節目扯火轟女藝人 袁詠儀霸氣擊退老公飛來蜢
2018年10月06日14:28

風水輪流轉唔到你唔信,兩屆金像影后袁詠儀當年戀 上歌星仔張智霖被指女尊男卑,家陣女方淡出男方食咗防腐劑一樣愈戰愈勇變男神;當年主動追求一手擊退許秋 怡,今時今日就輪到袁詠儀在Viu Tv節目中大爆由拍拖到 結婚,Chilam身邊不斷出現飛來蜢,26年來一直考驗智 慧同EQ經歷長期奮戰喎!最終戰果如何? 26年後都只有 一個Chilam嫂,最後贏家當然就係御夫有術的袁靚靚啦!

撰文:東方新地 │圖片:新傳媒圖片、《大星講》截圖、 袁詠儀IG、微博、魔童ig張智霖ig

延伸閱讀:

懷孕6個月 陀b做產檢 李亞男 焗住飲晒呢杯嘢…

待母至孝 孝順仔煎Pang為病母心力交瘁

節目扯火轟女藝人 袁詠儀霸氣擊退老公飛來蜢

入行早成名,24歲已經冧莊做金像影后,所以袁詠 儀婚後放緩幕前工作,重心放在湊仔御夫終身事業 上。近年少拍戲、間中曝光內地真人騷賺吓人仔,袁詠 儀早前難得蒲頭,受陳海琪之邀擔任ViuTV清談節目 《大星講》嘉賓。

日前在ViuTV節目《大星講》接受陳海琪及陶傑訪問,袁詠儀自爆張智霖身邊不斷出現飛來蜢,更有女藝人同場當張太透明。

當陳海琪問到與Chilam拍拖到結婚有 冇試過被其他女性企圖或意圖入侵時,性格一向爽直又 敢言嘅靚靚即時大把嘢爆,話去探Chilam班試過被女演 員當透明,又試過有女藝人煲湯博好感喎!

原來Chilam除咗天然防腐仲係天然呆,女藝人請飲湯水博親 近,Chilam竟然斗膽帶埋返屋企請老婆飲。

雖然靚靚在節目中情緒激動不斷反白眼,但始終都係陳年舊事,近年Chilam不 時公開發表「一世愛老婆至係真浪漫」愛妻言論,事實證明靚靚身份地位從來不受動 搖,所以日前淡淡定出動去銅鑼灣貴價超市,為老公同仔仔魔童採購靚牛靚生果,日子照舊咁過。

昔日忙住應付老公飛來蜢,家陣Chilam嫂地位穩如泰山,所以靚靚呢頭喺節 目講到火起,嗰頭淡淡 定繼續去超市為頭家採購食糧。
邊行超市邊同友人短訊聯絡,心情靚所以當街當巷買緊 餸都開心笑到見晒牙。

Chilam係公認美魔男神,其實靚靚一 樣keep得到,即使不施脂粉披著長髮 行超市,一樣有星味。

47歲靚靚在貴價和牛雪櫃前睇 中心頭好,等待職員取出時嘟晒嘴回到未嫁少女時。

御夫等同放風箏

如何擊退飛來蜢?其實除咗節目中表示會問責Chilam外,靚靚 都曾經在訪問中表示拍《金枝玉葉》向劉嘉玲請教過御夫術:「嘉玲當年教我對男人 或老公,要好似放風箏一樣,放佢出去,適當時候要拉佢返嚟。我用咗呢個方法好多年,依家我畀佢出去同朋友吃飯,佢反而主動打嚟問我,點解唔打個電話睇吓佢 喺邊喎!」真係萬試萬靈,定還是Chilam同朝偉一樣專一又顧家呢?

結婚17年繼 續恩愛,早前仲一家三口飛到去肯亞過暑假,靚靚自爆原來全靠當年在《金枝玉葉》片場向劉嘉玲請教御夫之道。

惹火男神

到底係邊個女藝人同Chilam拍戲當Chilam嫂 係透明?又係邊個用靚湯攻勢偷襲Chilam?以下 咁多位同Chilam傳過戲假情真之女藝人都有嫌疑。

4年孖朱茵拍《射雕英雄傳》,由於郭靖黃蓉角色太經 典、二人外形又太登對,一度傳出緋聞,不過套劇播完後亦都告一段落。

無論電影定電視,Chilam同佘詩曼歷年都有多次 合作,緋聞屬2000年拍《十月初五的月光》時傳得 最盛。有傳靚靚怕咗電視台發電機多次探班監 場,翌年亦正式註冊索性將Chilam私有化。

7年拍攝內地劇《紅粉》時亦有傳女拍檔郭可盈主 動出擊,搞到靚靚要北上逼供,又要全天候監場 睇實老公。

在無綫合作多次電視劇之前,97年Chilam同黎姿 合作電影《豪情蓋天》時,靚靚都試過為監場傳聞 與黎姿掀起罵戰。

IG微博曬靚相

袁詠儀同老公張智霖早前帶同囝囝魔童,一齊去咗非洲肯尼亞旅行。袁詠儀喺IG同微博曬靚相,一家三口,手拖手喺非洲大草原上漫步,再加上斜陽夕照,場面真係非常溫馨!

非洲草原一望無際,真係影相都靚啲!唔怪得袁詠儀喺IG留言:「肯尼亞之旅,感恩!」。

截自袁詠儀微博

12歲嘅魔童,經常望遠鏡不離身,當地風景一定好靚!

截自袁詠儀IG

一家三口影全家福,魔童一樣唔捨得放低個望遠鏡。

截自袁詠儀IG

魔童仲同當地小朋友一齊搭膊頭影相!

截自袁詠儀IG

除咗佢哋一家三口,仲有一大班朋友同行,

截自袁詠儀IG

見到咁靚嘅大自然景緻,呢趟旅程一定非常難忘!

截自袁詠儀微博

7月嗰陣,佢哋一家三口仲去過倫敦旅行,魔童呢個暑假應該好充實!

延伸閱讀:

網民: 杰嫂真係好正! 昆凌領口太低 彎腰即令粉絲面紅

關注我們Facebook專頁
    相關新聞
      更多瀏覽