Coffee陀B八個月玩倒立 網民揶揄:「呃like」、「咪得意忘形!」
2018年09月21日14:12

孕婦就要坐定定,唔可以做運動?日前,陀b八個多月嘅Coffee(林芊妤)就喺ig度貼出一張倒立照片,隨即引來好多網民熱議!

撰文:C | 圖片:林芊妤IG

延伸閱讀:

【室內遊樂場】大埔全新 2間室內樂園 (附交通資訊)

【親子好去處】包場式室內暖水池bb游水推介

Coffee陀B八個月玩倒立 網民揶揄:「呃like」、「咪得意忘形!」

懷孕後絕大多數準媽媽萬大事都先呵住肚中BB,行快兩步都擔心驚動B仔,更不敢膽粗粗去做劇烈運動。不過,瑜伽達人Coffee就自己有不同見解。Coffee認為適當運動對孕婦與胎兒都有好處。自懷孕後佢一直堅持每日鍛鍊,日日做瑜伽,不時更會做一系列高難度動作。

Coffee懷孕初期,身形變化不大,甚至越陀越靚,令好多孕媽媽都直呼「好羨慕」。

陀B後嘅Coffee依然無時停,不時喺社交網貼出做運動同玩瑜珈嘅相、短片。不時都有好多網民提醒Coffee要小心。

Coffee陀B八個月玩倒立 網民揶揄:「呃like」、「咪得意忘形!」

日前,Coffee日前喺ig貼出一張「倒立照」,隨即引來網民熱議。有網民大讚Coffee犀利,大肚仍然keep住馬甲線,更封佢為「最強孕婦」

連兩位剛為人母的鍾嘉欣、宋熙年都大讚Coffee「好勁」

不過,有網民眼見孕後期媽媽做啲咁驚險嘅舉動,就直指Coffee晒「倒立相」只為「呃Like」。更有網民批「呢d唔係專業唔專業定佢有幾撚禁勁,呢d叫多尻餘。無事咩wow下囉,有事就揾黎搞」、「真係凳個bb慘,有個咁無知既阿媽,為左呃like, 咩都做得出」。

更有網民惡意留言

coffee親自回應:「這是我懷孕前後每天練習瑜珈動作」

隨後,coffee就親自回應:「這是我懷孕前後,每天也會練習的瑜珈動作。而我做倒立的方法很安全。也有10年的倒立經驗,跟正常人站著一樣穩實。每個人的體質和準則也不一樣,所以將懷孕前運動量減半即可。加上我是瑜珈導師,知道有哪些動作孕婦要避免,激烈轉身向前彎向後彎,或訓練腹肌和壓到寶寶的動作。我在孕期也有避免的,而沒有練習過頭倒立的人,我相信也不會突然懷孕後去做,所以謝謝你們關心喔!」

知道網民其實係出於好意擔心自己,Coffee更好有耐心逐個回覆,更用「10號風球水中也是很寧靜」來比如自己對每個動作、腹中BB嘅安全係有十足把握。

準媽媽Coffee自爆胎盤低盼順產 做孕婦瑜珈安胎

其實Coffee係陀B7個月嘅時候,就曾經自爆胎盤低需要好好養胎。

「不是所有懷孕過程都是順利的,孕婦經常會遇上不同問題,例如妊娠糖尿或胎盤前置等等…難免不習慣有挫敗感和心情失落…」

View this post on Instagram

🌻 不是所有懷孕過程都是順利的 孕婦經常會遇上不同問題 例如妊娠糖尿或胎盤前置等等 原因不一定是因爲媽媽問題 很多先天和後天的因素影響著 但因不是一般正常的孕婦 而要改變正常的生活和工作 難免不習慣和心情失落 而其實我也是胎盤低的媽媽 有很多媽媽告訴我她們要一直睡床 而我屬於較幸運可以自由活動 但為免出血還是要比正常孕婦小心 連歐洲度密月假期也取消了 如果到32週後胎盤還未上升 就是胎盤前置可能要剖腹生產 對於我一向打算自然生育 也同時活躍於自己工作和生活 當然會感到有點兒的失落 但明白到不是所有事也能控制的 而且我是比較樂觀的吧哈哈 現在的生活節奏也要慢下來了 現在只做做簡單的孕婦瑜珈 等三個月就跟👶🏻見面啦 加油😜 #staypossitive #lovemybabyboy #beturetoyourself

A post shared by 🧘🏻‍♀️C O F F E E L A M🧘🏻‍♀️ (@coffee89921) on Aug 6, 2018 at 10:03pm PDT

Coffee又話自己仲可以自由活動,唔需要好似其他有相同狀況嘅媽媽一樣「臥床安胎」,已經屬於係比較幸運嘅「胎盤低媽媽」。

佢仲話希望可以順產,但因為胎盤位置低,要視乎之後「B仔」的狀況及胎盤位置,才能決定是否需要開刀,因而感到挫敗、心情失落。

不過,一向樂觀嘅Coffee坦言:「明白到不是所有事情也能控制的,現在的生活節奏也要慢下來了!做做簡單的孕婦瑜珈乖乖安胎,再等三個月就跟BB見面啦!」為自己以及一眾準媽媽加油打氣。

「不是所有懷孕過程都是順利的,孕婦經常會遇上不同問題。例如妊娠糖尿或胎盤前置等等,原因不一定是因爲媽媽問題,很多先天和後天的因素影響著。但因不是一般正常的孕婦,而要改變正常的生活和工作,難免不習慣有挫敗感和心情失落。而其實我也是胎盤低的媽媽,有很多媽媽告訴我她們要一直睡床,而我屬於較幸運還可以自由活動。但為免出血還是要比正常孕婦小心,如果到32週後胎盤還未上升,就是胎盤前置很大可能要剖腹生產。對於我一向打算自然生育,也同時活躍於自己的工作和生活,當然一樣感到某程度的失落。但明白到不是所有事情也能控制的,現在的生活節奏也要慢下來了,做做簡單的孕婦瑜珈乖乖安胎。再等三個月就跟BB見面啦!跟自己說聲加油!」

Coffee29歲生日:「期待踏上生日另一個階段」

林芊妤(Coffee)現時陀B八個月,預產期為10月份。今日,Coffee喺社交網上載咗一張照片,並感觸留言:「29歲的生日快到了,以前有的是腹肌,現在有的是肚腩仔,這代表不一樣的精彩,因人生將踏上另一個階段,越來越期待。」

臨產前最後一次生日,Coffee就約咗一班女性朋友慶祝,仲俾嘅朋友好肉緊咁錫面,Coffee亦留言:「扁啦!」

活潑B仔肚裡做瑜伽!?準媽媽Coffee首晒BB胎動

即將成為新手媽媽嘅Coffee,不時喺社交網大晒懷孕點滴,更不私心拍片同大家分享陀B心得。

呢日,Coffee喺社交網上載咗一條「胎動」短片,佢留言話:「到佢既活動時間啦」片中可見B仔大誇張咁郁動,BB超級活潑。

Coffee平日經常做瑜珈,胎教有成效!

網友紛紛大讚:「好活跃啊!肯定是个活力 baby」、「好誇張又好奇妙」更有網友搞笑留言:「bb應該跟緊你做yoga」、「好腳法」

胎動似腸動!?Coffee「晚晚郁 好似腸動咁」

有未為人母嘅網民就好奇問Coffee:「究竟係咩感覺」、「咁郁法會唔會痛㗎!?」 Coffee搞笑回覆:「佢晚晚郁,好似腸動咁」

Coffee愛臨急抱佛腳 準備BB用品都唔例外

早前,大著肚子都要同老公周遊世界嘅Coffee,臨近預產期終於肯安心留港養胎。到了懷孕最後階段,Coffee終於開始為生B著手準備,準備bb房、上媽媽堂、趕辦babyshower等,仲話自己「特別有動力」。

到最後階段,才開始忙著想要和寶寶留倩影。急著要準備好bb房的東西,衝著去上媽媽課,趕辦babyshower的事宜,這是我一貫的風格,臨急抱佛腳。

練就熟手 Coffee抱李蘊B仔唔捨得放手

日前,陀B八個月的Coffee登門拜訪,探望同期懷孕的好姊妹李蘊。

李蘊於上月初誕下二胎,湊成好字。仔仔眨下眼已經一個多月大,眉清目秀,似足媽媽。

Coffee趁難得機會緊要抓緊時間學抱B,順便提前拜師請教媽媽經。佢上載咗一張同李蘊母子嘅合照,並留言話:「好快就到自己啦,其實都有d緊張,見到你(李蘊)勁熟手,到時要多多指教。」

剛剛再為人母的李蘊,當然明白準媽媽緊張的心情,佢鼓勵Coffee話:「 熟能生巧,你都可以。」

更大讚小新bb(李蘊兒子小名)好乖,任佢抱。小新媽咪聽到有人讚自己個仔緊係開心,回覆:「我小新bb緊係乖豬啦。」

Coffee懷孕32周Coffee身型靚過28周吳日言

身為瑜伽導師的Coffee懷孕後身材依然Fit爆,日前跟好姊妹吳日言齊齊去游水,更在社交網站上貼出唯美泳衣照,見懷孕32周的Coffee手腳纖幼,肚子只比懷孕28周的吳日言大少少,兩個準媽媽都Keep得非常好,引來不少網民大讚。

Coffee留言:「之前一起主持節目而認識,到現在一起前後懷孕,太有緣份了吧,哈哈哈!」

而吳日言則貼出與丈夫的合照,並留言指:「今年第一次落水,結果就比佢地笑我“唔做運動。皮膚太白。唔識游水。”睇住嚟,生完之後減比你地睇。😝」未生B已經想著產後修身,看來吳日言誓要當個靚媽!

懷孕八個月與老公遊世界 晒「老公視覺」Fit爆靚相

最近同老公四圍玩,歎世界嘅Coffee,不時都係社交網大晒旅行靚相。早前,更分享咗數張身穿比堅尼的相片晒孕肚,陀B8個月嘅Coffee留言話:「肥仔(老公)話我而家似企鵝..」

準媽媽Coffee教路 5招去水腫 有效去肚紋

現時懷孕31周的準媽媽林芊妤(Coffee)身材Fit爆相信大家都有目共睹,雖然眼見Coffee終於變「大肚婆」,不過陀B八個月亦只得33吋腰,實在令一眾準媽咪羨慕不已呀。

Coffee早前就拍片親身示範,教大家簡單的初級瑜珈,20分鐘可以減肥、排毒、拉筋及改善痛症,最重要就是孕媽媽都做得,有效減少肚紋、去水腫,各位孕婦都不妨一試。

首先預備一個枕頭或block放喺墊子上,然後可以坐喺block上面。然後,雙腳翹起,盆骨高過膝蓋。

坐低時記得把臀部肌肉推出去,這樣人可以坐直一點,然後將人放鬆。

動作一

將雙手從身體兩側慢慢升起。

控制呼吸,然後將個人扭到右邊,頭轉向後,並將右手放到身後。

再慢慢吸氣將手拉向上,呼氣拉長腰側,然後將個人扭到左邊,重複上述動作。

動作二

升起雙手,左手捉住右手,將人拉向右側。同時記得要打開心口,眼望向天花,拉動腰側,直至感到腰側有種拉著的感覺,然後返回中間,左右重複。

動作三

然後將雙手放在大腿上,上身向前扭一圈。每次身體向前時呼氣,身體往後時吸氣,每邊各做5下。

動作四

保持上身拉直身子,然後慢慢將雙手沿腳拉到腳踝的位置,此刻小腿後方會有拉伸的感覺。背部不用彎曲,頭望向前方,吸氣身體落下,呼氣身體拉回向上,重複動作5次。

動作五

手同膊頭成直線,臀部同膝蓋都成一直線。如果是孕婦的話,就將腿打開少少,然後將臀部升起。這個時候會覺得肚臍有股力量拉住,慢慢呼氣,將肚往內收。

把雙手慢慢趴向前,臀部向上挺,然後把心口貼向地面,下巴同樣貼在地上,維持十個呼吸。

完整版本:

貪玩媽媽Coffee:「去旅行能醫百病」

懷孕後期嘅Coffee,難得放大假,一於懶理同老公四圍遊。早前上載了一張疑似坐在輪椅上的照片,引起關注。身在沖繩的Coffee就親自回應表示,當時佢與老公要行上一個叫首里城的地方,路程要十多分鐘,行行吓自己覺得辛苦,所以老公叫她坐在輪椅上。其實喺嗰度嘅設施,俾有需要嘅人用,叫大家毋須擔心呀。

有老公仔照顧,Coffee全程無需操勞,歎著玩!

被問到點解懷孕八個月仲膽粗粗四圍走?Coffee就大派定心丸並表示,全部都有問准醫生先做,醫生只吩咐唔好坐長途飛機,短程可以,而且34周先唔好飛,仲有成個月,同埋旅途會租車。

醫生早預告係大碼B

Coffee有咗7個月,但係一直都未現「巨肚」,網民都話佢就算生完應該都唔似生過!

Coffee再去產檢時,醫生就話BB頭大肚大腳短,不過愛美嘅Coffee一於少理,仲話只要BB健康就足夠!

為咗保持健康,Coffee除咗Keep住做瑜珈之外,日前仲陀住「肚腩仔」去游夜水!

Coffee林芊妤
Coffee林芊妤
Coffee林芊妤 IG截圖
Coffee林芊妤 IG截圖

今次着起三點式,終於覺得Coffee似係「大肚」喇!連佢自己都笑,「肚腩仔」而家變咗「大肚腩」喇!

延伸閱讀:

【親子好去處】免費任玩「水+沙+滑梯」屯門公園共融遊樂場 即將啟用

關注我們Facebook專頁
    相關新聞
      更多瀏覽