愛妻號啟航 陳奕迅陪徐濠縈潮玩水
2018年10月07日21:42

96年拍拖、如今連個女康堤都已經14歲亭亭玉立,陳奕迅同徐濠縈呢一對夫婦曾經傳過情變、離 婚甚至有第三者,不過事實勝於雄辯,結伴行 過22年,二人唔止冇疏離,近年Eason同阿徐 比以前更恩愛,陪住又食又玩周遊列國又睇 舞台劇,近日Eason忙住出碟周圍飛做宣 傳,都抽到空陪阿徐潮玩大熱wakesurf。係 咩驅使吹神晨早起身吹海風飲海水、望住愛 妻旁若無人?之唔係愛囉!

撰文:東方新地 圖片:新傳媒圖片、Instagram

延伸閱讀:

林寶陳列室內開party!林保怡 約咗佢飲靚酒、食芝士…

6個罕有又難讀星B英文名 你識唔識讀?

愛妻號啟航 陳奕迅陪徐濠縈潮玩水

事隔三年出新碟《L.O.V.E》、仲話係以廣東歌為主,咁大件事絕對係歌迷喜訊亦都令 Eason忙不停。繼六月在台灣第三度獲得金曲歌王,Eason就周圍飛宣傳新碟,兩個星期內 連走台北、廣州同北京開新歌試聽會,又宣布下月在中環摩天輪舉行慈善演唱會。計劃 多、時間少,不過只要有心一樣抽到空陪愛妻,上周一(24日),本刊記者在大埔野生捕獲 Eason陪老婆阿徐落水玩wakesurf,同行仲有wakesurf高手Kevin Boy親身教學,同陪住阿徐 一齊做初學者嘅閨密杜如風。

有名你叫吹神,Eason去到邊都講不停,目測風聲浪聲加埋 快艇摩打聲,成船人得Eason一個力抗雜聲繼續吹。
兩個星期跑勻兩岸三地舉行新碟新歌試聽 會,Eason百忙之中都仲抽到空陪老婆徐濠縈 玩wakesurf,回程時坐在快艇上雖然食晒 風,不過就情深款款心心眼望住阿徐。

白皮豬與肯亞徐

是日中午時分,一行人已經從海中心回程上岸,分別沖身、換衫準備回家。原來呢個 暑假娛樂圈個個潮玩wakesurf,阿徐又唔執輸跟風學埋一份,自稱BB班學得神心凌晨五點 就起身仲勤力過返工,難怪下午已經玩飽。平時日日跑步有肯亞徐之稱,阿徐黑黑實實身 型鋼條,同換衫時唔覺意露出肥肥白白又有個車胎嘅Eason形成強烈對比。睇得出,跑完一 轉宣傳,Eason近月應該係第一次落水陪老婆,白皮豬抓住夏天尾巴才趕得切曬一曬日 光。身形唔夠fit、滑水BB班又如何,最緊要有心陪老婆就得啦!

不嬲有鋪長跑癮,本來已經鋼條身形嘅阿徐 今個暑假再曬咗一身健康膚色,上岸時突然 少女心自己出手護住招牌ipad胸。

雖然近日Eason 終於聽老婆話決心減肥,算係瘦咗一個圈,不過全身仲係白雪雪肥騰騰,同志仍需努力呀!

兩公婆拍拖玩咗成朝,直到中午一點多終於玩 飽,齊齊換衫沖身出城醫肚。

今個暑假徐濠縈同閨密杜如風齊齊搵Kevin仔學 wakesurf,兩個都自稱BB班學員又自爆勤力過 返工。當日杜如風仲開機在IG直播,不過就有 默契鏡頭避開Eason。

玩完一個暑假身形清減不少,杜如風仍然自嘲太肥,竟然玩 wakesurf 玩到爆埋褲。

今期流行

今期流行Wakesurf,圈中人個個玩亦都個個知碇隊超班高手Kevin Boy陪玩指點,其實作為潮流教母,阿徐今次跟風算跟得遲。

何超蓮、小花

許志安

容祖兒

蔡思貝

徐濠縈 做全職阿媽

邊個話Eason嫂徐濠縈淨係識遊山玩水花錢買衫㗎?十四年來Eason走南闖北忙搵食,康堤順利入女拔又品學兼優,絕對係媽媽徐濠縈功勞。一年一度又開學,暑假最後一個周末,本刊就發現廿四孝媽媽親自帶住囡囡去眼鏡舖配眼鏡準備開學。買完眼鏡,兩母女隨意站在街邊雞啄唔斷,眨吓眼就快14歲的康堤已經高過媽媽,兩母女話題多多,好感情到兩姊妹一樣!

徐濠縈
徐濠縈
臨開學,徐濠縈親自出動陪囡囡康堤配新眼鏡準備新學年。下月四日就滿14歲,康堤已經高過媽媽。

雖然陳家有女初長成,不過在Eason同阿徐心目中,康堤始終年紀細仲需要悉心照顧,日前Eason接受訪問,表示雖然自己在英國留學長大,不過就未捨得送康堤離家;至於阿徐,對女兒的學業生活到交友,一樣緊張管到實,知情者透露:「康堤愈 大,阿徐愈係覺得個女有個簡單正常童年最緊要,所以社交網絡一定唔會晒女正面相,偷拍個女彈琴都係得背影。康堤喺學校真係好受歡迎,唔關佢爸爸係邊個事,因為佢讀書叻、性格好、識彈琴唱歌早已係學校風頭躉、唔少師姐師妹都係佢fans。阿徐好緊張康堤交朋友,尤其呢個年紀好易受同輩影響,想佢作風低調啲又怕佢影響學業,所以近年花多咗時間箝實個女,下個月佢間舖執埋,佢就全副精神放番喺個女度,做全職阿媽。」康堤正值少女期,睇實啲都啱嘅!

徐濠縈
徐濠縈
兩母女買完眼鏡,齊齊喺店外駐足雞啄唔斷商量下一站,感情好到兩姊妹一樣。
徐濠縈
徐濠縈
邊和媽媽又傾又講,康堤一邊手多多撥弄長髮,手長腳長的康堤比起型格媽媽多了一份嫵媚。
徐濠縈
徐濠縈
終於決定行程起行去下一站,徐濠縈發現鏡頭友善打招呼,康堤就自細被父母訓練有素,對鏡頭視而不見。
徐濠縈
徐濠縈
Eason嫂生活唔係只得襯衫買衫跑步同見朋友,其實都有慈母一面常伴康堤左右,這日她坐在眼鏡店內靜候去驗眼的囡囡。
徐濠縈
徐濠縈
揀完心水眼鏡畀埋錢,兩母女一齊離開眼鏡店,店員熱情送到出門口。
徐濠縈
徐濠縈
阿徐與友人Dorothy合股的潮服店「Liger」下月結業,曾在銅鑼灣及尖沙咀開店,可惜最終捱唔住。
徐濠縈
徐濠縈
身為歌神的爸爸一早透露囡囡康堤音樂、唱歌都有天份,據悉經常參加校內表演又代表學校出賽的康堤因為唱得彈得又品學兼優,極受師妹師姐歡迎。

徐濠縈
徐濠縈

徐濠縈
徐濠縈
幼稚園K3已經開始學鋼琴,徐濠縈自爆康堤未夠13歲已經考獲八級鋼琴,日前仲忍唔住偷拍囡囡練琴擺上網。
徐濠縈
徐濠縈
悉心鋪路安排康堤讀名校、學鋼琴,有天份又有表演慾的康堤早有報導指被圈中人邀入行,不過父母就意見一致,希望康堤有個快樂童年,所以幼稚園以後已經避免放女正面相上網。

徐濠縈
徐濠縈

同場加映:徐濠縈慘遭囡囡康堤嫌棄 話佢扮後生?

徐濠縈早前同囡囡康堤去完韓國旅行返港,阿徐除了表示今次係康堤首次去韓國外,仲話諗住同囡囡一齊學跳K-Pop,因為佢覺得如果可以同個女好似兩姊妹咁樣一齊跳,感覺會幾型,但可惜囡囡表示唔多想同媽咪跳。

徐濠縈與女兒同遊韓國。

徐濠縈被康堤話扮後生?

阿徐又話囡囡而家已經高過自己,平時又會拎佢啲靚波鞋著。但重點係每當阿徐著啲大tee或者著得young啲的時候,康堤就會彈句「媽咪你做乜扮後生?」,真係聽到個心都離一離呀,唔知阿徐心入面點諗呢?

徐濠縈著大露背買叉燒

早前徐濠縈於個人社交網上載自己單拖落街買燒味,原來係為慶祝老公陳奕迅(Eason)喺台灣金曲頒獎禮中,三度奪得歌王寶座兼贏埋年度專輯大獎。雖然只係出街買叉燒,但不嬲走喺潮流尖端嘅啊徐就著上一件大露背,唔講仲以為佢準備出席咩活動。

hilary tsui(@hilaryxtsui)分享的貼文於PDT 2018 年 6月 月 24 日 上午 3:00張貼

徐濠縈仲留言指:「斬料、斬料、斬大舊叉燒,賀賀佢,陳師奶,乖女。」但重點就完全落喺呢件大露背,皆因呢件衫只要有小小肥都會Carry唔到,但阿徐完全唔洗擔心呢個問題!

hilary tsui(@hilaryxtsui)分享的貼文於PDT 2018 年 6月 月 24 日 上午 2:59張貼

阿徐拎住一大袋叉燒戰利品時,仲要擺番個Pose影番張相,真係冇人潮得過佢!

hilary tsui(@hilaryxtsui)分享的貼文於PDT 2018 年 6月 月 24 日 上午 3:00張貼

拎住一大袋叉燒,啊徐唔少得行番個街頭Catwalk!

徐濠縈
徐濠縈

徐濠縈
徐濠縈

分手變離婚!江美儀、吳君祥 驚爆06年美國秘婚

報Hall講策略 靠靚樣無用!鄧卓殷一擊即中 馮盈盈冇間收

《鬼怪》、《繼承者們》都不是第一?!節目公布最佳韓國電視劇前五名

女神封盤!江嘉敏認戀電競公司高層 男友大起底

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

0
0

【港姐2018】港姐踏入45年!細數10項歷屆冠軍之最

【再創世紀】周柏豪靠鼻哥窿搶鏡? 網民:睇到好尷尬!

周柏豪
周柏豪

【再創世紀】女主角鬥喊功 鍾嘉欣、楊怡、周勵淇邊個最慘?

【延禧攻略】光頭定有頭髮靚仔啲?盤點《延禧》三位小鮮肉chok爆對比照

光頭
光頭

延伸閱讀:

吳鎮宇慶祝兒子10歲生日 《復仇者》大蛋糕贈Feynman

關注我們Facebook專頁
    相關新聞
      更多瀏覽