【再創世紀】女主角鬥喊功 鍾嘉欣、楊怡、周勵淇邊個最慘?
2018年09月22日17:23

無綫重頭劇《再創世紀》被視為《創世紀》嘅延續篇,呢套商戰劇上月底已率先喺愛奇藝及央視電視劇頻道CCTV-8黃金時段播出,香港觀眾就要等到9月10日至有得睇。雖然暫時收視麻麻,但有內地網友及觀眾都大讚郭晉安奸到出汁好好戲咁話!

話明係重頭劇,陣容當然有睇頭,劇中男主角有林文龍、周柏豪、郭晉安、袁偉豪等等,而鍾嘉欣、楊怡、周勵淇係三大女主角,雖然未知劇情發展如何,但從預告片中所見,三位女一都各自有喊戲,唔知邊個喊功最了得呢?

撰文:東方新地| 圖片:新傳媒圖片、《再創世紀》影片截圖

延伸閱讀:

葡萄兄弟嘉穎做老襯 唐文龍趕撻女公關

成功打入富二代圈子 黃心穎 菠蘿雞進化史!

《再創世紀》郭晉安做奸商

郭晉安在《創世紀》飾演有情有義的馬志強,今次佢喺《再創世紀》中反過來演奸角,佢飾演的賀天生陰險狡惑,為求達到目的不擇手段,勢要爬上香港首富之位,同林文龍飾演的金融界高手高哲展開連場商戰!

再創世紀
再創世紀
今次《再創世紀》郭晉安飾演嘅「賀天生」係一名充滿野心嘅商人,同楊怡結婚,後又偷食陳自瑤。

單睇郭晉安嘅笑容,已經奸到出汁,觀眾睇見都心寒!

郭晉安
郭晉安
劇中郭晉安做事不擇手段,同楊怡合謀,意圖吞併楊怡契爺胡楓嘅集團。

郭晉安
郭晉安

08年金融風暴做背景

《再創世紀》故事講述郭晉安飾演的賀天生,在2008年金融海嘯中欲趁機吞併香港首富方松蔭(胡楓飾)的集團,但遭富商卓啟堂(潘志文飾)出手阻撓。安仔懷恨在心,伺機復仇。10年後成為首富的卓啟堂,因為兩名兒子意外離世而大受打擊,更心臟病發昏迷,幼女卓定垚(周勵淇飾)為守護家業當上集團主席,此時賀天生想操控她,但私募基金代理人高哲出手扶助卓定垚,與賀天生展開連場商戰。

郭晉安
郭晉安

視后楊怡 被姦爆喊

視后楊怡飾演安仔老婆章明晞,據知她在劇中曾被方松蔭兒子方孝聰(黃子雄飾)強姦,會在電梯有場喊戲。

老竇鬧冇仔生

而另一場戲,講佢畀老竇話生咗個咁陰險嘅女兒,仲話畀村民嘲笑佢冇仔生,呢場戲楊怡谷到眼鼻通紅!

林文龍求婚鍾嘉欣感動落淚

鍾嘉欣、林文龍在劇中飾演一對,嘉欣嘅戲份全在加拿大溫哥華拍攝!呢場戲,講男友林文龍飛過去向佢求婚,嘉欣BB開心到激動地喊,當然最後Say yes啦!

父母跳樓自殺鍾嘉欣濠哭

但好景不常,嘉欣在香港的父母因為迷債爆煲而跳樓自殺,嘉欣得悉後傷心在湖邊濠哭,身為男友的林文龍抱著安慰!

林文龍間接害死 嘉欣再爆喊

但及後鍾嘉欣知道林文龍係迷你債券設計人,認定佢係間接害死自己爸爸媽媽嘅兇手,嘉欣淚如泉湧,所以最後決定分手!

周勵淇撫屍痛哭

周勵淇到殮房認屍,見到兩個哥哥的屍體,激動撫屍痛哭。

李婉華 復出客串

李婉華在劇中飾演鍾嘉欣工作的生態村同事,同樣都係熱愛環保事業,所以二人有唔少對手戲,在第7集李婉華正式登場。

嘉欣寄情同朋友創立嘅生態村,繼續推動環保!

李婉華戲份不多,50歲是三子之母的她雖然有一段時間沒有拍劇,但外形比起34歲的鍾嘉欣唔輸蝕,樣貌也與20年前分別不大,真係保養得宜!

李婉華 生三個仲咁fit

現年50歲的李婉華已移居加拿大多年,雖然佢已是三子女的媽咪,但身材仍然保養得宜,近日李婉華同家人去咗墨西哥旅行,佢事後喺facebook上載泳照,穿上紅色三點式的她身材依然好fit,絕對係辣媽一名!

兩年前穿同一套三點式

其實李婉華兩年前曾穿同一套泳衣,依家都仲著到,證明身材零走樣。

延伸閱讀:

黃心穎躺著也中槍!黃心美 護妹變捉蟲

關注我們Facebook專頁
    相關新聞
      更多瀏覽