揭《大帥哥》變倉底貨死因 張衞健蝕住回巢 淪為炮灰
2018年10月06日15:28

上年大鑼大鼓、出動無綫兩大高層曾勵珍樂易 玲陪實開記者會,宣布回巢TVB拍重頭劇《大帥哥》 的張衞健,唔單止不問酬勞鎖住半年檔期幫拖,由 於要在佛山取景更同老婆張茜兩地分隔,一心拍好 作品為無綫台慶劇造勢,更預留時間配合宣傳;不 過,臨門一腳無綫突然變陣抽起《大帥哥》,改由王 浩信孭飛的《兄弟》頂替;《大帥哥》淪為倉底貨播映 無期,據悉死因是受劇中女主角蔡思貝姣精形象拖累,無綫不滿姣思貝經常唔聽話決定小懲大戒,兼且想趁勢力谷小生王浩信上位,令21年後回歸效力 無綫的張衞健慘變炮灰。

撰文:東方新地 圖片:新傳媒圖片

延伸閱讀:

節目扯火轟女藝人 袁詠儀霸氣擊退老公飛來蜢

懷孕6個月 陀b做產檢 李亞男 焗住飲晒呢杯嘢…

揭《大帥哥》變倉底貨死因 張衞健蝕住回巢 淪為炮灰

96年拍完無綫劇《西遊記》爆紅的張衞健(Dicky),離巢返內地狂賺人 仔,直至上年,無綫助理總經理(戲劇製作)曾勵珍親自三顧草廬,成功打 動Dicky不計酬勞回歸幫娘家再拍劇。據知情者透露:「珍姐當時搵 Dicky,講明想佢幫無綫50周年台慶造勢,不過上年套劇拍完已經九月, 仲要做好多後期製作趕唔切,最後做唔成無綫50周年台慶劇,不過無綫嗰 邊都答應咗Dicky,會係今年台慶劇嚟!拍好咗成年都未播,之前已經有 fans問過Dicky究竟幾時有得睇,佢都透露過話套劇喺今年暑假播,始終隔 咗成廿年先返嚟再拍劇,Dicky好緊張今次演出,仲一早留晒時間做宣傳!」

大帥哥
大帥哥
張衞健擔演的《大帥哥》,原本是無綫 50 周年台慶劇,不過上年九月煞科還要做大量後 期,最終趕唔切上年推出,不過無綫在節目巡禮上亦重點宣傳,講明是今年台慶重頭 劇之一,可惜最終被抽起!

大帥哥
大帥哥
請到夠份量又好戲的張衞健回巢,上年二月無綫就出動兩大高層曾勵珍及樂易玲陪實 Dicky開記者會,除咗行紅地氈亦有即場簽約儀式,排場十足。

被照肺多次

不過,近日無綫公布三大台慶劇,分別是《跳躍生命線》、《是咁的, 法官閣下》及《兄弟》,《大帥哥》慘被飛出局。據知無綫突然變陣,抽起 《大帥哥》改由王浩信朱晨麗孭飛的《兄弟》頂上,全因不滿劇中女一,近 期黐親佢都冇好嘢的姣精蔡思貝,認為她形象差人氣大跌,怕她拖累收 視,反而睇好近期形象入屋的朱晨麗拍上年視帝王浩信,而且無綫不滿姣 思貝恃住被捧唔聽話,決定小懲大戒作警告。

大帥哥
大帥哥
當年拍《西遊記》爆紅,張衞健幫無綫賺了 過億廣告收入,演馬騮仔演到出神入化的 他,在內地大受歡迎,劇集長拍長有。
大帥哥
大帥哥
《大帥哥》拍足半年,更在炎夏到佛山拍外景,張衞健就透露同一班演員及工作人員合作愉快,唔少人 更為佢準備風扇仔降火!

據知情者透露:「無綫一路 畀好多機會思貝,佢拍親啲劇好似《味想天開》、《潮流教主》、《踩過界》 咁,全部都好有發揮,但偏偏佢好唔生性,拍劇成日掛住媾仔,自己形象 衰不特止,最弊係搞到無綫班當紮小生,明明走勢好好嘅王浩信同洪永 城,都畀佢搞到一塌糊塗,公司已經搵過思貝照肺幾次,講明叫佢收斂 啲!」 姣黐新男神 不過就算多次被警告,蔡思貝依然唔爭氣。早前又因拍旅遊特輯姣黐 新紮男神余德丞;八月余德丞踢波昏迷入住ICU,風頭火勢蔡思貝仍兩度 踩去醫院試圖探對方。據知情者透露:「連Dickson(余德丞)媽咪都唔滿意 思貝咁樣走嚟,怕畀人亂講,同無綫嗰邊投訴,公司先下令唔畀班女藝人 再去醫院。」

余德丞八月踢波昏迷入院,蔡思貝兩度去醫院試圖探望都被拒進 入病房,事件更引起無綫高層不 滿,不過余德丞康復復工,蔡思 貝又趁機繼續黐實男神。
張衞健
張衞健
張衞健在國內一直保持人氣,剛過去 的中秋節就為央視做中秋節目。

唔聽話搞死自己,蔡思貝早已飛出無綫受捧名單,就連 原本由她擔正女一的新劇《鐵探》,她亦被大減戲份,無綫專 登加插張寶兒入劇,同余德丞加入感情線。不過累己仲累 人,首當其衝被她拖累的張衞健套《大帥哥》播出無期,應該 最無辜!

無綫日前舉行大型記者會,公布今年三套台慶劇,亦透露明年三套重頭劇,劇中演員大 晒冷合照,但就完全冇提張衞健《大帥哥》。

參與討論劇本

事實上,無綫成功請到夠份量又好戲的福將張衞健回 歸,當日Dicky在記者會上表示,是畀珍姐(曾勵珍「)的」佢返 嚟,坦承不計酬勞更推掉唔少工作接拍《大帥哥》,珍姐當場 亦被感動至落淚。據知情者透露:「拍TVB劇出名辛苦,酬勞 更加同內地劇嘅價冇得比,Dicky答應返嚟,係覺得珍姐好有 誠意,好多嘢都肯配合佢,好似每日畀足十個鐘佢休息,亦 答應畀佢參與討論劇本,佢真係好想再拍一部高質素廣東話 劇,不過大熱天時去到佛山拍外景,Dicky係緊張大師樣樣親 力親為都好大壓力,好多大場面佢都冇用替身自己拍,加上 為咗呢套劇,佢推咗好多工作,賺少好多錢,呢次佢真係蝕 住返嚟幫無綫㗎!佢都估唔到拍得咁辛苦會變倉底貨!」將最 強外援變炮灰,無綫呢條數睇嚟都要再計一次!

張衞健
張衞健
張衞健遠赴佛山拍《大帥哥》,騎馬、 爆破、跳崖乜都做齊,十分搏命!
張衞健
張衞健
瞓身拍《大帥哥》的張衞健,去年又入 無綫為新劇巡禮做宣傳,仲同汪阿姐 碰杯好好傾。

同老婆分開半年

張衞健在佛山拍劇,老婆張茜因要在北京打理美容生意不能同 行,同老婆分開半年的Dicky, 坦言好彩老婆冇怨言!

上年七月,張茜在微博留言支持老公,字裡行間可見張衞健為 《大帥哥》付出不少心血!

最削陣容台慶劇

過去無綫台慶劇,一定係全年最具份量代表作品,上年三部台慶劇 分別有氣勢如虹的《溏心風暴3》、《誇世代》及《降魔的》,相比今年三套 卡士陣容都大跌Watt!

《兄弟》

蔡思貝唔聽話,無綫改捧近年入屋的朱晨麗,由她 與上年視帝王浩信擔演的 新劇《兄弟》在十一月推 出,成為今年重點台慶重 頭劇,食正12月台慶頒獎 禮,大有機會跑出。

《跳躍生命線》

台慶劇《跳躍生命線》將緊接《延禧攻略》播出。 劇中男一是馬德鐘,女 主角則有張曦雯、陳瀅 及劉佩玥,卡士都算削!

《是咁的,法官閣下!》

《是咁的,法官閣下!》,由首次擔演台慶劇的黃智賢及關禮傑孭重飛!

下年都冇份

近日無綫大力宣傳來年的三部重頭劇,分別是《白色強人》、《多功能老婆》及 《鐵探》,張衞健的《大帥哥》同樣冇份。

馬明繼《oncall36小時》演一件頭大受歡 迎後,今次在《白色強人》再做醫生,同 好戲嘅郭晉安合作。

《 多功能老婆》除咗請得楊千嬅拍,更是殿堂級編劇陳寶華回歸無綫之作,仲有好戲之人陳煒許紹雄主演!

《 鐵探》請得三屆金像影后惠英紅助陣,令人充滿期待。

視帝視后 花落誰家

在《深宮計》演太平公主被激讚演技超班的陳煒,被網民熱捧成今屆視后,煒哥最大對手,是在《 BB 來了》演新手媽媽被讚夠逼真的李佳芯!

王浩信上年憑《踩過界》封視 帝,今年再有份擔正台慶劇 《兄弟》,加上今年至今未有 男藝人有突出表現,令他大 有機會在無綫台慶頒獎禮冧莊。

延伸閱讀:

待母至孝 孝順仔煎Pang為病母心力交瘁

關注我們Facebook專頁
    相關新聞
      更多瀏覽