《多功能老婆》拍5個月至煞科!楊千嬅 自爆對唔住一個人⋯
2018年09月27日12:46

楊千嬅、周柏豪、黄浩然等一眾《多功能老婆》演員,昨日到將軍澳出席劇集煞科宴,千嬅話慶幸認識到好演員及好編劇,而劇集可能明年才播,而佢入行以來從未試過拍一套劇拍足5個月,連朋友都笑問佢套劇係咪70集長劇,千嬅話加上超級颱風山竹襲港一度停拍,之後又要補拍,好似拍極都唔完咁,而佢又自爆因為拍呢套劇對唔住一個人⋯

撰文:東方新地 圖片:新傳媒圖片、楊千嬅IG

延伸閱讀:

吳若希嬲爆:「畀我知道一啲嘢!」自揭曾經被老公背叛

網上瘋傳張雨綺持刀開拖 老公背部兩處割傷

楊千嬅 《多功能老婆》拍5個月至煞科

千嬅接受傳媒訪問時表示,《多功能老婆》5月7日開機,未試過拍5個月咁耐,煞科有少少唔捨得,她又形容過程辛苦但開心,因為佢都好少拍以女性為題材的劇集,佢又話:「有一日要拍好多慘戲,喊足4個鐘,喊到唔知自己做乜,眼都腫晒,做唔到戲!」

周柏豪透露拍攝期間氣氛都好開心,至於在劇中要錫千嬅,佢笑言:「係唔小心咁錫咗一啖,要演不小心錫到,好難拍,要拍好多次」但佢話拍呢場戲都幾開心。

新劇明年至有得睇,但劇中千嬅原來同許紹雄再合作,令小編即刻諗起《新紮師妹》方麗娟同「方鍾Sir」!

電影《新紮師妹》截圖

大家仲記得《新紮師妹》呢一幕嘛?周驄睇到個Sir字,還謙遜地說:「真是活到老學到老!」

千嬅話自己在暑假冇機會陪兒子丁進諾:「阿仔好失落咁開咗學,佢話以後佢拍戲,我留喺屋企,我諗咗陣就同佢講Sorry。(點補償?)其實今次係好機會話畀佢知每人都有工作,佢將來都有,不過我之後安排時間會好啲,今次真係成個月見唔到。」

千嬅拍劇中途要去拍電影,她認為拍這套劇是個很好的訓練,問到下次仲拍唔拍劇?她笑言:「睇吓有冇事先,可能人哋唔搵我呢!」

她又感激老公丁子高照顧兒子及屋企:「佢做唔到其他嘢,淨係可以陪我同陪個仔,依家開咗學好多家長活動。」千嬅話所以拍攝辛苦,但好有滿足感。

View this post on Instagram

Finally …. ❤️ 中秋節快樂🐰

A post shared by 楊千嬅 (@yeungchinwah) on Sep 23, 2018 at 12:21am PDT

又係嘅!千嬅年年都會抽空陪個仔開學,今年就甩底,Torres唔嬲就假!

楊千嬅 押後追B

今次楊千嬅再拍TVB劇,拍檔有周柏豪、黃錦燊、陳煒、黃浩然、袁文傑、洪永城、朱晨麗等,佢話:「舊年12月中我開演唱會嗰陣,Sandy姐(余詠珊)打畀丁生,話陳寶華 (《多功能老婆》監製) 想搵我拍劇,仲話覺得個角色好似我!」

楊千嬅
楊千嬅
「方麗娟」楊千嬅同「劍雄」黃浩然繼03年《新紮師妹2美麗任務》後再合作,喺新劇做夫妻。
楊千嬅
楊千嬅
劇集除咗楊千嬅同黃浩然,仲有周柏豪做主角。

楊千嬅仲話為咗今次拍劇要押後追B嘅大計:「不過套劇喺暑假先開工,基本上對家庭冇咁大影響,中間都有時間休息,唔會好似以前咁chur!」

楊千嬅
楊千嬅
監製陳寶華曾經編寫過《真情》同《十月初五的月光》等劇。
吳若希 楊千嬅
吳若希 楊千嬅
吳若希去年生女後首次拍劇,飾演周柏豪女友。
洪永城 朱晨麗 楊千嬅
洪永城 朱晨麗 楊千嬅
洪永城就演富二代,同演空姐嘅朱晨麗做夫妻。

多演活潑角色

楊千嬅入行23年,拍過唔少無綫劇,包括97年嘅《隱形怪傑》、《美味天王》,以及98年嘅《外父唔怕做》等,當年活潑又青澀嘅模樣,令觀眾留下深刻印象。

1997年《隱形怪傑》

楊千嬅飾演區珊珊,性格佻皮活潑,精靈可愛,口甜舌滑,最擅長向父兄撒嬌,為人數口精明,賺錢至上,頗有生意頭腦,懂得把握時機,是進取型的少女。同劇仲有林家棟、林保怡、陳妙瑛等。

楊千嬅
楊千嬅
劇中楊千嬅演林家棟細妹,同梁漢文係男女朋友。

1997年《美味天王》

《美味天王》主角係歐陽震華、關詠荷、宣萱、古天樂同張可頤,楊千嬅演古天樂前女友,戲份不多。

楊千嬅
楊千嬅
劇中楊千嬅同古天樂拍拖,後分手。
楊千嬅
楊千嬅
之後古天樂同張可頤成為一對。

1998年《外父唔怕做》

由楊千嬅、張家輝、秦沛、苑瓊丹主演,最高收視有成38點,有成187萬睇㗎!成為1999年無線電視劇集收視第8位(當年《狀王宋世傑−貳》排首位有42點 )!千嬅仲唱埋主題曲〈讓我飛〉!

楊千嬅
楊千嬅
劇中楊千嬅同張家輝做夫妻,秦沛係外父,楊千嬅同秦沛去年喺電影《春嬌救志明》再合作演父女。
楊千嬅
楊千嬅
當年楊千嬅仲唱埋劇集主題曲。

2001年《美味情緣》

由陳慧珊、吳啟華、林峯、楊千嬅主演,千嬅仲包辦唱主題曲〈美味情緣〉同插曲〈快樂與哀愁〉,最高收視有43點,有203萬人睇!

楊千嬅
楊千嬅
2001年無線電視劇集收視第6位 (當年《尋秦記》排首位) 楊千嬅同拍檔林峯仲憑呢套劇獲提名2001年度萬千星輝賀台慶「本年度我最喜愛的拍檔(戲劇組)」,但就未有獲奬!
楊千嬅
楊千嬅
楊千嬅劇中演海鮮酒家侍應,同林峯拍拖。

2007年《森之愛情》

楊千嬅話自己對上一次拍無綫劇已經係01年同林峯拍嘅《美味情緣》,但其實之後楊千嬅都有拍過TVB劇㗎!不過就係單元劇同客串演出。好似在《森之愛情》曾經同森美、小儀合作,喺第10集「天使夢」中千嬅飾演Nicole,套劇係改編自商台同名廣播劇的青春偶像單元劇,逢星期日晚出街。

楊千嬅
楊千嬅
劇中楊千嬅自稱有夢遊症;但根據現實世界嘅心理學,診斷佢嘅症狀係患有解離症。

楊千嬅
楊千嬅

楊千嬅
楊千嬅

2006年《老馮日記》(客串) 、2009年《廉政行動》(客串)

06年楊千嬅客串過馮德倫自編自導自演嘅處境喜劇《老馮日記》,之後tvb同廉政公署合作拍攝嘅《廉政行動2009》,千嬅也有份客串演出,扮演廉政公署總調查主任。

楊千嬅
楊千嬅
楊千嬅曾在《廉政行動2009》客串飾演廉政公署總調查主任。

!–nextpage–>

清水灣1,700萬豪宅新居全公開!Kenny關智斌 珍藏模型大晒冷

【延禧攻略】「傅恒」落機全程黑面拒收fans禮物 許凱否認耍大牌

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

0
0

【港姐2018】港姐踏入45年!細數10項歷屆冠軍之最

延伸閱讀:

昆凌 激罕晒囝囝正面相 網民:個嘴同周杰倫同款

關注我們Facebook專頁
    相關新聞
      更多瀏覽