《珠光寶氣》演索爆大家姐 邵美琪 那些年最愛冬菇頭
2018年09月23日16:38

最近無綫重播以邵美琪(Maggie)、黎姿同蔡少芬三姊妹嫁入豪門為故事嘅08年劇集《珠光寶氣》,Maggie當年43歲同而家53歲嘅佢同樣明艷照人,今期搵嚟Maggie廿歲出頭相,髮型更加係千變萬化,令人驚訝!

撰文:東方新地 圖片:新傳媒圖片

延伸閱讀:

為照顧自閉兒 曾全面停工 │ 陳錦鴻: 給予自閉童多點耐性

下月開騷 粉絲求加場 BOYZ演唱會門票被秒殺

張繼聰大讚邵美琪:美若天仙

張繼聰、邵美琪、周秀娜早前出席電影《女皇撞到正》慰勞宴,阿聰在戲中分別被飾演靈體的邵美琪、葛民輝、吳耀漢上身,鬧出不少笑話。阿聰說︰「我們之前合作拍劇時相處了五、六個月,她(邵美琪)在我心目中美若天仙,不敢醜化。我很欣賞邵美琪,人又靚,演技又好。讀書時,每次見到她出場,我立即停下來不做功課。」

《珠光寶氣》演見錢開眼港女

早前在深宵神劇《刑事偵緝檔案IV》大結局後,由大堆頭製作《珠光寶氣》頂上,兩套劇都有邵美琪嘅擔綱演出。其中《珠光寶氣》劇情講述康氏三姊妹康雅言(邵美琪飾)、康雅瞳(黎姿飾)和康雅思(蔡少芬飾)各自在愛情路上汲取教訓後,目標一致地視「嫁個有錢人」為人生目標……而佢哋嘅媽媽白筱柔(李司棋飾)亦係見錢開眼,積極將三個女兒捧進上流社會。至於故事中的幾位鑽石王老五-高長勝(林保怡飾)、賀哲男(陳豪飾)、賀峰(岳華飾)正正是三姊妹的最佳人選……

珠光寶氣
珠光寶氣

珠光寶氣
珠光寶氣

邵美琪、黎姿、蔡少芬 兩度合作

其實邵美琪、黎姿、蔡少芬呢個靚女花旦嘅組合,並非首次合作,她們先後在《珠光寶氣》和《火舞黃沙》中合作,呢啲組合,依家難再見到喇!

邵美琪
邵美琪
《火舞黃沙》劇照

無心插柳入行

入行33年的Maggie,本來是醫務所裏的一位護士,因為陪伴朋友投考無綫電視藝員訓練班,而獲得當時的導師賞識,叫她一同遞交申請表格。結果她放棄了當護士的機會,成為了一名演員。邵美琪由1984年無綫電視第二期藝員訓練班踏入演藝界,同期同學有鄧萃雯、黎美嫻、郭富城、陳庭威等。85年正式出道,當時Maggie曾為張學友的《情已逝》及《輕撫你的臉》的MV做女主角。及後她演出機會不斷,更成為無綫80、90年代力捧的當家花旦之一。

邵美琪
邵美琪
《開心女鬼》劇照

Maggie出道不久,就同任達華合作過!

88年23歲扮成熟

88年邵美琪聯同《義不容情》幾位男主女角會見傳媒,Maggie服裝相當成熟,佢當年得23歲卻出奇咁冇違和感,而佢亦憑此劇畀力捧成新一代花旦。

87年兩執頭髮好好睇

圖中嘅邵美琪22歲,將兩執頭髮撥出嚟,型格又好睇。

88年可愛扮影記者

一身牛仔裝嘅邵美琪一見到記者影佢,Maggie即刻整咗個好似相框嘅手勢度位反拍對方,盡顯天真可愛一面。

89年罕見冬菇頭裝

89年邵美琪喺無綫劇集《我本善良》梳咗個罕見冬菇頭,令人耳目一新,當年好多女人都模仿。

89年潮換最新髮型

除咗bob頭,89年年尾邵美琪亦轉咗新髮型,呢個八十年代尾相當流行嘅髮型,唔少年輕女星如鄧萃雯等都梳過。

88年反傳統賀年相

影賀年相係藝人指定動作,88年邵美琪一身紅色冷衫只以微笑同大家拜年,冇公式嘅作揖或揸揮春全盒,相當反傳統。

87年首擔正拍華仔

87年邵美琪喺奇幻古裝劇《天狼劫》首次擔正女主角,扮相極之靚,而男主角係畀無綫雪藏年半後再拍劇嘅劉德華,華仔拍完就約滿離開TVB,但《天狼劫》只係出過錄影帶冇正式播過,近年先喺無綫經典台播出。

《天狼劫》劇照

87年孖關禮傑合演

邵美琪87年喺古裝劇《飲馬江湖》造型美艷,命運卻非常悲慘,畀老竇安排下嫁世代為敵嘅堡主個仔關禮傑以求和解,但佢為人殘暴,Maggie演得惹人憐惜。

91年同李嘉欣鬥靚

91年邵美琪著西裝梳bob頭戴金絲眼鏡以罕有中性打扮出席公開場合,期間巧遇大美人李嘉欣即刻合照,一個靚到絕,一個就型到爆,各有各靚。

92年著婚紗嫁伊健

92無綫花旦邵美琪喺拍攝劇集《九反威龍》時,同細佢兩年兼名氣唔大嘅鄭伊健共譜姊弟戀,戲內Maggie披婚紗嫁伊健,戲外兩人拍拖七年分手收場。

《今生無悔》演黎明女友

90年代,邵美琪已成為大台當紅花旦,90年她在《我本善良》中和溫兆倫合演情侶,到了91年的《今生無悔》並沒有再撮合溫兆倫和邵美琪,她反而周旋於黎明及周海媚之間的感情;劇中黎明演浪子程朗,而他最愛的是由邵美琪扮演的越南難民展翹,也是她的經典作品之一。

2016年,邵美琪憑藉《刀下留人》花蕊紅一角,於《萬千星輝頒獎典禮2016》中獲提名「最佳女主角」並入圍最後五強。

《PTU》成電影代表作

Maggie拍過無數劇集及電影,要數經典一定係杜琪峰執導嘅《PTU》,她在戲中演為求升職上位不惜取巧走捷徑的火爆女沙展,而Maggie也憑此電影獲提名「最佳女配角」!

40歲大晒34C半球

05年40歲嘅邵美琪擔任陳妙瑛豐胸產品代言人拍廣告,24吋纖腰豐胸瘦身嘅佢罕見露半球,34C堅挺巨乳呼之欲出。

41歲 露四吋乳溝

邵美琪05年年過四十露肉拍豐胸產品廣告迴響極大,翌年添食三點式上陣露出四吋乳溝,極度吸睛。

入行33年 曾有5段情

邵美琪84年入行,同當時擔任編劇嘅戚其義拍拖,兩人相戀6年後分手,但再見亦是朋友。

92年 戀伊健最哄動

今年53歲嘅邵美琪,入行33年,情路崎嶇,5段情都未能開花結果。要數最哄動嘅仲係同鄭伊健嘅一段情。92年,邵美琪同鄭伊健合作《九反威龍》撻著!

28歲 伊健陪結婚

94年邵美琪喺劇集《第三類法庭》同伍衛國拍結婚戲,化妝同婚紗都一般,而92年已同Maggie拍拖嘅鄭伊健以便服一齊影合照。

伊健曾承諾照顧佢一生一世,可惜之後梁詠琪介入、上演轟動全城嘅「奪麵雙琪」,邵美琪成為輸家敗走,傷得好深!不過Maggie為人厚度,未曾說過半句壞話,多年後鄭伊健同蒙嘉慧結婚,她也大方送上祝福!

戀上施祖男

鄭伊健劈腿梁詠琪後,邵美琪再遇上細佢10年嘅施祖男,期間有傳Maggie好積極搵job俾工作量唔多嘅施祖男,本刊早年曾拍得二人拍拖去超市買日用品及零食,由Maggie付款。呢段姊弟戀維持咗6年,最後有傳施另結新歡!

同黃德斌傳緋聞

03年,邵美琪被拍到同身家過億嘅已婚「圍村地王」鄭倫光同遊北京,喺機艙內,邵美琪仲挨住男方膊頭。及至06年,邵美琪同黃德斌合作《火舞黃沙》而傳出緋聞,兩個經常喺眾目睽睽下打情罵俏咬耳仔,但最終都係冇米粥。

幫好友曹永廉還卡數

近日《兄弟大茶飯》熱播,節目中蕭正楠同曹永廉兄弟檔上陣一齊四出搵食,仲煮食慰勞一班藝員,節目輕鬆搞笑,播出以來反應不俗!其實蕭正楠同曹永廉那些年都係歌手出身,其中阿廉星途麻麻,佢惟有簽大台拍劇,不過阿廉自爆曾經因為要置裝見人出騷而買名牌衫,結果欠下一身卡數,最後居然係邵美琪(Maggie)幫手還債﹐阿廉重提都好感謝對方嘅仗義幫手⋯

不為理想只為生活

而第3集,除咗阿蕭飛去橫店煮大鑊飯畀拍緊新劇《包青天 – 再起風雲》嘅演員食,有份演《包青天 – 再起風雲》嘅阿曹也偷偷地抽時間下廚,煮小菜慰勞大家!食到一半,蕭正楠講起上嚟橫店煮大餐都唔容易,曹永廉就當然要寸吓佢話蕭正楠都有收演出費㗎嘛!但蕭正楠就串番曹永廉話佢拍劇為錢冇理想啊!年輕人,係咩驅使你啊?阿廉直認係鹹魚,係窮,仲話要生活唔可以只談夢想!佢講呢番說話,其實因為未紅前曾經做歌手,而且霉過好幾年,更加欠下十多萬卡數!

係窮啊!

曹永廉 歌手星途暗淡

事關阿廉喺1994年以歌手身份出道,仲喺同年勇奪大台十大勁歌金曲頒獎典禮嘅新人獎銅獎!阿廉喺出道嘅短短兩年間已經推出咗三張個人大碟,包括《情深款款》、《唯一的女神》同埋《不惜一切》!可惜,阿廉當年星途暗淡,最後佢決定暫停歌手生涯,由經理人搭路入TVB簽約做藝員,不過佢話經理人話搭路成功,但講畀佢知個底薪時,阿廉聽到係喊咗出嚟,因為係低到喊,但最後都係簽約,因為阿曹自知人氣低,要拍劇才能入屋!

歌手出身
歌手出身

感激邵美琪幫手還卡數

阿廉話以前覺得娛圈跟紅頂白,人靠衣裝,佢不時喺名店、尖沙嘴百利買衫置裝,次次碌信用卡找數,結果條數愈滾愈大,卒之欠下十多萬卡數,但因為人工低一直只能還min pay!直至加盟TVB一年後,阿廉被安排拍《妙手仁心III》,劇中佢同邵美琪情侶演出頗受歡迎,不少商演搵二人一齊出騷,邵美琪雖然入行以來一向都唔做情侶檔出騷,但她知道阿廉欠下大筆卡數,為了令他可以還清債項,才答應與他情侶檔登台,阿廉說:「好多謝佢!佢一向都唔做,但佢亦都知佢唔做我就冇得做,冇得做就還唔到錢,所以佢都幫我手還咗大部分債項。」

後來阿廉人氣上升,工作量漸多,他劇接劇之餘,仲有得出騷同登台,好快還清所有卡數,佢也決定cut剩一張信用卡!

其實近年大台都俾咗唔少機會阿廉重返舞台,就好似《流行經典五十年》都搵咗佢做嘉賓一展歌喉!

阿廉上年就喺台慶拎咗佢入行以來第一個最佳男配角獎,唔知幾時拎返個歌曲獎?

歌手出身
歌手出身

陳敏之做飲食節目劣評如潮 網民大彈其表現不專業!

【港姐2018】港姐踏入45年!細數10項歷屆冠軍之最

《全民造星》再現「MK POP」風采!究竟係陳展鵬定天堂鳥?!

【父母都係中國人】同細佬都鬼鬼哋?陳凱琳:我係爸爸媽媽親生!

傳帶Jasper拍《爸爸6》袋4千萬!陳小春父子聞住氧氣樽上高山…

延伸閱讀:

傳同楊冪離婚 撻著G奶富家女 劉愷威:唔識呢位女士…

關注我們Facebook專頁
    相關新聞
      更多瀏覽