群星中秋點過?性感雷凱欣 同囝囝出海過節
2018年09月26日20:18

中秋節係人月倆團圓嘅日子,相信大家都同屋企人一齊,過咗一個溫馨愉快嘅晚上!至於一眾星級家庭,喺呢個中秋節,都以不同方式過節,好似雷凱欣咁,自低調嫁人退隱後,如果唔係今年2月去東京撞到Yumiko,都未必會令「媽媽」身份曝光,昔日嘅性感,更加幾乎絕迹於IG!不過尋日中秋節,雷神同囝囝等家人出海過節,就罕有再現性感賀中秋喇!

編輯:東方新地 原文:Sunday Kiss 圖片:雷凱欣、楊千嬅、張繼聰、林志穎、林嘉欣、梁詠琪、陳茵媺、宋熙年IG

延伸閱讀:

陳柏宇初為人父即變晒女狂魔 老婆醋意大爆發!

17歲初戀過中秋節 麥明詩:打足一晚茄輪

雷凱欣 罕有性感賀中秋

睇過雷神嘅IG,好多時都係晒風景,晒美食,晒潮物,不過自從個仔曝咗光之後,雷神就經常喺IG PO個仔嘅相,成日一齊都去旅行,坐遊艇出海玩。今個中秋,雷神又同個仔出海玩,但係今次焦點就唔再係囝囝有幾可愛,而係「收埋」自己多時嘅雷神,竟然再晒泳裝,雖係係一件頭泳衣,但係個Deep V就V到落肚臍,打側瞓喺甲板上,搶晒個他鏡。

晒完Deep V,又晒美腿!睇雷神好似好梳乎,但係佢就話其實遊船河係好攰㗎⋯⋯哦!

因為囝囝只係得歲幾,又未識玩燈籠,所以相中未見有太多中秋特色,反而一如以往,每次同囝囝影相,都好悉心打造佢成為一個潮B。

幾乎次次出場都着靚靚!

楊千嬅切大月餅

中秋節食月餅是常識吧!楊千嬅尋晚(24/9)就同親友喺屋企過節,最震撼就係當場切咗12黃巨形月餅!呢個餅足足夠30人食!

千嬅仲話自己最愛傳統口味!不過12黃⋯⋯希望佢哋係一齊分享啦!蛋黃好高膽固醇㗎!

林志穎同女神過節?

最令人意外,就係童顏不老嘅林志穎,喺中秋節正日,竟然係同女神鍾麗緹一家一齊,喺泳池邊大搞燒烤派對!

48歲嘅鍾麗緹,大小志5年,佢哋係喺2002年,合作拍大陸劇《天龍八部》嗰陣識嘅。16年之後,「段譽」同「馬夫人」已經分別係3個小朋友嘅爸爸同媽媽啦!

呢個Party真係豪!淨係個泳池已經超大!相中Kimi喺池邊,睇住鍾麗緹兩個囡囡游水。

雖然小志冇PO Kimi嘅正面相,但係9歲嘅Kimi已經大個仔喇,識得自己燒嘢食!

又燒嘢食,又游水,又玩大富翁,大家玩得不知幾開心!

小志仲PO咗張扮吞月亮嘅鬼馬相!

張繼聰 謝安琪 開自家花燈會

係人都知,張繼聰同謝安琪住喺大埔豪宅,間屋對住個無敵海景,中秋節佢哋一家人就喺屋企食飯聚天倫!

View this post on Instagram

中秋.團圓❤️

A post shared by 張繼聰 Louis (@louischeung2013) on Sep 24, 2018 at 9:22am PDT

晚飯期間,仲有妹妹表演魔術助興!

食完飯,就將自己個天台,變咗做花燈會喇!排滿風琴式紙燈籠,好靚呀!

View this post on Instagram

中秋節.賞月❤️ 快樂😘

A post shared by 張繼聰 Louis (@louischeung2013) on Sep 24, 2018 at 9:28am PDT

尋晚天色都算唔錯,夜晚又有點涼意,最適合就係賞月啦!睇吓阿Kay同個女一齊賞月,幾enjoy!

玩完賞月又玩錫錫,好溫馨呀!

大時大節,11歲嘅哥哥張膽,就一個咁坐咗喺天台望月,型到呢!

型到媽咪都要學吓!

大時大節,「晒囡狂魔」又點會唔把握機會晒吓!

林嘉欣食囡囡手整月餅

林嘉欣係月餅代言人,代言月餅固然有棒場,但係中秋節正日,5歲細女就親日整咗個香橙朱古力皮月餅佢嘆,幸福的味道,真係聽到都知夠晒甜!

梁詠琪情迷燈籠

梁詠琪真係好鍾意玩燈籠,玩到同時攞住5個燈籠喺手,有品牌產品,亦有小朋友手繪作品,睇佢玩得幾開心!

陳茵媺整傳統湯圓

喺外國長大,十分洋化嘅陳茵媺,就趁中秋節同屋企人食團圓飯,佢仲親自準備甜品,睇材料似係想整紅棗桂花湯圓,口味真係夠晒傳統呀!

宋熙年獨自湊仔過中秋

因為老公Jason去咗德國,所以宋熙年同老公做咗爸爸媽媽後嘅第一個中秋節,就要分開過喇!亦因為咁Sarah更感受到呢一刻老公對佢嘅重要性!事關而家所有照顧BB、清潔換片,都要佢自己嚟喇!

清水灣1,700萬豪宅全公開!關智斌 珍藏模型大晒冷

全家都鍾意游水|陳浩民 月租10萬天池屋

【延禧攻略】原班人馬開新劇!《皓鑭傳》邊個冇得留低?

【延禧攻略】「傅恒」落機全程黑面拒收fans禮物 許凱否認耍大牌

有情有義 情路坎坷!邵美琪 靚足33年

0
0

【港姐2018】港姐踏入45年!細數10項歷屆冠軍之最

延伸閱讀:

PlayStation召集紅人玩Cosplay Lilian Kan化身索爆「娜美」

關注我們Facebook專頁
    相關新聞
      更多瀏覽