同家傭提早慶中秋!張繼聰細女 屋企搞花燈晚會
2018年09月24日15:25

張繼聰除咗最愛喺個人社交網同老婆謝安琪閃爆留言外,另一樣最鐘意嘅就係放囡囡張靖(KaKa Ball)嘅可愛萌爆片同大家分享!近日阿聰就話KaKa Ball見中秋臨近,喺屋企大搞花燈晚會⋯⋯

撰文:東方新地 圖片:張繼聰IG

延伸閱讀:

玩跪地求婚? 蔡思貝同余德丞影「全家幅」

獲邀到米蘭時裝周 龔慈恩 孖仙氣女試新裝

張繼聰細女 屋企搞花燈晚會

住家男張繼聰最愛一對子女,日前佢就上載左擁右抱照,一手抱KaKa Ball,另一手抱囝囝張瞻,阿聰笑言兒子真心錫,妹妹係借位,搞笑又甜蜜!

KaKa Ball未到中秋已收到好多花燈,阿聰笑言囡囡見中秋臨近,喺屋企同工人姐姐搞花燈晚會,見KaKa Ball同姐姐們玩得好開心,相信佢哋嘅感情都相當好!

仲有片睇:

張繼聰教定一歲囡囡拒絕男生

一向都知張繼聰勁錫寶貝女KaKa Ball,阿女出世後就已經外父上身話:「諗到佢將來有男仔拖佢手我已經嬲!」日前,佢喺個人社交網上載兩段關於囡囡嘅短片,教個女點樣拒絕男仔!

張靖開頭坐唔穩兼趴地嗌「哎呀」,之後坐定定老竇就指示:「坐低先,123,哼吖。」

KaKa Ball呢個眼神好似見到仇人咁,將來啲男仔點敢追張繼聰個女呢?

張靖就即刻扁起嘴仔、交叉繑手兼擰歪面,再高傲咁發出「哼」一聲,十分趣緻!

大讚有老婆風範

睇到囡囡咁叻豬,充滿成功感嘅張繼聰就留言:「好努力教妹妹第日啲𡃁仔想約佢去街嘅反應 #哼 #依家放心哂 #有佢媽咪嘅風范(範)」言詞中就仲透露咗老婆謝安琪都係咁,原來最終目的係想KaKa Ball將來似媽咪咁拒絕男仔!

張繼聰因狗狗呷醋

近日,張繼聰於個人社交網上載幾張囡囡張靖(乳名KaKa Ball)同愛犬一齊嘅相,見到隻狗狗體形大過KaKa Ball幾倍,但KaKa Ball一啲都唔驚,仲成個頭挨落狗狗個身到又錫錫,兩者非常親密!

而爸爸張繼聰可能因為囡囡唔理佢,反而去同狗狗一齊傾計,結果唯有在相中酸酸的留言話:「有咩咁好傾呀兩位小姐?」

狗狗全程表現乖巧,任KaKa Ball點對佢,都只係坐喺地下望住小主人。見到KaKa Ball除咁錫錫狗狗,又摸摸狗狗個頭,真係可愛到爆!

張繼聰囡囡為零食嗌爸爸

之後,張繼聰又再度分享一段囡囡嘅短片,片中佢問呀囡要唔要食嘢食,而得意到暈嘅KaKa Ball擺出一副極之楚楚可憐嘅樣,邊點頭邊係咁嗌爸爸、爸爸,睇到人心都軟哂,難怪連爸爸都冇哂佢符,緊係要俾零食囡囡啦!

個女得意到咁,張繼聰都要留言講句:「唉,你話吖,點抵擋呀?」,就交網友都話KaKa Ball太萌,段片連環睇左十次!

張繼聰凸肚腩

張繼聰早前帶住老婆謝安琪、囝囝張瞻、囡囡張靖一家四口去到石門嘅賽馬會傑志中心參加活動,網民嘅金睛火眼第一時間留意到阿聰以往fit爆嘅身材竟然走晒樣,凸咗個肚腩出嚟!不過阿聰都好快作出回應:「將個焦點放係我個肚腩嘅朋友仔們,留意番,無錯,我係重咗幾十磅 (為咗角色,我無悔)」唔知係咩角色令阿聰要做咁大犧牲呢?

張繼聰
張繼聰
囝囝張瞻著晒成副踢波嘅裝備上身,睇嚟佢先係呢次活動嘅主角!
張繼聰
張繼聰
嗱嗱嗱!冇花冇假,個肚腩真係凸咗出嚟!

張繼聰單手抱住囡囡「的」波,要保持平衡,的確有啲難度,難得佢只有一兩下係「的」歪咗,都算係咁,不過個肚腩無論喺咩角度睇,都真係好凸出喎!

張繼聰
張繼聰
張繼聰
張繼聰

之後張繼聰再上載同囡囡KaKa Ball單獨喺草地上玩嘅短片,仲攬到實一實,標明話係「浪漫」,sweet到呢,小心老婆呷醋呀!

張繼聰
張繼聰

張繼聰
張繼聰

張繼聰
張繼聰

睇翻昔日張繼聰嘅爆肌相,唔只有胸肌同腹肌,仲要操到青筋都現埋,真係拍得住張家輝當年拍《激戰》咁fit!

張繼聰
張繼聰

張繼聰
張繼聰

張繼聰
張繼聰

渣男周永恒再婚… 盤點10個世紀賤男

延伸閱讀:

細女3歲生日 湯盈盈 特製大蛋糕慶祝

關注我們Facebook專頁
    相關新聞
      更多瀏覽