但交往三年最終分手。

韋家雄
韋家雄
《金枝欲孽貳》殺科宴,韋家雄(右二)與陳嘉嘉(右三)黐住影大合照。

韋家雄雖然經歷過婚姻失敗,點知佢今年元旦日罕有咁喺fb放閃,公開自己有一個比佢年輕近廿年、從事銀行界嘅女友Keynes據知兩人是經韋家雄的圈中好友、無綫演員李啟傑介紹認識,而他和前妻所生嘅囝囝都好buy呢位「哎吔媽咪」,難怪韋家雄會再婚啦!

早前韋家雄同太太找了本地一間著名婚照公司影婚紗相,穿上婚紗的Keynes好靚女, 難怪家雄同新娘子一樣笑得咁燦爛,二人仲帶埋愛犬忌廉影婚照,好有意義和紀念價值!

婚照其中一個景點是到華富邨取景,家雄是希望和心愛的人重回童年的快樂成長地,而其中一張相在瀑布前留影,原來有段故事,話說他兒時同一班小朋友去到呢個瀑布灣游水時差啲浸死,家雄話好難忘,所以要重回那兒影相留念!

53歲韋家雄今娶「銀行之花」

韋家雄今晚與太太「銀行之花」鄧楚雅(Keynes),假酒店筵開28席宴親朋,一對新人換上禮服會見傳媒,韋家雄少有地官仔骨骨,穿上全套粉藍色禮服,而Keynes則身穿白色低胸婚紗,豔壓全場!兩人切結婚蛋糕後又有合巹交杯等儀式,當然唔少得化身接吻魚咀過不停!

被問到婚後會否積極造人?Keynes坦言兩人都鍾意小朋友,韋家雄就話會順其自然,會先享受二人世界。至於最欣賞對方啲咩?韋家雄就笑說:「靚,我好着重外表。太太都係鍾意我靚,盡在不言中。」

兄弟團人強馬壯!

來賓有唔少圈中人~

延伸閱讀:

愛妻號啟航 陳奕迅陪徐濠縈潮玩水

關注我們Facebook專頁
    相關新聞
      更多瀏覽