預祝「阿媽」47歲生日!江美儀 獲大台男神驚喜送蛋糕
2018年09月20日12:35

明天係江美儀47歲生日,呢排佢忙於為新劇開工,不過今日有位大台男神好有心,專程去送生日蛋糕畀壽星女,夠晒驚喜!

撰文:東方新地| 圖片:江美儀IG余德丞IG鄭裕玲IG、東方新地

延伸閱讀:

明星KOL拍粉底廣告集體炒車 網民:得湯怡一個靚!

王君馨馬爾代夫人妻大解放 火辣比堅尼撻著老公!

江美儀 獲大台男神驚喜送蛋糕

個男神之唔係余德丞囉!好番出院嘅佢依家仲休養緊未正式開工,但今日佢去送生日蛋糕畀明日生日嘅「阿媽」江美儀,點解叫阿媽?因為余德丞同江美儀曾喺劇集《誇世代》合演母子囉!估唔到阿仔咁有心親身去到美儀拍攝嘅場地,同佢預祝生日。

江美儀
江美儀
江美儀同余德丞自《䛴世代》合演母子後成為好友,美儀明天生日,做「阿仔」嘅余德丞專程送個生日蛋糕畀阿媽,好有心!

美儀收到「個仔」嘅生日大禮,即刻喺ig開心share:「生日的驚喜,就是我個仔突然嚟探我班,重買咗個蛋糕同我慶祝生日。我最窩心的生日禮物,就是他健健康康站在我面前。多謝你呀德丞,多謝你阿六同監制Joe!#有個乖仔同我慶祝生日#有個仔真好#江美儀 #江美人#好好善待自己 #余德丞 #龔嘉欣」。

昨日余德丞都有返TVB,喺電視城巧遇嘟姐(鄭裕玲),二人好開心咁合!

View this post on Instagram

喜見 @yuduck 好精神,不過,以後都要小心身體!Take care!

A post shared by 鄭裕玲 Do Do Cheng (@do_do_cheng) on Sep 18, 2018 at 4:17am PDT

余德丞出院後現身

余德丞(Dickson)早前出院,雖然一直未有公開露面,但上星期下晝本刊記者就影到余德丞與男性朋友揸車去到筲箕灣東大街嘅安利食嘢,見佢着住黑tee同短褲,戴住cap帽,驟眼望落整體精神都叫幾好,不過身形就明顯比之前消瘦!

余德丞接受記者訪問

余德丞見到記者依然笑容滿面,出停車場後更邊行邊接受訪問,相當友善!當問及其身體情況時,Dickson指自己身體狀況唔錯,而且指自己體重同出事前差唔多。

至於工作方面,Dickson直言若有拍攝嘅工作就應該唔會停,但始終都需要交由公司再安排,並強調會以休息為先。

Dickson食完嘢之後再次接受本刊記者訪問,當問到需唔需要喺飲食上介口,佢就話西醫並冇特別講話要。

之前有指原本有兩套劇集嘅角色意屬余德丞,但因佢出事入院,令劇集需另外換演員頂替,對於係咪錯失拍劇機會,Dickson則表示:「冇特別問到。」

可能啱啱出院冇耐,Dickson始終面帶倦容。

由於Dickson出事入院後曾有圈中好友到醫院探訪,當被問及有冇相約其他好友相見,佢就指:「自己暫時唔係見咗好多朋友。」另外,Dickson需要休息幾耐,佢就話:「要再聽吓醫生點講。」同時,佢亦表示自己仍需要去醫院覆診,但就冇透露係睇邊科嘅醫生。

獲店員於單據留言送祝福

其後,Dickson亦有於個人社交網上載美食,同大家分享牛腩撈粗同油菜。

除此以外,佢仲上載張單據,見到店員寫上「get well soon」祝福Dickson,堅係好有愛呀!

余德丞出院 短期內不可做運動

計番佢差唔多住院一個月,余德丞話發咗長文多謝醫護人員、家人、朋友、所有關心佢嘅人,仲話:「生命無take 2 ,今次咁好彩有多一次機會,我一定會好好珍惜。」

在 Instagram 查看這則貼文

我出院啦🎉🎉🎉感謝瑪麗醫院既醫生同護士們,見住你地早更完又夜更,又一大早巡房,又每日24小時留意住我既病情,真係辛苦你地! 感謝我既屋企人,每日擔心我病情既變化,又驚我唔知有咩需要,仲要每日頻頻撲撲幫我準備三餐。 感謝我公司,我經理人同一班好同事,成日擔心我會鑽牛角尖亂咁唸,一得閒就開解我。 感謝我既朋友,知我一個人悶,一有空檔就嚟陪我傾計,仲要買埋生果糖水俾我食。 感謝每一位關心我既你地同支持我既 fans,係唔同既社交平台都見到有好多問候我既訊息。雖然我未能夠一一回覆,不過我絕對感受到你地既心意。 不過坦白講,原來連續咁多日面對住一樣既三面牆,加埋打唔開既窗,感覺真係好難受!所以我都希望今次之後,我既身體會生生性性,爭一口氣,唔好再令大家擔心。 醫生話短期之內唔可以做運動住,相信都會係我最唔習慣既。生命無 take 2 ,今次咁好彩有多一次機會,我一定會好好珍惜。俾啲時間,等我休養多一陣,好快我就會重新出發💪🏼#我只想身體健康 #回家最好不過 #第二生命#comebackstronger #happybirthdaytome #hk #hkig #instadaily #yuts

Dickson Yu 余德丞(@yuduck)分享的貼文 於PDT 2018 年 9月 月 7 日 上午 2:18張貼

9月2日生日嘅余德丞,仲同自己講生日快樂,咦!唔知呢個生日蛋糕邊個送畀佢呢?

余德丞仲晒患病期間,朋友送畀佢嘅簽名卡,仲有出事前拍緊劇集《鐵探》嘅一班同事嘅簽名!

最想飲珍珠奶茶

之前余德丞一醒番,除咗多謝各位嘅集氣同祝福,仲話過出院想飲珍珠奶茶,唔知依家飲咗未呢?

在 Instagram 查看這則貼文

係呢段日子,好多謝全香港,你地每一位,既關心問候祝福同支持🙏🏼希望可以快啲出院食餐好同飲珍珠奶茶😋#抬頭吧黑暗過會是晨曦 #集氣成功 #多謝大家 #hk #hkig #instadaily #yuts

Dickson Yu 余德丞(@yuduck)分享的貼文 於PDT 2018 年 8月 月 21 日 上午 3:13張貼

余德丞:今次真係好好彩

今個月8日,余德丞踢波期間身體不適,其後更昏迷入院,情況一度非常危殆。早前,他透過big big channel向大家報平安,首度開腔:「咁多位大家好,我覺得我今次真係好好彩,可以大步檻過醒得番,再同你哋講嘢,衷心多謝全香港每一位嘅關心、問候、祝福同集氣,令我能夠醒得番!所以,真係好衷心咁多謝你哋。」

聲線聽落與平時無異的余德丞坦言:「醒番先知道件事都好嚴重,喺昏迷嘅時候,心臟曾經停過一段幾長嘅時間,所以起得番身,真係好好彩!」

他表示自己近幾日慢慢康復,但醫生建議要留院多一段時間,Check清楚身體係咪真係無問題,先至可以出院,同時感謝一眾瑪麗醫院醫護人員的悉心照顧及關鍵時候幫他做心肺復甦的足球隊隊友!

View this post on Instagram

COME ON YOU SPURS!!!! #tgif #spursinhongkong #jengs #football #moretocome #hk #hkig #instadaily #yuts

A post shared by Dickson Yu 余德丞 (@yuduck) on May 25, 2017 at 6:32am PDT

余德丞亦提及:「屋企人每日嚟支持我、整嘢畀我食,仲有TVB上上下下好同事,同埋咁多位傳媒朋友,冇咗你哋邊個都唔得,所以,我希望可以快啲出院,同大家見面,有咩新消息我再通知你哋,記住身體健康最緊要。」聽到佢咁講,相信大家都可以放心!衷心祝佢早日康復!

余德丞上月與朋友在西營盤中山紀念公園球場踢波,其間疑身體感不適到場外長椅休息,未幾突然暈倒。余德丞其後由救護車送往瑪麗醫院搶救。警方初步調查,相信事件無可疑,列為有人暈倒案處理!

隊友透露:上次佢已經突然嗌唔掂

余德丞的足球隊隊友、Now TV新聞體育記者郭灝然得知Dickson入院的消息後,表示「嚇到標咗一身冷汗」,又指Dickson已經唔係首次踢波不適:「BTW上次同佢踢記協盃,佢已經突然嗌唔掂要換岀,近期天氣又熱又翳焗,夜晚都有成29度,大家踢波一有唔妥真係唔好死頂,一定要岀場抖抖。」

藝人親友急往醫院探望余德丞

曾與余德丞共同主持節目《緬甸奇幻旅程》的蔡思貝低調到醫院了解情況。

余德丞的親人朋友亦顯得憂心仲仲。

余媽媽與Dickson經理人一直未有回應提問。

余媽媽:Dickson已經跨過難關,初步甦醒

余德丞入ICU留醫以來,多次傳出病情反覆的消息,至早前余媽媽向傳媒發開信,表示余德丞已初步甦醒,令連日來擔心余德丞的親人好友終於可舒一口氣。

余媽媽公開信內文如下:

-----------------------------

致新聞界各媒體及Dickson各方好友:

感激瑪麗醫院上下對Dickson 悉心照料。

同時,連日來感謝媒體,Dickson好友朋友們,影迷等對Dickson 關心及祝福.大家辛苦了。作為Dickson 家人,得到這樣支持,非常感動。

今天傳來醫生的好消息,Dickson已經跨過難關,初步甦醒,邁向康復最重要的一大步。

目前Dickson須聽從配合醫生指示接受治療,我們也須要跟從醫院建議,避免 Dickson 和在 ICU 內其他病人受到額外感染,令病情惡化,所以現階段無法接待大家探訪。

情非得已,希望愛錫Dickson的各界好友明白體諒,多多包容。等日後Dickson 能康復痊癒,才跟大家見面。

我兒Dickson 一向有非常正面能量,鬥心頑強,一定會再跟大家見面。多謝大家祝福。

余媽媽 上

余德丞被迫辭演兩套劇

余德丞情況穩定固然係可喜可賀,但難免因病情影響工作,所以被逼辭演兩個劇集角色,包括新劇《殺手》和周日劇《救妻同學會》。其中余德丞入院前出席《殺手》的開鏡拜神儀式,佢本來在劇中飾演年青版陳豪,可惜現時未能演出。

余德丞在《殺手》本來飾演年青版陳豪

星夢歌手伍富橋頂上

據知余德丞辭演的呢兩個角色,都會係由星夢歌手伍富橋接演!《殺手》監製陳維冠回覆傳媒時,承認伍富橋會接替余德丞在《殺手》中的角色,佢表示余德丞需要多啲時間休息,而且佢喺《殺手》只係客串一集,如果夾硬拍攝而出問題就好唔抵。

伍富橋將會接替余德丞在《殺手》中的角色

《超級巨聲4》第12名

1994年出世的伍富橋今年只係24歲,2014年時參加《超級巨聲4》奪得第12名後簽約無綫,之後幾年分別做過《樂勢力》主持、娛樂新聞台主播及《3日2夜》主持等。

至2016年,伍富橋加盟星夢娛樂正式做歌手,推出過〈我怎會如此〉、〈放假〉,以及《溏心風暴3》插曲〈不只是朋友〉等歌曲。

余德丞同伍富橋邊個靚仔啲?

大家有冇聽過佢啲歌?

余德丞被譽為新一代男神

Dickson在香港華仁書院畢業,在香港城市大學修讀工商管理學系,加入娛樂圈前是做廣告公司,2013年加入無綫電視主要擔任體育台主持,前年才參演劇集,去年在劇集《誇世代》中飾演「尚浩洋」為人熟悉。早前他和蔡思貝主持旅遊節目大受歡迎,人氣急升,成為新一代螢幕情侶,他更被譽為新一代男神,目前是無綫電視經理人合約藝員。

熱愛運動

有42吋巨胸的Dickson,曾是香港游泳代表隊成員,他熱愛運動,經常在其ig見他分享踢波照,又不時玩水上活動及做GYM。

View this post on Instagram

A great comeback ⚽️⚽️ #wyhk #alumni #football #jengs #hk #hkig #instadaily #yuts

A post shared by Dickson Yu 余德丞 (@yuduck) on Mar 17, 2018 at 1:22am PDT

今年香港馬拉松Dickson也有跑十公里賽事,以49分47秒完成,成績比四年前好!

【延禧攻略】原班人馬開新劇!《皓鑭傳》邊個冇得留低?

有情有義 情路坎坷!邵美琪 靚足33年

0
0

【港姐2018】港姐踏入45年!細數10項歷屆冠軍之最

延伸閱讀:

告別25年的歌唱生涯 原來係舊情復燃…安室奈美惠正式引退 你要知道的9件事

關注我們Facebook專頁
    相關新聞
      更多瀏覽