【好人好事】馬鞍山村冧樹 黎瑞恩擸電鋸上山開路
2018年09月18日07:12

「山竹」走了!雖然市區所受破壞嚴重,不過災後都有唔少好人好事,好似有市民自發清理社區、學校,又有旅遊巴義載等等。原來黎瑞恩尋日(17/9 )都有出動幫手,仲買咗兩把電鋸上山鋸樹開路!為馬鞍山村同錦田嘅居民恢復道路暢通。

撰文:Joanne 圖片:黎瑞恩、鍾健威FB、IG,網上圖片

延伸閱讀:

左腳踢右腳常跌到 慎防兒童關節炎問題

【親子旅遊】曼谷兒童探索博物館 五大玩樂設施免費任玩

希望每人出分力

黎瑞恩尋日喺個人FB專頁,PO出一張兩把電鋸嘅相,仲留言話:「我要去做德州電鋸狂魔喇!」。原來係因為打完風見到周街都係冧樹,所以約埋幾個朋友,去買兩把電鋸同工具,就去一啲偏遠嘅地區,見到有阻路嘅冧樹就鋸咗去。

同行仲有黃美琪嘅男朋友鍾健威,一行人先去馬鞍山,再去錦田。黎瑞恩話食環署嘅清潔工人,全部都係阿婆阿伯,唔通叫阿婆阿伯托樹咩!而且香港係我哋屋企,一人做一啲,香港好快就會變番一個乾淨嘅地方!

第一次鋸樹,黎瑞恩話自己都算幾叻,有啲村民為咗多謝佢哋,仲送咗袋木瓜畀佢哋。其實小恩子今次唔止幫到食環署嘅哥哥姐姐,以及受影響嘅村民,仲為一對仔女做咗一個好好嘅榜樣!

延伸閱讀:

8個月大BB常被捏面 引皮膚紅腫發炎變濕疹

關注我們Facebook專頁
    相關新聞
      更多瀏覽