方媛遮肚晒腿入場睇戲撐老公 有心撇甩大肚傳聞!
2018年10月02日21:30

早前,郭富城(城城)與老婆方媛(Moka)慶祝女兒Chantelle一歲生日時,大爆自己將會「雙喜臨門」,令人懷疑Moka懷有第二胎!日前,Moka身體力行入場睇老公新戲《無雙》,但就著上寬闊冷衫,似乎有啲此地無銀喎!

撰文:東方新地|圖片:新傳媒圖片庫、微博

延伸閱讀:

網民慨嘆: 歲月不留人啊! 楊冪最新零P圖照指被老咗十年

網民: ViuTV啲執相技巧幾勁喎! 《廣告女皇》宣傳照公開被指貨不對辦

方媛公開最新體重

郭富城(城城)老婆方媛(Moka)早幾日就喺個人社交網上載兩張新相,第一張自拍見Moka著上紅色上衣兼戴上太陽眼鏡,另一張則係一張體重磅嘅相,上面就顯示「39.1公斤(約86磅)」,並留言指自己瘦出新高度!

方媛依家先得86磅,會唔會太瘦呢?
體重磅上顯示城嫂只有39.1公斤(約86磅)!

日前,城城宣傳新戲《無雙》,現身銅鑼灣鬧市派發印製成「錢」一樣的電影票「無雙幣」!

城城現身銅鑼灣派發印製成「錢」一樣的電影票,向行人宣傳電影「無雙」。

方媛入場睇戲撐老公

嗰頭老公城城忙住宣傳新戲,Moka就已經話咁快就走入戲院,以行動支持老公新戲!不過,香港要今個星期四先上畫,睇番佢上載嘅海報相係簡體字,原來Moka係喺內地撐老公!

Moka仲同發哥合照!
著上超大件鬆身冷衫嘅Moka唔通係想遮有孕肚仔?

雖然剛入初秋,但Moka已經著上一件鬆身紫色冷衫,再襯上短牛仔褲,除咗對腳,成個身形遮到實哂!早前先傳佢疑似有喜,依家咁睇唔通係此地無銀?

除咗對腳,齋睇上身,腰間好似望落粗咗啲。

郭富城認雙喜臨門

郭富城在日前為女兒慶祝一歲生日,在生日會上頻頻甜笑,一副慈父的樣子。據消息指,郭富城在生日會上向在場好友分享「雙喜臨門」,雖然未有確實說出是甚麼喜事,不過大部分人都猜想郭富城太太應該是懷上第二胎!

郭富城在51歲時迎娶30歲內地女模特兒方媛,去年喜獲掌上明珠,一嘗當爸爸的滋味。

郭富城 變愛妻號

城城由拍拖到半島酒店擺酒都低調進行,自從結婚後,不再避忌,唔止天王變慈父,更成為愛妻號。近日陪妻返家鄉補擺喜酒,網上流出一批城城和方媛在安徽省蕪湖市的四星級蕪湖南陵龍雲新世紀大酒店擺酒照片及片段。

郭富城
郭富城
郭富城同方媛去年4月拉埋天窗。

手抱9個月大囡囡敬酒超high!

相片所見城城以polo恤牛仔褲現身,打扮簡樸又年輕,方媛則穿著一條黑色喱士裙,端莊大方,天王出現,親朋戚友都拎起手機瘋狂影相,城城對鏡頭不但毫不避忌,更對住擺V手勢,全無架子,心情大好,又逐一向女方親友敬酒,更手抱9個月大囡囡滿場飛,城城抱女時笑到見牙唔見眼,冧笑望住囡囡,父愛氾濫!

郭富城
郭富城
網上圖片

內地擺喜酒相片流出後,又有城城和方媛半夜到便利店的閉路電視相片流出,原來愛妻號城城擺完酒後,半夜一點陪方媛到便利店買雞腳等零食,似乎是方媛半夜肚餓而出動覓食,城城則全程陪伴左右,被網民大讚體貼暖男!

郭富城
郭富城
網上圖片

城城抱住9個大的囡囡Chantelle,一臉滿足。

郭富城
郭富城

城城心情大好,對親友敬酒及拍照來者不拒,和太太方媛敬酒時,囡囡由傭人抱住,囡囡一頭濃密秀髮和一雙大眼睛,似足城城。

郭富城
郭富城

城城完全放下天王身段,逐一向每枱親友敬酒,方媛則緊隨其後!

郭富城
郭富城

對於被不停拍照,毫不影響城城的心情,更對住鏡頭立即靠近方媛及擺出V字手勢。

郭富城
郭富城

城城和方媛帶住囡囡,跟岳父岳母一起逐一敬酒,並不停說:「謝謝,大家吃個飯,慢慢吃。」

郭富城
郭富城

被封為「中國好男人、好丈夫、好女婿」

有網民知道城城陪老婆回鄉宴容,珍容他是蕪湖市的最大粒明星,甚至留言封他是「中國好男人、好丈夫、好女婿」!

郭富城
郭富城

跟長輩們合照!網民又讚城城keep得好,外表絕對不像52歲,跟30歲的城嫂很登對!

郭富城
郭富城

忙完一晚,回到酒店,凌晨一點城城和方媛再次出動,原來是方媛肚餓到便利店買零食充飢,城城化身暖男全程陪伴!

郭富城
郭富城

早前城嫂都晒過抱b女背影照。

方媛懷孕期間 媽媽貼身照顧

方媛與母親感情要好,產前城城唔得閒陪,方母即飛來港照顧兼陪high tea,而為分擔方媛湊女之苦,城城安排岳母由上海飛香港,更在城堡租多個底層連平台單位,讓岳母可以幫手湊孫。上月城城主演的新片《破‧局》首映,方母亦傍實方媛到場撐城城。

方媛
方媛
方媛陀B期間,方媽媽來港相伴,兩母女去high tea!

郭富城結婚一年 同方媛遊杜拜慶祝

4月18日係郭富城同太太方媛(Moka)結婚一周年,方媛喺網上分享旅行照片,但當時未見城城蹤影,不過正當大家估估吓之際,有內地網友話喺杜拜見到城城夫婦,仲話想同城城合照但被拒,原來佢哋去暫時放低囡囡Chantelle,外遊享受二人世界,真係甜蜜!

View this post on Instagram

good night😴💤…………

A post shared by @ mokafy on Apr 17, 2018 at 3:49pm PDT

Moka之後又喺微博貼相,又留言話:「太陽很大用圍巾遮一下,拍到幾隻可愛的野生小動物,分享給你們看,想給牠們餵點吃的」見Moka一身白色打扮又用圍巾包頭,同埋戴上太陽眼鏡,似係身處中東!

有網友喺微博貼相話喺杜拜見到城城,從相中所見,孭住背囊嘅城城,手挽住一大袋物品似係戰利品,而老婆Moka穿上同一條白裙撟住佢,好恩愛。

網友仲話想同城城合照但被拒,其實城城難得同太太拍拖旅行,梗係唔想被打擾,更加唔想地點洩漏啦!

睇睇Moka微博,原來之係佢同城城結婚一周年紀念,相信佢哋此行就係慶祝紀婚周年!

方媛錫住城城荷包 貼地戴平民價頸帶

貴為天王嫂的方媛,自為郭富城誕下千金Chantelle後,一直養尊處優及相夫教女,甚少露面。直至早前方媛再次出席公開活動,並不時放相上個人社交網,但就畀眼利粉絲發現,方媛原來好慳家,皆因佢所帶的頸帶款式是可在網上輕易購買得到,仲要是平民貼地價!

方媛 獲老公支持

產後甚少露面的方媛,早前再次出席公開活動,並在活動中透露愛妻的郭富城沒有要求佢減少工作量,因為老公一直都很支持自已可以做自己喜歡的工作,所以沒有對佢工作有任何規限。

方媛車廂自拍

此外方媛又在社交網上載了一張在車廂內自拍的相片。見到方媛換上一頭長直髮的新髮型,身穿黑色上衣,再戴上型格黑色蕾絲頸帶,非常之Chok!但由於張相可能在行車期間拍攝,所以睇落有啲模糊,實屬美中不足,但仍不乏朦朧美~

方媛原來知慳識儉

而竟然有眼利的粉絲發現,方媛所帶的黑色頸帶,原來同幾年前佢為廠商做模特兒拍攝時的頸帶同一個款,不過當時所戴的是白色。但重點嚟啦,方媛所帶的頸帶,原來網購價只需11.9人仔!貴為天王嫂的方媛依然知慳識儉,除了將條頸帶重覆帶上,仲識錫住老公荷包,認真抵讚!

頸帶只售11.9人仔!
頸帶有黑、白兩色。

郭富城餅印B女曝光

睇番郭富城與上海女模方媛去年4月奉女成婚,自從有了小公主Chantelle,郭富城不時對外分享做爸爸的喜悅,9月中他在社交網大晒以「小手捉大手」的全家福,透露女兒的英文名Chantelle是有希望的意思。

郭富城
郭富城
郭富城工作雖忙,但不忘抽空陪方媛!

郭富城
郭富城

郭富城
郭富城

方媛生B後甚少露面,和囡囡長期留在位於大坑的「城堡」。早前本刊影到身穿睡衣素顏的方媛與母親抱住Chantelle行出平台散步曬太陽,城B終於首曝光,Chantelle遺傳了父母的高顏值,圓碌碌的大眼睛、脹卜卜的面珠、皮膚白裡透紅,精靈可愛!

郭富城
郭富城
方媛挨近平台一時托頭一時咬手指,悶悶 不樂的樣子,莫非是等待忙爆的城城早日 完成工作歸來?
Chantelle不時被媽咪逗到笑瞇瞇,非常可愛,亦睇得出方媛很享受湊女之樂。
初生BB每兩、三個鐘就要餵哺一次人奶,方媛推住車出平台逗留15分鐘,只見Chantelle腳印印手揈揈,看來是剛剛食飽出去散步。
郭富城
郭富城
郭富城童年照

View this post on Instagram

👶 新年好 ❤️❤️❤️

A post shared by Aaron (@aaronkwokxx) on Feb 25, 2018 at 12:51am PST

延伸閱讀:

將會喊足全場!「巴斯光年」透露《反斗奇兵4》 最後一幕太虐心 仲慘過《復仇者聯盟3》!

關注我們Facebook專頁
    相關新聞
      更多瀏覽