父親連返28個鐘鋸樹仍被投訴 網民抱不平:啲PK真係好自私!
2018年09月19日14:07

香港早前面對歷來最強颱風「山竹」的挑戰,十號風球下本港被蹂躪10小時,多處地區出現海水倒灌,大量樹木和垃圾阻塞馬路,不少民眾都發起清潔街道的活動,令人感受到港人的團結!可惜就唔係人人都懂得感恩,日前有網民表示父親「返咗28個鐘頭工鋸樹,都仲畀人投訴」,深深不忿下發文吐苦水!

撰文:東方新地|圖片:Instagram、Lihkg.com 、「Tai Po大埔」「將軍澳」Facebook群組

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!

無知港女以為自己讀英國名校 網民:你間學校排第……

父親連返28個鐘鋸樹仍被投訴

「山竹」吹襲過後,各區滿目瘡痍,唔少清潔工人都捱更抵夜清理雜物,務求盡快將街道回復面貌。不過就唔係人人都懂得感恩,日前有網民喺連登討論區表示,負責屋邨維修工作的父親「一掛八號波就返工,standby鋸樹,一直返到落波,返黎沖涼就繼續返工,繼續鋸樹,但係都仲俾屋邨居民投訴」

網民抱不平:啲PK真係好自私!

樓主父親辛勞工作,有屋邨居民未有體諒,反而喺呢啲非常時候作出投訴,令樓主替父親大感不值,又指父親「平時收工前喺垃圾房抹身都俾人投訴」,不禁大呼「停啦」

唔少網民都留言支持樓主父親,並鬧爆一啲自私的人:

藝人自發清理垃圾

盧巧音(Candy)同老公蘇浩才自發性到沙灘清理垃圾,佢哋呼籲大家都出一分力:「面對這麼多的垃圾,我們真的手足無措,盡量吧盡力吧!#山竹善後 」唔少網民都讚二人無私的表現。

另外賭王何鴻燊三房千金何超蓮嘅慈善團體就喺網上召集義工,分別到杏花邨、將軍澳及沙田區清潔道路垃圾!

身為好友嘅JW王灝兒有響應呼籲,佢喺社交平台留言話:「我頭先係完全相信唔到眼前有咁多發泡膠!! 係好似雪山咁多!!!!! 執極都好似仲有!!好開心一班義工一齊幫手!好多住喺杏花邨嘅居民都一齊落嚟執垃圾!This is what we should do! Complain less, do more!❤️do it by ourselves! Do what we can!❣️AND STOP USING 發泡膠!!!! 」

大埔、將軍澳居民自發清理街道

有網民在「Tai Po大埔」、「將軍澳」Facebook群組上載多張相片,指兩區都有居民自發清理街道,希望可以令市區早盡快回復正常。

據「Tai Po 大埔」Facebook群組的相片可見,有三位女士拿起大掃把,「落手落腳」在大埔清理馬路垃圾,更留言:「係愛?係責任?係因為大埔係自己屋企啊!」

山竹襲港
山竹襲港
圖片來源:「Tai Po大埔」Facebook群組(End Chan圖)
圖片來源:「Tai Po大埔」Facebook群組(End Chan圖)
圖片來源:「Tai Po大埔」Facebook群組(End Chan圖)

而「將軍澳」Facebook群組則出現了一位外國女士Carola,有網民留言指她是智利人,但一直居住在將軍澳,網民指她曾有很多清理天災過後現場的經驗,故想為市區出一分力,清理將軍澳海濱長廊。有網民被Carola的行為感動,親自到現場拉起衣袖便落手清理街道,據知現時現場已達十多人。

圖片來源:「將軍澳」Facebook群組(Kaming Wong攝)
圖片來源:「將軍澳」Facebook群組(Kaming Wong攝)
圖片來源:「將軍澳」Facebook群組(Kaming Wong攝)
圖片來源:「將軍澳」Facebook群組(Kaming Wong攝)

網民:如果唔係要返工會更加多人幫手

網民對好心人士的舉動非常感動,留言提醒他們:「小心啲啊,會有機會突然塌樹…」、「呢啲先係公民教育!唔好淨係識叫你返工!」更有網民提出,假如今天停工,相信會有更多人願意出來清理街道:「如果今日停工應該會有更多人自願上街幫手善後」。

圖片來源:「將軍澳」Facebook群組(Kaming Wong攝)
圖片來源:「將軍澳」Facebook群組(Kaming Wong攝)

延伸閱讀:

大專靚女Lecturer激似衛詩雅 巴打:好想瘋狂sit堂!

關注我們Facebook專頁
    相關新聞
      更多瀏覽