陳庭欣出海開船P狂晒「胸器」 李君妍逼到谷胸上陣!
2018年10月03日23:30

中秋節過咗,近日日夜天氣亦都開始轉涼,不過依然無阻一班女藝人出海開船P!今日,陳庭欣(Toby)就約埋成班女藝人朋友齊齊出海,心情勁靚嘅Toby仲大晒「胸器」,結果令一眾女藝人被比下去!

撰文:東方新地|圖片:Instagram、電視截圖

延伸閱讀:

傻傻分不清!盤點10對與女優撞樣女藝人

黎耀祥拍《殺手》被難倒 「胸襲」龔嘉欣足足16次!

陳庭欣出海開船P狂晒「胸器」

近日開始入秋,不過一眾女藝人依然無懼涼意,繼續出海大搞船P!陳庭欣(Toby)就約埋成班女藝人朋友如莊思明、李君妍、尹詩沛、譚嘉儀等出海,同時仲開埋big big channel進行拍攝,齋睇相都夠涼透心!

心情大靚嘅Toby著上印有鸚鵡圖案嘅三點式,輕鬆雙手舉起V字手勢,睇見就知佢有幾開心!而且,佢仲上載一張近鏡相,大晒33.5C蜜桃胸,非常吸睛!

難得有機會可以換上泳衣大騷身材,Toby一於著住套鸚鵡比堅尼四圍行兼拍片,但相信唔少人個目光都會唔覺意落咗喺佢嘅「胸器」上!

Toby拎住部電話喺船上四圍影。
不時仲微微嘟起個嘴。

李君妍逼到谷胸上陣

一向有身材嘅李君妍雖然就冇換上泳衣,不過著上吊帶背心嘅佢依然間唔時會不經意咁露出條長長事業線,同樣非常養眼!

李君妍又點會輕易俾Toby獨領風騷呀!
唔知係咪太大風嘅關係,李君妍同尹詩沛對眼都係矇住咁拍片,相當搞笑!

可能為咗可以一張相影哂四個人,大家逼埋一齊坐,令尹詩沛個膊頭壓咗落李君妍個胸度,搞到對方個胸差啲谷到上條頸!

白雲(左起)、李君妍、尹詩沛及陳庭欣個個都好好身材!
成班靚女齊齊哂靚相。

李君妍身材勁有睇頭

雖然話係靠打入行,但其實完全唔覺李君妍係粗魯男仔頭一類,佢樣子端好,細細粒不過身材勁爆,無論拍劇定私底下都絕不吝嗇騷身材,難怪喺網上有咁多男粉絲啦!

《特技人》李君妍演金毛𡃁模

李君妍就喺劇集《特技人》中演飾演𡃁模「袁丸」一角。雖然都係以一貫三、四線角色登場,但今次角色確係亮眼,一頭長金髮相當突出,而且攞正牌走性感路線,似乎比女主角傅嘉莉仲搶鏡喎!

李君妍
李君妍
每次出場例必性感!

Bra Top打拳搶風頭

早前劇中李君妍著住黑色Bra Top與傅嘉莉打拳,喺鏡頭前露出深長事業線!該幕一出隨即搶去傅嘉莉風頭,仲被網民稱該幕為「全劇最醒神亮點」!

觀眾們睇《特技人》除咗有女主角朱晨麗有機會騷身材外,原來做配角的李君妍都有份晒線!

擺正牌晒線的李君妍真係禾桿冚珍珠,單單著住件運動Bra Top已經有「逼爆」效果,難怪成功突圍搶鏡!

大Deep V唱〈明知故犯〉

日前《特技人》講到李君妍遭連番打擊,心情跌到落谷底,於是約埋一班有錢仔唱K劈酒消愁,睇佢唱〈明知故犯〉唱到幾咁傷心!不過同場的有錢仔自然另有目的……

李君妍
李君妍
重點當然唔係聽佢唱歌啦!
李君妍
李君妍
李君妍飲到醉晒,有錢仔話送佢返屋企,但當然唔係咁簡單啦!

方紹聰英雄救美

之後李君妍被人帶到後巷,幸好方紹聰(飾演糯米) 及時趕到將佢救走,但英雄救美並唔係咁有型,方紹聰亦被人打到豬頭咁!

《特技人》中李君妍與方紹聰係童年好友,李君妍做藝人後被方紹聰連番相救,而且自己失意時,對方永遠都陪伴在側,係女仔都感動啦!

李君妍
李君妍
之後李君妍除下高踭鞋…

夜媽媽跳芭蕾舞

原來李君妍想重現當年小學雞跳芭蕾舞的自己,於是隨著《天鵝湖》音樂翩翩起舞~

李君妍
李君妍
大家覺得李君妍跳成點呢?

激咀方紹聰

李君妍對方紹聰本來已有好感,呢一刻夜闌人靜又醉醉哋,感情一發不可收拾,即時攬住對方激咀!

玩埋「車震」!

之後兩人咀到上車,「車震」都玩埋!

兩個人喺車度咀成咁,有下一步行動其實都好正常,見到李君妍右手緩緩移向方紹聰身體下方,以為準備拉下拉鍊之際,方紹聰竟然上手阻止,果然係個正人君子!

李君妍
李君妍
李君妍都唔勉強佢,咁就繼續咀啦!

李君妍成功簽約做親生女

今年26歲的李君妍喺09年入無綫電視藝員訓練班,本身有武術底子,11年參加《功夫新星》後獲得不少演出機會,但都只係三、四線角色。捱咗接近10年,李君妍做過路人、記者、食客等閒,近年先開始有配角演。

李君妍
李君妍
當年參加《功夫新星》的李君妍
李君妍
李君妍
身手不凡!

李君妍喺《心理追兇》、《鐵馬戰車》及《警犬巴打》都係飾演女警,因而被網民封TVB「御用女警」。

值得同大家一提,入行將近十年,李君妍今年三月終於正式與TVB簽約,成為「親生女」!

李君妍坦言成為親生女後有人工加,而且同公司傾過,表達自己想行型格路線,佢仲對公司好有信心,相信會有更多新工作,而角色方面亦會越來越好!捱足近十年,希望李君妍嚟緊會有多啲演出機會啦!

延伸閱讀:

符曉薇自爆「爆笑生產記」穿羊水一刻陳柏宇懶理:「拍戲嗰啲唔係咁」

關注我們Facebook專頁
    相關新聞
      更多瀏覽