回顧68歲黃淑儀後生靚相 美麗50年!
2018年10月07日14:00

年近七十資深藝人黃淑儀(芝芝)嘅飲食系列節目《 吾熟吾食 》, 新一輯介紹芝芝姐第二家鄉溫哥華嘅美食,適逢今年係佢入行五十周年,今次搵嚟芝芝姐6-80年代嘅後生靚相,同大家分享!

撰文:東方新地-卓奇|圖片:東方新地

延伸閱讀:

徐子淇帶三子女探訪柬埔寨 返港同染手足口

分手變離婚!江美儀、吳君祥 驚爆06年美國秘婚

黃淑儀69年 19歲宣布嫁人

69年當時未足20歲,仲係無綫藝員兼國泰電影公司基本演員嘅黃淑儀,並宣布下嫁42歲國泰導演劉芳剛,唔理事業20歲就嫁人,愛得義無反顧。

黃淑儀
黃淑儀

72年 偕夫加盟無綫

73年重返娘家麗的電視 ( 亞視前身 ) 嘅黃淑儀,兩年後成為當紅藝人後聯合丈夫劉芳剛加盟無綫。

黃淑儀
黃淑儀

76年 同汪阿姐初合作

黃淑儀同汪明荃76年喺長劇《 書劍恩仇錄 》首次合作,有傳兩人爭做女主角霍青桐,而喺一場芝芝姐演嘅李沅芷女扮男裝調戲阿姐飾演嘅霍青桐,比劍時芝芝條眉畀阿姐把劍撞到,啲血係咁流差啲毀容,兩人自此傳不和。

黃淑儀
黃淑儀

77年 文青look

黃淑儀77年登上某電視周刊封面,相中芝芝姐最搶眼嘅唔係佢件花喱碌恤衫,而係佢大小便不分嘅中間界頭髮,成個文青。

80年 低胸晒線

黃淑儀身材均勻屬健美型,相中嘅芝芝姐剛滿30歲,全 白晚禮服配白珍珠頸鏈同白喱士手套,加上罕見露出吋半乳溝,高貴又性感。

80年 《雙葉蝴蝶》首演女警

黃淑儀80年喺無綫劇集《雙葉 蝴蝶》中演高級偵緝督察,首演CID女警嘅芝芝姐,拎起支槍替套劇嘅特刊演宣傳相,但把左輪望落有啲似玩具槍。

80年 《上海灘續集》界雙雄追

黃淑儀80年喺《 上海灘續集 》演由法國返嚟嘅女畫家朱燕燕,風華絕代、明艷照人嘅古典優雅氣質,吸引到呂良偉演嘅丁力,同謝賢演嘅神秘商人狄雲志向佢大力追求。

81年 激罕水著

黃淑儀自出道以嚟極少影水著寫真,呢輯激罕水著相攝於81年,相中芝芝姐著上一件頭密實泳衣喺泳池展示健美身材,充滿迷人美感。

83年 三大靚女合照

83年頭無綫兩大花旦鄭裕玲、黃淑儀同當紅節目主持人余文詩聚頭,三人各有氣質、各有各靚,點睇都係咁正。

芝芝姐兩度婚嫁

69年 嫁導演劉芳剛

69年19歲前途無限嘅黃淑儀,突然宣布下嫁比自己大廿三歲嘅國泰導演劉芳剛,芝芝過咗20歲生日後,10月25日兩人喺台北結婚,惜七年後離婚。

81年 嫁醫生徐景清

81年32歲嘅黃淑儀同腦科醫生徐景清再婚,12月28日兩人喺美國羅省舉行婚禮,83年兩夫婦移民加拿大溫哥華,兩人一直恩愛至今。

延伸閱讀:

Coffee林芊妤分享愛情經驗 嚴選8種要不得的男人!

關注我們Facebook專頁
    相關新聞
      更多瀏覽